موجات اليوت على الشارت وتطبيقات عملية ( تعليمى )

[ابوإياد]

الله هو ده الكلام مش قلتلك هتبقى استاذ
انت عندك الحس الموجى عالى جدا ناقصك شوية ممارسة بس وما فيش حد هيقدرك بعد كده
اليوت نفسه هيخاف منك

تعرف يا استاذ محمد 3 حاجات مخليني مستمر في الورشة
1- اقتناعي بالتحليل الموجي
2-اني كنت من المشجعين انك تعمل ورشة تعليمية فمينفعش اخلع
3-تشجيعك لي

[muhamed.kandeel]

تعرف يا استاذ محمد 3 حاجات مخليني مستمر في الورشة
1- اقتناعي بالتحليل الموجي
2-اني كنت من المشجعين انك تعمل ورشة تعليمية فمينفعش اخلع
3-تشجيعك لي

اهم سبب فى اللى حضرتك قلته هو السبب الاول
وطالما انك عايز تعرف شئ وعايز توصله باذن الله هتوصلة وتبدع فيه كمان
اضف الى ذلك انت فيك ميزة مش موجودة فى كتير من الناس انك شخص مثابر دائم المحاولة والتجربة للوصول والوقوف على المعلومة وهذا ما يتطلبه تحصيل اى علم
علشان كده قلتلك فى بداية الورشة انت هتبقى استاذ وبكرة تفتكر كلامى دا كويس
اما لو سألتنى عن نفسي فالنفس داءما تخلد الى الراحة يعنى لولا انى شايف ان فيه حد عايز يتعلم والله ما كنت كتبت كلمه فى الورشة وكنت ريحت دماغى لان اساسا ما عنديش وقت والورشة هنا واخده منى وقت وجهد كبير بس بنقولو فى الاخر جايز حد يستفاد حاجه ويدعي لنا بدعوة حلوة والاجروالثواب من الله عز وجل

[muhamed.kandeel]

اظن كده كفايه على الفردية زجزاج وندخلو على الدرس السابع
وان شاء الله تتم اضافته حال الانتهاء من اعداده
دمتم فى رعاية الله وامنه

[ابوعافيه المصري]

ربنا يباركلك استاذ محمد ويجازيك خير
باذن الله نجتهد وندعو المولي يوفقنا في الفهم
لان كل شخص مهيء لاستيعاب انواع من التحليل بدرجة مختلفه عن الاخرين
مع الاجتهاد بيحدث التحسن وربنا يوفقنا جميعا

[muhamed.kandeel]

ربنا يباركلك استاذ محمد ويجازيك خير
باذن الله نجتهد وندعو المولي يوفقنا في الفهم
لان كل شخص مهيء لاستيعاب انواع من التحليل بدرجة مختلفه عن الاخرين
مع الاجتهاد بيحدث التحسن وربنا يوفقنا جميعا

ويجزيك مثله اخى الحبيب ويباركلك يارب
طبعا كلنا بنجتهد وربنا يوفق الجميع ويوسع فى رزقهم يارب

[ابوعافيه المصري]

استفسار صغير استاذ محمد
من شروط الموجه القطريه بنوعيها تداخل الموجه 1مع موجه 4
فهل اي 5موجات فيها تداخل بين 1و4تصنف كقطريه؟
وجزاكم الله خيرا

[muhamed.kandeel]

استفسار صغير استاذ محمد
من شروط الموجه القطريه بنوعيها تداخل الموجه 1مع موجه 4
فهل اي 5موجات فيها تداخل بين 1و4تصنف كقطريه؟
وجزاكم الله خيرا

القطرية الاماميه فى الغالب لا تأتى الا خماسية ويجب التداخل بين الرابعة والاولى
ولا تأتى الا فى موجة رقم 1 او موجة a
اما القطرية الخلفية فهى لا تأتى الا ثلاثيه وغالبا ما تكون من عائلة الزجزاج ما عدا الموجة رقم 2 و4 ممكن تيجى فى اى نمط تصحيحى ما عدا المثلث وفيها وجوب التداخل بين الرابعة والاولى ولكن لا تأتى الا فى c او موجة رقم 5

[ابوعافيه المصري]

اجتهاد علي الكيبل اخر حركه

[ابوعافيه المصري]

اجتهاد دولار فرنك

[muhamed.kandeel]

اجتهاد علي الكيبل اخر حركه

بارك الله فيك على هذا الاجتهاد

هذا سيناريو وارد الصحة وهناك سيناريوهات اخرى

[muhamed.kandeel]

اجتهاد دولار فرنك

هناك خطأ فى الترقيم الموجة الثالثة جأت اقصر الموجات وهذا لا يجوز باى حال من الاحوال

[muhamed.kandeel]

( الدرس السابع )

( نمط الموجة المتعرجة الثنائية )

ويسميها البعض بالدوبل زجزاج وهى ما تعرف كلاسيكيا بنموذج العلم

وهنا تلجأ الموجة لتكرار نفسها مرتين لان عملية جنى الارباح من الموجة الاولى تكون غير كافية

وباختصار شديد هى عبارة عن ثلاث موجات تتحرك فى قناة عكس الاتجاه وتسمى بـ ( W-X-Y )

لاحظ الاشكال التالية :

الملف المرفق 513285


الملف المرفق 513286


- الموجة الاولى فردية زجزاج abc يرمز لها بالرمز w

- الموجة الثانية تسمى بالموجة x وهى موجة ربط تأتى فى اى شكل تصحيحى ما عدا المثلث ولا تتجاوز قمة الموجة w

- الموجة الثالثة تأتى فردية زجزاج abc ويرمز لها بالرمز y وتكسر قاع الموجة w فى الاتجاه الهابط والعكس صحيح فى الاتجاه

الصاعد

امثلة من واقع الشارت :

الملف المرفق 513287

الملف المرفق 513288

وهكذا تأتى هذة الموجة عبارة عن موجتين فردية زجزاج بينهم موجة ربط X

وبكدة نكون انتهينا من الدرس السابع ان شاء الله

تحياتى ودعواتى بالتوفيق

[alskndry]

تسلم ايديك استاذ محمد

وماشاء الله الكتاب هيبقى مرجع مهم جدا ان شاء الله

انا بجمع الدروس فى كتاب pdf عشان لما اخلص ثانوية عامة

اقعد براحتى كدة واكمل الدروس لانى وقفت عند الدرس الثالث

تحياتى ياغالى وربنا يجعلها فى ميزان حسناتك

[muhamed.kandeel]

( الدرس الثامن )

( نمط الموجة المتعرجة الثلاثية )


ويسميها البعض بالتريبل زجزاج وهى مثل سابقتها تتحرك داخل قناة عكس الاتجاه وتعرف كلاسيكيا بالعلم

وهنا تلجأ الموجة لتكرار نفسها ثلاث مرات لذلك سميت بالثلاثية لان التصحيح يكرر نفسة ثلاث مرات وهذا يعد اقصى عدد فى

التصحيح .

لا حظ الشكل التالى :



وهى عبارة عن 5 موجات وتتحرك فى قناة ايضا مثل الدوبل زجزاج

- الموجة الاولى تأتى عبارة عن فردية زجزاج abc ويرمز لها بالموجة w

- الموجة الثانية عبارة عن موجة ربط تأتى فى اى نمط تصحيحى ماعدا المثلث ويرمز لها بالرمز x

- الموجة الثالثة تأتى فردية زجزاج abc ويرمز لها بالموجة y

- الموجة الرابعة عبارة عن موجة ربط تأتى فى اى نمط تصحيحى ماعدا المثلث ويرمز لها بالرمز xx

- الموجة الخامسة تأتى عبارة عن فردية زجزاج abc ويرمز لها بالموجة z

كامل الموجة تكون عبارة عن ( w - x - y - xx - z )

امثلة من واقع الشارت :





وهكذا تكرر الموجة الفردية زجزاج نفسها ثلاث مرات بين كل موجة والاخرى موجة ربط

وبكدة نكون انتهينا من الدرس الثامن ان شاء الله

ملحوظة : حبيت اضيف هذا الدرس تلو الدرس السابق وذلك لشدة الشبه بين النمطين وحتى تكون التطبيقات عليهم واحدة

ارجوا ان الشرح يكون واضح وبسيط ولو فيه اى حاجة مش واضحة نوضحوها باذن الله

دمتم فى رعاية الله وامنه
والسلام عليكم ورحمة الله

[muhamed.kandeel]

تسلم ايديك استاذ محمد

وماشاء الله الكتاب هيبقى مرجع مهم جدا ان شاء الله

انا بجمع الدروس فى كتاب pdf عشان لما اخلص ثانوية عامة

اقعد براحتى كدة واكمل الدروس لانى وقفت عند الدرس الثالث

تحياتى ياغالى وربنا يجعلها فى ميزان حسناتك

تسلملى حبيبى الغالى مفتقدينك والله

خلاص هانت الثانوية العامة قربت تخلص ربنا يعينك ويوفقك

وجزاكم الله خيرا استاذ محمد على تجميعك الدروس فى ملف PDF وشاكرين لكم هذا المجهود

تحياتى ودعواتى بالتوفيق