النتائج 1 إلى 15 من 32
الموضوع: المضمون في تجارة البترول المجنون
- 04-07-2019, 12:46 AM #1
المضمون في تجارة البترول المجنون
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
اخوتي الاعزاء
حبيت اشارككم طريقة حلوة و مضمونة علي البترول
الطريقة مش جديدة و سبق و اتكلم عنها استاذي وضاح عطار (الراجل ده فعلا استاذي و صاحب فضل عليا)
كلنا عارفين البترول
البترول علي كل المنصات نوعين
نوع اسمه برنت و التاني بترول بحر الشمال و رمزه wti
طيب ايه المشكلة في كده
المشكلة ان خام برنت دايما اغلي من خام بحر الشمال
افتح اي منصة و اتاكد من كلامي
طيب اغلي اد ايه؟
هنا بقي السؤال و هنا المكسب
اقسم سعر خام برنت علي سعر خام بحر الشمال
يعني اقسم الغالي علي الرخيص
هيطلعلك رقم (حاليا الرقم 1.11)
طيب ال pivot بتاع العملية الحسابية دي كام
ال pivot يا سيدي 1.1
طيب نعمل ايه دلوقتي؟
كل يوم راقب سعر الاتنين و اقسمهم علي بعض
لما ناتج القسمة يبقي 1.13 تقوم علي طول بايع البرنت و شاري بحر الشمال (طبعا بنفس الكمية)
طيب جني الارباح امتي؟
جني الارباح ممكن تحدده نسبة من راس المال او لو ناتج القسمة بقي 1.1
طيب وقف الخسارة فين؟
مفيش وقف خسارة لان مفيش خسارة لانك كده عامل هيدج ( الله يمسيك بالخير يا استاذ وضاح عطار)
طيب لو ناتج القسمة طلع 1.07 نعمل ايه؟
نشتري برنت و نبيع بحر الشمال من غير كلام
طبعا جني الارباح اما نسبة من الحساب او لو ناتج القسمة وصل ال pivot اللي هو 1.1
سهلة جدا و مربحة و بدون اي مخاطر
المشاركة القادمة هنتكلم عن ادارة راس المال و عدد العقود و الفرص و كل حاجة
السلام عليكم و رحمة الله و بركاته
- 04-07-2019, 01:23 AM #2
الاشكالية في قيمة السبريد العالي على البترول و هذه الاختلالات تحدث غالبا وقت الاخبار العنيفة و لا ننسى الانزلاقات السعرية وقت الاخبار و على البترول ذو الحركة السريعة ... تبقى طريقة جيدة اذا كنت تتداول مع شركة محترمة
همسة : اخي لو ممكن تكمل موضوعك حول الاوبشنز بعنوان الاوبشنز الامريكي الكنز الغير مكتشف فقد افادني جدا و كان مدخل جيد للاوبشنز الامريكي و جازاك الله خيرا على ذلك
- 04-07-2019, 09:13 AM #3
جزاك الله خير
عندي بالمنصة
BRENT-SEP19
السعر 63.09 - 63.14
وعندي OIL-AUG19
السعر 56.67 - 56.72
وعندي OILMn-AUG19
السعر 56.69 - 56.75
س 1 / ماهو أول واحد النفط وهوا اللي يفترض يكون الدخول عليه ؟
س 2 / كم اقل عقد يعني ينفع أدخل ب 1 دولار ... أو لازم أكثر ؟
س 3 / إذا كان السعر مثلا حاليا 63.10 متى يكون المكسب أو الخسارة كيف حركة النقطة فيه ؟
وشكرا لك
- 04-07-2019, 10:41 AM #4
متابع
- 04-07-2019, 10:11 PM #5
مشكور على الطريقة ياغالى
وبالفعل عملت بها لفترة وكانت كويسة جدا
بس المشكلة مش كل الشركات بتوفر النوعين من البترول
وطريقة العمل كانت تقوم ان النوعين من البترول تقريبا نفس الحركة
وعندما يحدث اختلاف يعنى يحدث فرق كبير بينهمكنت ادخل هيدج بينهم
والخروج بربح معقول
تحياتى ياغالى ومتابع معاك باذن الله
- 05-07-2019, 12:43 PM #6
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
قبل ان نبدأ يشرفني ان يشارك صديقنا و مشرفنا السكندري هنا فوجوده في اي موضوع يمثل اضافة كبيرة له
بخصوص طريقتنا في تجارة البترول فيمكن اختيار اي شركة محترمة و ستجدون عندها ما تريدون و زيادة
ستجدون نوعي البترول و سبريد منخفض جدا (سنشرح لاحقا مفهوم السبريد في البترول)
انا لا اقوم بعمل دعاية لاي احد لكني ارجو ان تتعاملو فقط مع الشركات الامريكية و خاصا the 5 big brokers و من بعيد و بفارق كبير يمكن التعامل مع ig group
عموما يا اخوتي اي شركة لا تقدم لك استمارة w-8ben شركة نصابة و يجب الهرب منها
هذه الاستمارة هي الطريقة الوحيدة التي تعرف بها الحكومة الامريكية او البريطانية انك موجود لدي الشركة
نعود الي موضوع تجارتنا
فاصل و نواصل
- 05-07-2019, 12:58 PM #7
الان سعر البترول تقريبا 63 دولار لخام برنت و 57 دولار لخام بحر الشمال اي ان سعر الاثنين معا 120 دولار
تمام كده؟
شركة زي ig group بتدي علي البترول سبريد 1:30 يعني لو اخدنا برميل من هنا و برميل من هنا هيكون سعرهم 120 دولار و المارجن المحجوز 4 دولار (احنا قلنا اننا هنشتري نوع و نبيع التاني حسب ناتج القسمة بس هنا احنا هنعتبر اننا اشترينا الاتنين)
طيب يبقي كده الصفقة كلفتني مارجن محجوز 4 دولار
في الفوركس الحركة اسمها pip و في البترول الحركة بتكون بالسنت
طيب اسبريد البترول اد ايه؟
اسبريد البترول بيكون من 2 سنت ل 4 سنت بالكتير اوي
يعني ادي كده كمان تكلفة للنوعين من 4 الي 8 سنت و دول نحطهم علي المارجن المحجوز اللي هو 4دولار لتصبح تكلفة الصفقة 4.04 الي 4.08 دولار تمام كده
طيب احنا لازم نعمل تامين للصفقة يعني stop loss علي المارجن قول هنحط كمان 2 دولار
فاصل و نواصل عشان صلاة الجمعة
- 05-07-2019, 01:02 PM #8
حبيبى الغالى تسلم يارب ربنا يبارك فى حضرتك
والعفو ياغالى الشرف لى ياغالى بوجود ى فى موضوع حضرتك
اللى بجد يختلف كليا وجزئيا عن باقى الموضوعات فموضوع حضرتك عن الاوبشن الامريكى
بجد كان موضوع متميز واستفدت منه وناس كتير استفادت جزاك الله خيرا ياغالى
تحياتى لحضرتك ومتابع معاك باذن الله
- 05-07-2019, 03:18 PM #9
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
نستكمل كلامنا
دلوقتي تكلفة الصفقة اقصي حاجة 6.08 دولار لكل برميل بترول من كل نوع طيب المكسب كام؟
احنا قلنا اننا هنكسب الفرق بين 13% و 10% من سعر خام بحر الشمال يعني 3% من سعر خام بحر الشمال يعني 3% من 57 دولار يعني 1.7 دولار لكل برميل بترول
طيب ده معناه ايه؟
معناه ان من راس مال 6.08 دولار كسبنا 1.7 دولار يعني 28% مكسب في المرة الواحدة ( ايه الحلاوة دي)
طيب المشكلة فين؟
حجم العقد كام؟
عقود البترول بتكون بالبرميل و حجم العقد ستاندرد 1000 برميل يعني عشان تخد عقد واحد استاندرد في ig group محتاج راسمال لا يقل عن 6080 دولار و هتكسب يعني هتكسب 1700 دولار كل مرة ان شاء الله
طيب في اقل من كده؟
في عقود ميني العقد 100 برميل بس منصحش بيها بحس انها اونطة
طيب في عقود ميكرو؟
لا مفيش لان عقود الميكرو موجودة بس في شركات بير السلم
طيب عدد الفرص اد ايه؟
شوف يا سيدي علي الاقل كل شهر صفقة يعني الصفقات دي صفقات سوينجية ممتازة و مضمونة ان شاء الله بنسبة كبيرة
فاصل و نواصل عشان الغدا
- 05-07-2019, 05:39 PM #10
- 05-07-2019, 06:10 PM #11
استمارة w-8ben اخي خاصة بالمحاسبة الضريبية للارباح الناتجة عن التداول الالكتروني و هي اساسية لاي شركة محترمة في امريكا و بريطانيا (تم طلبها مني من شركة td ameritrade الامريكية و شركة ig group البريطانية) و غير تبقي شركة بلح
لو انت امريكي او بريطاني مفيش مشكلة لان كده كده بيكون ليك رقم ضريبي موحد اما لو انت مصري لازم تفتح اي نشاط وهمي و تعمل سجل تجاري و بطاقة ضريبية و تاخد رقم ضريبي (كان عندي زمان صيدلية زمان فمكنش عندي مشكلة)
طبعا الحكومة الامريكية هتبعت للحكومة المصرية ان المواطن المصري فلان الفلاني فاتح حساب عندنا و كسب مبلغ اد كده ( الحكومة الامريكية لا تخصم ضرائب الا علي مواطنيها) بس غالبا ابلاغ الحكومة المصرية ده بلح ( بقالي 6 شهور محدش قالي انت فين او بتعمل ايه)
ارجو اني اكون افدت حضرتك اخي
- 05-07-2019, 06:17 PM #12
شوية ردود علي الاخوة
الاسبريد علي البترول مش عالي خالص لانه في الغالب 2 سنت و البترول كل يوم بيتحرك اقل حاجة دولار كامل يبقي السبريد كلام فاضي
مفيش خوف من الانزلاقات السعرية لانك كده كده عامل هيدج و مؤمن نفسك ب 2 دولار احتياطي تحسبا لاي طارئ
الشركات المحترمة كتير صحيح التسجيل فيها صعب بس تستاهل التعب ( هحط في المشاركة القادمة اسماء احسن 5 شركات بروكر في العالم و مش عايز عبقري يقول اني بعمل دعاية)
موضوع الاوبشن ربنا يعلم الاسباب اللي خلتني مكملوش بس الاسباب دي هتنتهي و هكمل الموضوع ان شاء الله
- 05-07-2019, 06:24 PM #13
https://www.thebalance.com/best-onli...rokers-4164091
بعد اذن الادارة ده رابط بيوضح احسن بروكرز في امريكا و طبعا في العالم و انا عن نفسي بتداول مع td ameritrade و كمان برشح interactive brokers بس المنصة بتاعتهم معقدة جدا
- 05-07-2019, 07:36 PM #14
اخي الكريم لك التحيه والشكر على ما تقدمه من فائده لنا جميعا .... اسمح لي باستفسار اول ..
انك ماذا ثقصد ب بترول بحر الشمال وما رمزه اذا كنت تقصد بترول امريكا الخفيف لماذا تسميه بترول بحر الشمال
الاستفسار الثاني انك تتداول على النوعين معا لذلك انت تحتاج الى 12160 دولار .... لك الشكر .....
- 05-07-2019, 07:56 PM #15
اخي الكريم معك حق هو المقصود wti oil ( west texas oil)
فعلا سعر عقدين واحد برنت و التاني wti حوالي 12 الف دولار بس هيكلفنا مع الرافعة 1:30 مبلغ 400 دولار و معانا 200 دولار تامين و المكسب 170 دولار ( نفس الكلام اللي قلته قبل كده)
معلش يا شباب علي النسيان لاني بقالي 8 شهور سايب الطريقة الحلوة دي و مركز اوبشن بس
لو في حد من الاخوة يعملنا اكسبيرت للطريقة و يعمل باك تيست عشان يساعد الشباب نكون كلنا شاكرين له