النتائج 1 إلى 15 من 152
الموضوع: الاوبشن الامريكي الكنز الغير مكتشف
- 08-02-2019, 02:34 PM #1
الاوبشن الامريكي الكنز الغير مكتشف
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
احبائي و اخوتي في المنتدي السلام عليكم و رحمة الله و بركاته
ان شاء الله هنشرح هنا الاوبشن الامريكي
علي فكرة اخوكم هنا قديم جدا (يمكن اقدم من اي حد هنا)
قديم من ايام فريق السلاحف و حضرت معاهم مرحلة اختيار الاستراتيجية و المفاضلة بين ٣ طرق و مر عليا سمير صيام و متوسطات وليد الحلو و استراتيجية بوحة الصباحي صبح صبح مرورا و منساش العبقري وضاح عطار و طريقة A&B&C (طبعا كانت بدائية جدا) و العضو مشروع مليونير و طريقته (هذه طريقتي يا مراقب) و جيتارا و غواصة غواص بحر الفوركس و استاذ عاشقها مدينة و مش عايز انسي حد علمني و ساعدني
عشان كده هحاول ارد جزء صغير من جميل المنتدي عليا و نشرح كل حاجة عن الاوبشن الامريكي اللي هو بجد كنز الكنوز و ملك التداول و ارجو من الله اني اقدر افيدكم بحاجة و تكون ليا صدقة جارية (او علم ينتفع به)
مش هطول عليكم هنبدأ الاول نشرح المفاهيم الاساسية و اهم شركات الاوبشن و بعدين انواع الاوامر و مين بنستخدمه امتي و بعد كده خطط التداول و كل ده هيخد تقريبا اسبوع و بعد كده امثلة حية ان شاء الله
ليا رجائين
الاول الموضوع يفضل هنا في المنتدي العام عشان اكبر عدد من الناي يستفاد منه
التاني نقلل الردود قدر الامكان و نخليها مقصورة فقط علي الاسئلة و الاستفسارات
و اخر حاجة لو ممكن حد من مشرفينا الافاضل يوضب الموضوع بعد انتهاء الشرح في شكل ملف pdf عشان نسهل علي اخوتنا الموضوع
اترككم حاليا في رعاية الله
السلام عليكم و رحمة الله و بركاته
- 08-02-2019, 02:47 PM #2
وعليكم السلام ورحمة الله وبركاته
اهلا بك اخى الحبيب
اولا اشكرك على تلبية طلبى بفتح الموضوع لخدمة الاعضاء
ثانيا يسعدنا ويشرفنا ان يعود الينا احد الاعضاء القدامى الذين نعتز بهم
ثالثا اعتبر الطلب تم تنفيذ ياغالى بمجرد الانتهاء من الشرح سيتم تنسيقه فى ملف pdf
تحياتى ياغالى وجمعة مباركة باذن الله
- 08-02-2019, 04:13 PM #3
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
نبدأ علي بركة الله
اولا ليه انا سبت الفوركس و اتجهت للاسهم اولا و الاوبشن ثانيا (يعني ايه الفرق بين الفوركس و الاسهم)
ظ،_اهم فرق هو اجابة سؤال (ليه) ليه السعر طلع فوق و ليه نزل تحت يعني اتناشر سنة بحاول اعرف زوج العملة طلع ليه و نزل ليه جربت كل حاجة و حاولت كل حاجة اللي يقولك تحليل فني و اللي يقولك اساسي و مربعات جان و اخبار مليون طريقة و مرة تصيب و مرة تخيب لكن في الاسهم اجابة سؤال ليه سهلة جدا الاسهم واضحة صريحة مفهومة محترمة
ظ¢_تاني فرق الفوركس ظ¢ظ¤ ساعة و متابعة للعقود و فترات لكن الاسهم الامريكية ست ساعات و نص و شكرا تبدأ من اربعة و نص عصر بتوقيت القاهرة و تخلص حداشر بردة بتوقيت القاهرة (محدش يسالني عن توقيت باقي الدول) وحتي الست ساعات دول اختصارهم اول نص ساعة و اخر نص ساعة و شكرا (اللي فيهم الشفا)
ظ£_يجي واحد يقولك مشكلة الاسهم ان عددها كتير نتابع ايه و لا ايه؟ اقوله الاسهم مش كتير و لا حاجة الاسهم عبارة عن ال ظ£ظ* سهم بتوع داوجونز و خمس ست اسهم من ناسداك و شكرا (طبعا في اسهم تانية بس دول اللي برده فيهم الشفا) و عموما اي شركة قيمتها السوقية اقل من ظ¥ظ* مليار تعتبر شركة فكة و ملهاش لازمة
طيب دلوقتي واحد يقولي اتابع الاسهم منين
اقولك انا عندك yahoo finance و احلي برنامج investing و له تطبيق اندرويد في منتهي الروعة و لا تقولي بقي ميتا تريدر و لا كل الكلام الفاضي ده (شغلي كله علي برنامج investing) و فيه كل حاجة مؤشرات عملات اسهم دهب سلع بترول عملات رقمية كلللللللللله
طيب احنا هنتاجر فين و مع مين
اقولك انا سيبك من كل الشركات اللي انت سمعت عنها و ركز معايا
اكبر ظ¥ شركات في العالم في مجال السمسرة او الوساطة المالية كلهم شركات امريكية و هم بالترتيب
ظ،_ charles scewab حجم تعاملات ظ£ ترليون (اوعي تتخض)
ظ¢_ interactive brokers
ظ£_ td ameritrade
ظ¤_ e*trade
ظ¥_ fedility
طبعا انا مبعملش دعاية للشركات دي لانها مش محتاجة اي دعاية و لا مهتمة اساسا بعالمنا العربي و الاستاذ سكندري كان متابع معاناتي في فتح حساب مع شركة منهم
طيب احنا هنتابع مع انهي شركة ؟
ان شاء الله مع شركة td ameritrade و برنامجهم الاكثر من رائع thinkorswim لانها الشركة الوحيدة اللي لقيت عندهم حساب ديمو اسمه (paper money)
دلوقتي كل واحد يفتح حساب ديمو و يستناني
نسيت اقولكم علي فرق مهم بين الفوركس و الاسهم و هو نزاهة الاسهم يعني مفيش انزلاقات سعرية مفيش اسعار مختلفة (في طبعا زيادة و نقص في الاسبريد) بس استنوني بقي المرة الجاية و بداية الكلام عن الاوبشن لانه حاجة تانية خالص
و السلام عليكم و رحمة ال
- 08-02-2019, 04:14 PM #4
في مشكلة في كتابة الارقام حد عنده حل
- 08-02-2019, 04:17 PM #5
- 08-02-2019, 04:18 PM #6
معذرة اسم الشركة charles schwab
- 08-02-2019, 04:39 PM #7
موضوع مميز متابعين الشرح
- 08-02-2019, 05:09 PM #8
مش هكتب ارقام تاني هكتب حروف يعني هنقول عدد الاسهم التي تستحق المتابعة اربعين سهم بالكتير و اي شركة اقل من خمسين مليار ملهاش لازمة و حجم حسابات العملاء في charles schwab يساوي ثلاثة ترليون دولار
- 08-02-2019, 05:11 PM #9
- 08-02-2019, 08:11 PM #10
أهلاً بك يا غالي و عودة حميدة
الأوبشن الأمريكي فعلاً كنز , ممكن بصفقة واحدة تكسب أكثر من 300 % من العقد
انا كنت متابعها فترة مع أحد الأخوة و بصراحة أرباحها في قمة الروعة
بس تحتاج متابعة قوية للأسهم و السوق الأمريكي .
بإنتظار أكتمال شرحك و إن شاء الله الورشة تكون مفيدة للجميع
و متابع معاك إن شاء الله
- 08-02-2019, 08:25 PM #11
متابعك وبشدة وياريت شرح طريقة فتح حساب بالتفصيل عشان فعلا الاسهم فيها نزاهة وتشتغل 6 ساعات وارباحها حقيقية وكثير القصص الناجحة في هذا العالم موجود على اليوتيوب اما الفوركس فيها تلاعب كثير جدا . استمر يابطل واعتبرني اول المتابعين لك
- 08-02-2019, 09:12 PM #12
الأوبشن له عيب وحيد ... وهو عدم وجود عمق له في السوق
سوق الأوبشن ليس كبيرا بما يكفي ليمنحك المرونة العالية في شراء الكميات التي تريدها وبالوقت الذي تريد ( أبشن الأسهم )
متابع موضوعك الشيق ومستعد أن اشاركك تجاربي مع الاوشن لإثراءالموضوع
- 08-02-2019, 09:31 PM #13
ماعرفت احمل الديمو
ممكن مساعده اخواني
- 08-02-2019, 10:26 PM #14
هل في الاوبشن والاسهم فيه بيع وشراء ام فقط شراء ؟؟
متابع معك اخي
- 08-02-2019, 10:33 PM #15
بسم الله الرحمن الرحيم
رب اشرح لي صدري و يسر لي امري و احلل عقدة من لساني يفقهو قولي
نتابع ان شاء الله
حاجتين صغيرين قبل منكمل
الاولي اعتذر عن الكتابة باللهجة المصرية بس اعتقد ان كل العرب بيفهموها
الثانية انا بعتبر نفسي ابن للمنتدي هنا عشان كدة الموصوع ده ملك حصري للمنتدي و ممنوع نقله لاي منتدي اخر و اللي هيعمل كده انا خصيمه يوم القيامة
نبدأ
يعني ايه اوبشن؟
الاوبشن عقد علي سلعة و العقد ده اجل يعني يتنفذ في تاريخ معين (تاريخ انتهاء صلاحية الاوبشن)
موضوع انتهاء صلاحية الاوبشن بيخوف ناس كتيرة لكن تصدقوا في طرق الواحد بيستني انتهاء الصلاحية عشان يجمع الربح
يبقي كده الاوبشن عقد بين طرفين لشراء او بيع سلعة معينة في تاريخ مستقبلي و وقت التاريخ ده ميجي يقعد الطرفين يتحاسبو و يشوفو مين كسبان و مين خسران
طيب يبقي الاول تختار السهم الفريسة اللي هتصطاده
ثانيا نحدد تاريخ انتهاء الاوبشن (اللي هو تاريخ الحساب)
طيب حد يقولي لازم نستني لغاية تاريخ نهاية الاوبشن عشان نتحاسب
نقول بقي حسب الطريقة يعني في طرق لازم تستني عشان تكسب و طرق تطلع من الصفقة بمكسب قبل التاريخ ميخلص و المكسب يقلب خسارة
طيب التاريخ ده امتي؟
الاسهم هنا نوعين
النوع التعبان ينتهي الساعة ظ،ظ، ليلا بتوقيت القاهرة في اخر جمعة من الشهر و دي ملناش فيها
الشغل الجد مع الاسهم اللي بتنتهي الساعة ظ،ظ، ليلا بتوقيت القاهرة كل جمعة (يعني اوبشن اسبوعي) و ده رد علي الاخ اللي قال ان سوق الاوبشن مفيهوش عمق نقدر نشوف حجم العقود المتداولة علي سهم apple للتاريخ الواحد للنوع الواحد للسعر الواحد
حددنا السهم و التاريخ هتتفتح لنا نافذة الاوبشن المتوفرة للسهم و اسمها (option chain) سلسلة الاوبشن
في نص الشاشة سعر سترايك و ده السعر اللي البايع و المشتري هيتحاسبو منه عند نهاية الصلاحية مترتبة من الصغير فوق للكبير تحت
علي اليمين عقود ال put و علي الشمال عقود ال call و ادام كل عقد سواء put او call سعرين ask لشراء الاوبشن و bid لبيع الاوبشن و السعر ده للسهم الواحد و عقد الاوبشن الواحد يساوي ظ،ظ*ظ* سهم يعني لو سعر الاوبشن ظ،.ظ*ظ¥ دولار يبقي انت هتدفع ظ،ظ*ظ¥ دولار لشراء عقد اوبشن واحد (الارقام هنا بالدولار مش بالنقط زي الفوركس)
ان شاء الله هنزل صورة للشاشة بكرة ان شاء الله
كمان بكرة هنشرح الفرق بين ال put و الcall و الفرق بين buy و sell و مفهوم in the money و out of the money و at the money
اترككم في حفظ الله
السلام عليكم و رحمة الله و بركاته