الاوبشن الامريكي الكنز الغير مكتشف

[Justborntoday]

قائمة البحث عن الاسهم و يتم كتابة اختصار السهم المعتمد يعني سهم امازون يتكتب amzn و فيسبوك fb و هكذا

[Justborntoday]

سلسلة اوبشن سهم كتربلر و اختصارها cat

[Justborntoday]

في الصورة السابقة هنلاحظ عقود ال put علي اليمين و عقود الcall علي الشمال و في الوسط سعر ال strike اللي بيتم عليه الحساب و هنلاحظ انه مترتب من الاقل للاعلي و طبعا المسافات البينية بين الاسعار بتختلف يعني في اسهم فئة الخمسين دولار الاسعار قرب سعر السهم الحالي بتزيد و تقل بالنص دولار و بعد كده بالدولار و لما نبعد عن سعر السهم الحالي بتبقي بالخمسة دولار
مثال سهم ديزني لاند حوالي 45 دولار هنلاقي العقود من سعر اربعين لخمسين الفرق بين العقد و التاني نص دولار و العقود ببن 25 و 40 بتفرق بالدولار و هكذا
حاولو تدخلو علي البرنامج و تشوفو سهم امازون اخباره ايه و المسافات بين عقوده عامله ايه

[Justborntoday]

طبعا كل مكان الفرق بين اسعار الstrike اقل كل مكان احسن و عشان كده سهم كتربيلر ده عشق تاني يعني الstrike من 105 الي 150 بتفرق بالدولار

[Justborntoday]

نبدأ درس النهاردة و هو يعني ايه at the money in the money out of the money
بالنسبة لسعر سهم كتربيلر السعر الحالي 128.51و ده هيخلي سعر in the money لعقودput ابتداء من 129 و اكبر يعني من 129 الي 170 كل ده in the money و لما السعر يكون اكبر بكتير من سعر السهم الحالي نبقي في حالة deep in the money و طبعا سعر 128 و اقل يبقي out of the money و لو بعدنا لتحت اوي عن سعر السهم نبقي في حالة deep out of the money و العكس طبعا لعقودcall
اظن الكلام واضح
اما بقي لو كان سعر السهم 129 بالتحديد و ده طبعا نادر الحصول يبقي السعر ده لعقود ال call&put هتبقي بسعرat the money

[Justborntoday]

في اخر صورة هنلاقي ايقونة ترس رمادي اعلي اسعار ال strike و دي بالضغط عليها هتبينلك المعلومات اللي تقدر تعرضها للعقود و انا هنا حاطط بس عرض سعر ال ask و قيمة delta و نسبةimpl و ممكن تعرض معلومات كتيرة عن العقد الواحد يعني كل واحد ينسق الشاشة زي مهو عايز

[Justborntoday]

قبل منتكلم عن عقود ال put&call هنشرح حاجة اهم و هي buy & sell او ask&bid (في شركات بتستبدل ال sell ب write )
لما بنعمل buy او ask للعقد سواء كان العقدput او call ايه اللي بيحصل
نفترض ان السعر المكتوب 1.05 يبقي هنضرب السعر ده في 100 لان عقد الاوبشن مائة سهم و ده هيبقي قيمة العربون اللي هتدفعه عشان الصفقة دي و هيتخصم من رصيدك في الشركة و هيكون اقصي قيمة للخسارة في الصفقة دي
طيب لو ضغطنا sell او write او bid ايه اللي هيحصل
برده هنضرب السعر في مائة و ده هيديك قيمة العربون اللي هتقبضه من الطرف الاخر (ايوة انت سمعت صح) اللي هتقبضه من الطرف الاخر و ده هيكون اقصي قيمة تقدر تكسبها من الصفقة دي

[Justborntoday]

يبقي كده لو الرصيد تم خصم العربون منه نتيجة عمليةbuy هتبقي الصفقة اسمها debit و لو الرصيد تم اضافة العربون له نتيجة صفقة sell هتبقي الصفقة اسمها credit
طيب ده مهم في ايه؟
مهم لان خطط الاوبشن او استراتيجيات الاوبشن بتكون كوكتيل من اوامي ال put و call و اوامرbuy & sell تبدأ من امرين لعدد لا نهائي من الاوامر
البرنامج بيحسب الخصم و الاضافة للرصيد و بيقولك في الاخر الصفقة دي debit or credit
كده نقدر نقول ان استراتيجيات الفوركس عبارة عن مصفوفة رباعية الابعاد
البعد الاول اختيارput or call
البعد التاني اختيار buy or sell
البعد التالت اختيار سعر ال strike و هل هو in or at or out و هل هو عادي و لا deep
البعد الرابع اختيار عدد الاوامر (في فرق بين عدد الاوامر و عدد العقود)
كده احنا خلصنا النهاردة و ان شاء الله نفتح باب الاسئلة عشان نهضم المعلومات تمام
اترككم في رعاية الله
السلام عليكم و رحمة الله و بركاته

[Justborntoday]

الاخ اللي سأل عن الميتاتريدر
ابوس ايديكم انسو البرنامج الفاشل ده
ناس كتيرة اوي و انا منهم ضيعنا عمرنا معاه
عندكم برنامج investing في ال app sore فيه من الابرة للصاروخ
كل المؤشرات و كل الدراسات و كل العملات و السلع و العملات المشفرة و السندات و اذون الخزانة و اسهم الدنيا كلها
يا راجل انا لقيت بورصة مصر و السعودية و موريتانيا فيه
حد له شوق في حاجة تانية؟

[Cigarillo]

الاخ اللي سأل عن الميتاتريدر
ابوس ايديكم انسو البرنامج الفاشل ده
ناس كتيرة اوي و انا منهم ضيعنا عمرنا معاه
عندكم برنامج investing في ال app sore فيه من الابرة للصاروخ
كل المؤشرات و كل الدراسات و كل العملات و السلع و العملات المشفرة و السندات و اذون الخزانة و اسهم الدنيا كلها
يا راجل انا لقيت بورصة مصر و السعودية و موريتانيا فيه
حد له شوق في حاجة تانية؟

هل

برنامج investing له اصدار للكمبيوتر ولا الاب ستور بس ؟

[Justborntoday]

في الكمبيوتر صفحة ويب

[Cigarillo]

في الكمبيوتر صفحة ويب

معظم الاعضاء هنا يفضلون الميتاتريدر لاننا نستطيع التحليل عليه ليس فقط المتابعه

[رحمون]

معظم الاعضاء هنا يفضلون الميتاتريدر لاننا نستطيع التحليل عليه ليس فقط المتابعه

مثل ما تفضل به اخي طارق .. انا بنيت استراتيجيتي على الميتاترايدر والحمد لله ماشية تمام في العملات لذلك ما يمنع احلل في الميتا وانفذ في برنامج الاوبشن ..

[goggo]

كم رأس المال المطلوب للبداية في الأوبشن وهل أزواج العملات موجودة في تداول الأوبشن

[ahmed1000]

هل يوجد وسيط للسوق الامريكي باللغه العربيه

او وكيل عربي لأحد الوسطاء

.