النتائج 1 إلى 15 من 23
- 06-04-2018, 02:05 AM #1
شرح مبسط للهارمونيك خطوة بخطوة مع الفرص
السلام عليكم ورحمة الله وبركاتهان شاء الله هشرح الهارمونيك (التداول التوافقي ) مع فرص حية
اولاً احب اشكر اساتذة الهارموينك : الاستاذ Mohammed Gaber و الاستاذ أحمد سعيد (صاحب ورشة الهارمونيك طوق النجاة)
* الهارمونيك اتشرح قبل كده كتير ... ايه الجديد اللي هتقدمه ؟
- الصراحة مش هقدم اي حاجة جديدة ومش هخترع نماذج جديدة مثلا
انا هشرح الهارمونيك بطريقتي
-الهارمونيك اتشرح كتير فعلاً ومن اساتذة في الهارمونيك قبل كده بس ممكن واحد يفهم من شخص ما وميفهمش من شخص اخر
ممكن واحد جرب الهارمونيك قبل كده ومقدرش يفهموا وان شاء الله يفهمه مني .. وممكن ميفهمش
مميزات التداول باستخدام الهارمونيك
1- كثرة الفرص
2- وضوح الهدف والاستوب
3- نسبة الهدف الي الاستوب علي الاقل 1:2 واحيانا تصل الي 1:6
4- تناسب كافة الازواج ومعظم الفريمات (ابتداءً من الساعة)
5- وجود قوانين ثابتة وواضحة لا خلاف عليها وهي مدرسة يعترف بها الجميع ولها تاريخ جدير بالاحترام
6- سهولة تعلمها
الاداوت المستخدمة في التحليل بالهارمونيك
1- مؤشر فايبو
2- مؤشر الزجزاج ZigZag
كلا المؤشرين يتوافران علي منصة الميتاتريدر وباقي المنصات
اولا نحتاج لضبط اعدادات المؤشرات
مؤشر فايبو
نحتاج لاضافة بعض المستويات المستخدمة في الهارمونيك
اتبع الشرح بالصور
مؤشر الزجزاج
في المشاركة القادمة ان شاء الله سأوضح ما هي نماذج الهارمونيك وكيفية ايجادها
- 06-04-2018, 02:15 AM #2نماذج الهارمونيكتنحصر نماذج الهارمونيك علي ثلاث اشكال رئيسية:
شكل حرف M وهو نموذج يكون الدخول عليه بالشراء
شكل حرف W وهو نموذج يكون الدخول عليه بالبيع
شكل حرف N (للبيع ) أو N معكوس (للشراء)
نماذج الهارموينك الاكثر شهرة والاقوي والمعترف بها :
1- نموذج الخفاش Bat
وهو من اشهر النماذج واكثر تكراراً
2- نموذج الكراب Crab
3- نموذج الفراشة Butterfly
4- نموذج الجارتلي Gartley
5- نموذج القرش Shark
من اشهر النماذج واكثرها تكراراً
6- نموذج ABCD
ويعتبر حجر الاساس لكثير من النماذج
7-نموذج 0-5
8- نموذج 123 Drive
9- نموذج الخفاش البديل Alternate Bat
10- نموذج الكراب الممتد Deep Crab
هذه هي العشر نماذج الاقوي والاشهر و شخصيا افضل الا يتم استخدام اي نماذج اخري
نماذج اقل شهر (لا انصح بها )
1- Cypher
2- Nen Star
3- Alternate Crab/ Butterfly/Gartley
بالمرفقات صور النماذج والنسب الخاصة بها
- 06-04-2018, 02:20 AM #3قواعد عامة :
1- ترقيم النماذج
يتم ترقيم نموذج ABCD بالنمط التالي
A-B-C-D
يتم ترقيم باقي النماذج بالنمط XABCD
من الضروري فهم مسألة الترقيم لانها ستستخدم في الشرح
2- رسم الفايبو
يعتمد الهارمونيك علي الموجات ولذا من الضروري فهم كيف يتم رسم اداة الفايبو علي لموجة
لرسم فايبو علي موجة صاعدة ... نمشي مع اتجاه الموجة ... اي نرسم من القاع الي القمة
لرسم فايبو علي موجة هابطة ... نمشي مع اتجاه الموجة ... اي نرسم من القمة الي القاع
كل هدفنا في اي نموذج الهارمونيك هو ايجاد النقطة D لانها نقطة الدخول والمتاجرة
- 06-04-2018, 02:45 AM #4نموذج الخفاش Bat Patternيعتبر من اقوي الماذج واكثرها تكراراً علي الشارت
يرجع قوة النموذج الي توافق منطقة الانعكاس المحتملة مع منطقة عرض او طلب
انا هشرح قواعدة الهارمونيك ببتطبيقها علي نموذج الخفاش و بعدها هتكون الدنيا سهلة و هيبقي باقي النماذج سهلة لاننا شرح الاساسيات
نسب نموذج الخفاش
شرح النسب
نموذج الخفاش يشترط ان
1- النقطة B تصحح من الضلع XA نسبة 38 او 50
(اقل من مستوي 38 مرفوض / اكثر من مستوي 50 مرفوض ... يعني لو وصل 61.8 لا يعتبر خفاش ... انما تحت مستوي 50 لكن لم يصل لمستوي 61.8 .. تعتبر النسبة 50 )
2- النقطة C تصحح من الضلع AB نسبة 38.2 أو 50 أو 61.8 أو 78.6 أو 88.6
3- يتوقع ان تكون النقطة D عند مستوي 88.6 من الضلع XA
4- يتوقع ان تكون النقطة D عند مستوي 161.8 أو 200 أو 261.8 من الضلع BC
دا الكلام النظري و ممكن يكون الكلام مبهم دلوقتي لانه نظري لكن كل حاجة هتتشرح حالاً
نبدأ الشرح بسم الله
لايجاد نموذج خفاش فهو بيكون علي شكل حرف M أو W
نفرض اننا لاقينا شكل حرف W زي ما في الصورة اهه
كل هدفنا في اي نموذج الهارمونيك هو ايجاد النقطة D لانها نقطة الدخول والمتاجرة
أول حاجة لازم نشوف هل دا نموذج هامونيك خفاش صحيح ام لا
ازاي ؟؟ باننا نشوف النسب اللي في الجدول صحيحة ام لا
يعني هنشوف نسبة B من XA زي ما هي في الجدول ام لا ؟
ونسبة C من AB زي ما في الجدول ام لا ؟
ثم بعدها هنتنبأ بالنقطة D و هي دي نقطة الدخول وهنشرحها فيما بعد
أولا :
النقطة B من الضلع XA
من المفترض ان النقطةB تحقق تصحيح قدره 38.2 أو 50 من الضلع XA
اقل من 38.2 مرفوض (ولو بكام نقطة ... مرفوض )
اكثر من 50 (يعني 61.8 مرفوض ) مرفوض
رسمنا فايبو علي الضلع XA زي ما شرحت قبل كده
وطلع فعلا ان B مصححة من XA مقدار 50 فايبو
يبقي احتمال كبير يكون عندنا نموذج خفاش
لكن فاضل نسبة كمان علشان نتأكد ان دا خفاش فعلا
هي نسبة C من AB
نرسم كده ونشوف
طلع ان ال C محقق من XA مقدار 61.8
يبقي كده مبروك فيه خفاش فعلا
نحدد النموذج باداة المثلث علشان النموذج يكون واضح
فاضل ايه بقي .... اهم حاجة ... اننا نتنبأ بالنقطة D (عايزين نشتغل )
النقطة D بنحددها بالرسم علي ضلعين
اول حاجة بنرسم علي الضلع XA و نحدد نسبة معينة وبنسميها النسبة الرئيسية
ونرجع نرسم علي الضلع BC ونحدد نسبة معينة وبنسميها النسبة الفرعية
احنا بندخل لما السعر يوصل للنسبة الرئيسية
واستوبنا اسفل النسبة الفرعية ( الاستوب في الهارمونيك هو اغلاق شمعة من نفس الفريم اسفل او اعلي النسبة الفرعية ... الاستوبات الرقمية لا تصلح مع الهارمونيك )
لو كسر النسبة الفرعية باغلاق اسفله من نفس فريم الرسم ... يبقي النموذج فشل
نرجع لموضوعنا
عايزين نحدد النقطة D
هنرسم فايبو علي الضلع XA
ونحدد مستوي 88.6 ( زي ما موضح في الجدول )
حددنا النسبة الرئيسية 88.6
وطلعت عند سعر 78.269 (وهو دا سعر الدخول)
نحدد بقي النسبة الفرعية
نرسم فايبو علي الضلع BC ونحدد مستوي من المستويات اللي في الجدول (161.8 أو 200 أو 216.8 )
نحدد اقرب مستوي للنسبة الرئيسية
طلعت النسبة الفرعية عند مستوي 224 فايبو ... عند سعر 78.420
يبقي هندخل عند 78.269 واستوبنا اغلاق 4 ساعات اعلي 78.420
المنطقة دي تسمي منطقة الانعكاس المحتملة Potential Reversal Zone (PRZ(
نرسم فايبو علي الضلع CD
ونحدد مستويات فايبو 23 و 38 و 50 و 78.6 وهكذا
الاسعار عند المستويات دي هتكون هيا الاهداف
طيب هحدد اي مستوي علشان اخد الارباح واقفل الصفقة
لو الصفقة عكس اتجاه الزوج العام يبقي خليك مع مستوي 23 و 38
لو الصفقة مع اتجاه الزوج العام يبقي خلي اهدافك بعيدة يعني مثلا 50 او 78.6
حسب رؤيتك الفنية للزوج
تعالوا نطبق اللي قلناه
وبكده التوصية هتكون بالشكل دا
NZD-JPY
SELL Limit :
78.254792
Stop loss :
closure H4 candle above 78.581509
TP1: 77.777283
TP2 : 77.456849
TP3 : 77.199245
(اثناء كتابة المشاركة الزوج هبط قبل المنطقة ورايح للاهداف ... او اللي كانت المفروض تكون اهداف )
أي استفسار مرحب بيه
- 06-04-2018, 05:45 AM #5
بالتوفيق ياغالي
- 06-04-2018, 12:21 PM #6
شرح ممتاز .. بارك الله فيك
- 06-04-2018, 01:09 PM #7
بالتوفيق ومتابع معك
- 06-04-2018, 02:09 PM #8
ماشاء الله مبدع
شرح سلس ومترابط
الله يوفقك
- 06-04-2018, 02:55 PM #9
شرح جميل و مبسط
تسلم يا أخي على المجهود و إن شاء الله ورشة موفقة .
الهارمونيك من الأساليب الجيدة في التداول و أثبتت نفسها فعلياً
متابع معاك و بالتوفيق إن شاء الله .
- 06-04-2018, 03:18 PM #10
لسه مع نموذج الخفاش
وناخد مثال تاني ... بس المرة دي ناخد مثال لنموذج تحقق وانتهي علشان نشوف السعر اتعامل مع النموذج ازاي
أولا :
فتحنا الشارت لقينا حرف W
اول نموذج يجي في بالنا انه يكون خفاش
نحدد النموذج باداة المثلث علشان الشغل يكون سهل وواضح
نسبة الـ B من الضلع XA
نتأكد انه خفاش
نرسم فايبو علي الضلع XA
تعالوا نرسم كده ونشوف
طلع معانا ان النقطة B مصححة من الضلع XA مقدار 50 فايبو
كده تحقق اول شرط من شروط الخفاش ... نروح للشرط الثاني : نسبة C من الضلع AB
نسبة الـ C من الضلع AB
طلع معنا ان نسبة الـ C من الضلع AB تساوي 88.6
اذن تأكد عندنا ان النموذج دا خفاش
فاضل نحدد النقطة D
نسبة الـ D من الضلع XA (النسبة الرئيسية)
علشان نحدد النقطة D .... نرسم فايبو علي الضلع XA وناخد نسبة 88.6 (زي ما جدول الخفاش بيقولنا )
طلع ان النقطة دي هتكون عند السعر 0.6942
نروح نحدد النسبة الفرعية
نسبة الـ D من الضلع BC (النسبة الفرعية)
نرسم فايبو علي الضلع BC وناخد اقرب نسبة من النسب دي (161.8 أو 200 أو 261.8 ) زي ما هو موضح في الجدول
هناخد اقرب نسبة فرعية للنسبة الرئيسية (بس تكون اعلي النسب الرئيسية لان النسبة الفرعية تمثل الاستوب والنموذج دا نموذج بيع يبقي هنخلي الاستوب فوق يبقي ناخد السعر اللي فوق سعر الدخول ... صح ولا ايه ؟ )
طلعت النسبة الفرعية هي النسبة 200 وتقابل السعر 0.6963
منطقة الانعكاس المحتملة
يبقي كده منطقة الانعكاس المحتملة بين السعر 0.6942 و السعر 0.6963
يعني هنعلق امر بيع عند 0.6942 والاستوب اغلاق شمعة اربع ساعات اعلي 0.6963
يعني استوبنا في الحالة دي 21 نقطة ( قول علشان الاغلاق اعلي السعر يبقي هيكون الاستوب 30 نقطة)
تعالوا نشوف اهدافنا فين
الاهداف
نرسم فايبو علي الضلع CD وناخد نسب الفايبو (ممكن تحدد الاهداف كلاسيكي او عرض وطلب برضه)
جميع الاهداف الثلاثة الاولي تحققة ... بل وصل السعر لمستوي 61.8 يعني اللي كان حاطط هدف رابع اتحقق معاه كمان
يبقي كده الهدف كان 3 اضعاف الاستوب واتحقق الحمد لله
اتمني يكون نموذج الخفاش بقي واضح لانه نموذج مهم جدا
وان شاء الله لما يكون فيه نماذج خفاش مع فرص حية هحطها واشرح عليهاآخر تعديل بواسطة yshawky100 ، 06-04-2018 الساعة 03:20 PM
- 07-04-2018, 10:21 AM #11
شرح خفيف على المعدة . شكرا لجهودك وبارك الله فيك.
- 08-04-2018, 09:41 PM #12
- 08-04-2018, 09:41 PM #13
حساب متابعة الصفقات
تسجيل الدخول: 6491842
كلمة مرور المستثمر: Arabictrader789
خادم: mt4trial1.exness.com:443
https://www.exness.com/webterminal/?...r=Exness-Trial
- 08-04-2018, 10:09 PM #14السلام عليكم ورحمة الله وبركاتهمعانا انهارده نموذج الجارتلي Gartley Pattern
هو نموذج قوي جدا زي ما هنشوف دلوقتي لكنه اقل ظهوراً من الخفاش
فتحنا الشارت لقينا حرف ال W منور قدامنا
( هنضطر نستخدم نموذج تم تحققه لاني ملقتش جارتلي متاح للدخول حالياً )
نرسم فايبو علي الضلع XA (او تفكيرنا هيكون في انه خفاش)
لقينا ان النقطة B عند 61.8 .....نسبة ال 61.8 هي نسبة مميزة للجارتلي (اكيد مش خفاش )
الملف المرفق 491239
نتأكد من النسبة الثانية
نرسم فايبو علي الضلع AB ونشوف النقطة C عند كام
(المفروض النقطة C تساوي 38.2 أو 50 أو 61.8 أو 78.6 أو 88.6 زي ما هو موضح في الجدول )
تعالوا نشوف كده
طلعت 61.8 ...... يبقي احنا كده معانا نموذج جارتلي اكيد
نحدد بقي النقطة D (النسبة الرئيسية)
زي كل مرة بالضبط
هنرسم علي الضلع XA مرة وعلي الضلع BC مرة
الجدول بيقول ان النقطة D من الضلع XA عند 78.6 (النسبة الرئيسية)
تعالوا نرسم علي الضلع XA ونشوف كده
حددنا مستوي78.6 عند السعر 0.7311
يبقي هندخل بيع عند السعر 0.7311
نحدد بقي النسبة الفرعية
نرسم علي الضلع BC و نختار اقرب نسبة فرعية للنسبة الرئيسية
الجدول بيقول ان لنسبة الفرعية اما 127 أو 161.8
طلع ان اقرب نسبة للنسبة الرئيسية هي نسبة 127 عند السعر 0.7334
(ملناش دعوة بنسبة 113 لانها مش من نسب الجارتلي ....نلتزم بانسبة اللي في جدول الجارتلي )
يبقي كده الاستوب اغلاق شمعة اربع ساعات فوق السعر 0.7334
ويبقي كده منطقة الانعكاس المحتملة PRZ بين 0.7311و 0.7334
فاضل نحدد الاهداف بقي
هنرسم فايبو علي الضلع CD وناخد مستويات فايبو زي ما شرحنا قبل كده
تعالوا نشوف بقي ايه اللي حصل
هبط حوالي 110 نقطة
ولو خدنا 3 مستويات فايبو كأهداف يبقي حققنا 90 نقطة من الـ110
مقابل 25 نقطة استوب (بالاغلاق اعلي السعر نقول 40 نقطة )
يبقي كده اكتر من 2:1
خلاصة الهارمونيك لحد الآن
ارسم فايبو علي الضلع XA
لقيت النقطة B عند 38.2 او 50 -------> يبقي خفاش
لقيت النقطة B عند 61.8 -------> يبقي جارتلي
الباقي كله سهل بمجرد انك تعرف اللي قدامك ده نموذج ايه
- 08-04-2018, 10:33 PM #15
ورشة موفقة اخى يحيى
وشرح اكثر من رائع ومجهود بجد تشكر عليه
موفق ان شاء الله ودعواتى بالتوفيق