دورة الفوركس للمبتدأين من البداية للاحتراف ( نجميعة لافضل شروحات تعلم الفوركس )

[alskndry]

السلام عليكم ورحمة الله وبركاته

اهلا وسهلا بكل اعضاء المنتدى الكرام

هذا الموضوع سيكون موضوع تعليمى بحت للمبتدأين

لتعلم الفوركس من البداية للاحتراف ان شاء الله

وهو عبارة عن تجميعة لافضل شروحات الفوركس

حنتكلم عن مواضيع مهمة جدا لكل مضارب عديمى الخبرة و المبتدئين

1- ادارة راس المال

وهى اول عامل للنجاخ فى الفوركس قبل طريقة التداول

2- التحليل الاساسى

كيفية قراءة الاخبار قراءة جيدة و الاستفادة منها

3- التحليل الفنى

والذى يمثل من وجهة نظرى العمود الفقرى للفوركس ولا غنى عنه

4- المؤشرات

كالرسم و الترندات و الفيبوناشى و الشموع و النماذج

و سنناقش انواع المؤشرات و فائدتها و كيفية استعمالها لعشاق المؤشرات والاستراتيجيات


5- الحالة النفسية

للمضارب و للسوق و كيفية انها سبب كبير للمكسب او الخسارة

[alskndry]

فن ادارة رأس المال

كيف تدير رأس مالك؟

ما هو المارجن,الروافع,احجام العقود....؟

اى واحد فاتح مشروع صغير حتى ولو كشك سجاير محتاج الى ادارة

لرأس ماله يعنى مثلا يجيب الاصناف الشغالة معاه,انه ميخزنش صنف يركد عنده و هكذا..

نفس الوضع فى الفوركس و ان كان المجال اوسع و اكبر و اخطر شويتين

لازم المضارب يظبط نفسه و نفسيته و بضاعته عشان يقدر يكمل فى السوق

الفوركس هو عبارة عن عمليتين

بيع او شراء

انت عايز تبيع قبل ما السعر ينزل و بكده انت كسبت الفرق او تشترى قبل

ما السعر يطلع و كده كسبت برضه,الشطارة بقى انك تعرف امتى حيطلع و امتى حينزل

اهم حاجة انك لا تطمع فى الربح و لا تترك الخسارة تجرى

و من هنا جت اهم نقطة و هى ادارة راس المال

فى مقولة بتقول انك لو دخلت ب 1*%من راس المال على صفقات

عميانى يعنى صاحى الصبح و قبل ما تغسل وشك حتى دخلت بيع يورو

دولار من غير ما تبص على شارت اصلا و هدف 50*نقطة نسبة

احتمالك للهدف هى 50*%كاملة من غير ما تعمل شيئ ممكن تصيب وممكن تخيب

لكن يستحيل انك تخسر 100*صفقة متتالية عشان تصفر طالما انك ملتزم بستوب

[medo93]

موضوع متميز استاذ محمد وخصوصا رقم 5 انا اعرف اشخاص كثيرين يجيدون اول 4 لكن رقم 5 بتضيع الدنيا منهم
وربنا يوفقك ان شاء الله

[naitsi0]

موضوع ممتز ومفيد للمبتدئين وايضا للمحترفين في التداول ومربط الفرص في الرقم 1 و 5 = إحكام القبضة على السوق

[alskndry]

المهم نرجع تانى لادارة راس المال اولا

لازم تعرف انت حسابك يساوى كام فى السوق يعنى على قد لحافك مد رجليك.

حسابك 500*$يعنى السوق يسحب منك 500*نقطة لو النقطة بدولار

او 1000*لو بنص دولار

او 5000*نقطة لو ب 10*سنتات

طالما انك مبتدئ لازم تدخل بالقليل عشان السوق تقيل و مش سهل و ناس عفية بتروح كل يوم

طيب لو عملت خطة بسيطة انك تحقق 50*نقطة كل يوم يبقى حوالى

1000*نقطة فى الشهر و ده شيئ سهل نسبيا بعد التدريب حتجيب 100*$

فى الشهر يعنى 20*%من حسابك اكيد مفيش بنك او حتى مشروع قوى

يديك 20*%من حسابك كل شهركبداية,.

انت محتاج 5-6*شهور عشان تضاعف راس المال و ده شيئ ممتاز

بالنسبة للروافع

فهى تحجز لك المارجن المستعمل من حسابك و 400:1

هى جيدة كبداية

حجم العقود احسبه و جرب نفسك على الديمو كتير و متستعجلش فى الفتح فى حساب حقيقى

حتى و ان خسرت اول حساب ده حيعلمك كتير

طيب اهم نقط فى ادارة راس المال هى

1- اعرف حجم عقدك لا تضارب بعقود كبيرة نسبيا على حسابك ,السوق

قوى جدا و لن تقف انت امامه.

2 - لا تضاعف العقود ابدأ مهما ظننت ان الصفقة قوية جدا و بها ربح وفير

3 -اعمل خطة و امشى عليها

مفيش شركة او مصنع او حتى محل كشرى مش عامل هدف يوصله و لو

مش عامل بيفضل زى ما هو او يفلس

4 - الستوب لوز ليس ابدا ابدا شيئ سيئ فهو يبقيك فى السوق,هو صديقك و

ليس عدوك لانه طوق نجاتك عندما يعصرك السوق.

5 - احسب خسارتك و تأثيرها على الحساب قبل مكسبك دائما

[alskndry]

موضوع متميز استاذ محمد وخصوصا رقم 5 انا اعرف اشخاص كثيرين يجيدون اول 4 لكن رقم 5 بتضيع الدنيا منهم
وربنا يوفقك ان شاء الله

حبيبى واخى ميدو نورت الموضوع ياغالى

اكيد النفسية لها عامل مهم جدا وممكن بسببها

يخسر المتداول كل شئ

وان شاء الله فى الموضوع سنتكلم على طرق التخلص من العوامل النفسية

تحياتى اخى ميدو ولا تحرمنا من مشاركاتك ياغالى

[alskndry]

موضوع ممتز ومفيد للمبتدئين وايضا للمحترفين في التداول ومربط الفرص في الرقم 1 و 5 = إحكام القبضة على السوق

اخى محمد وصديقى العزيز

اهلا بك ياغالى اكيد ادارة راس المال هى العامل الاساسى وكمان نفسية المتاجر

هم السر فى النجاح

تحياتى ياغالى ونورت الموضوع كالعادة

فالموضوع بدونك بيبقى ناقص كتير

تحياتى ياغالى

[naitsi0]

المهم نرجع تانى لادارة راس المال اولا

لازم تعرف انت حسابك يساوى كام فى السوق يعنى على قد لحافك مد رجليك.

حسابك 500*$يعنى السوق يسحب منك 500*نقطة لو النقطة بدولار

او 1000*لو بنص دولار

او 5000*نقطة لو ب 10*سنتات

طالما انك مبتدئ لازم تدخل بالقليل عشان السوق تقيل و مش سهل و ناس عفية بتروح كل يوم

طيب لو عملت خطة بسيطة انك تحقق 50*نقطة كل يوم يبقى حوالى

1000*نقطة فى الشهر و ده شيئ سهل نسبيا بعد التدريب حتجيب 100*$

فى الشهر يعنى 20*%من حسابك اكيد مفيش بنك او حتى مشروع قوى

يديك 20*%من حسابك كل شهركبداية,.

انت محتاج 5-6*شهور عشان تضاعف راس المال و ده شيئ ممتاز

بالنسبة للروافع

فهى تحجز لك المارجن المستعمل من حسابك و 400:1

هى جيدة كبداية

حجم العقود احسبه و جرب نفسك على الديمو كتير و متستعجلش فى الفتح فى حساب حقيقى

حتى و ان خسرت اول حساب ده حيعلمك كتير

طيب اهم نقط فى ادارة راس المال هى

1- اعرف حجم عقدك لا تضارب بعقود كبيرة نسبيا على حسابك ,السوق

قوى جدا و لن تقف انت امامه.

2 - لا تضاعف العقود ابدأ مهما ظننت ان الصفقة قوية جدا و بها ربح وفير

3 -اعمل خطة و امشى عليها

مفيش شركة او مصنع او حتى محل كشرى مش عامل هدف يوصله و لو

مش عامل بيفضل زى ما هو او يفلس

4 - الستوب لوز ليس ابدا ابدا شيئ سيئ فهو يبقيك فى السوق,هو صديقك و

ليس عدوك لانه طوق نجاتك عندما يعصرك السوق.

5 - احسب خسارتك و تأثيرها على الحساب قبل مكسبك دائما

جزاك الله خير معلومات من ذهب عن راس المال وإدرته وسط حيتان السوق المتوحشة

[alskndry]

ثانيا التحليل الاساسى

هو عصب التجارة و الفوركس

هو المحرك الاول لطريق سعر العملة و مهم جدا التعرف عليها

فى ناس كتير مش بتهتم بالاخبار و بتقراها كأنها بتقرا الجرنان

على الرغم ان القراءة الجيدة للاخبار شرط اساسى لتكون مضارب ناجح

هناك اخبار هامة و اخبار متوسطة و اخبار للمدى البعيد

لازم تحدد ايه الخبر اللى نستفيد منه فى مضاربتنا يقولنا وجهتنا عشان الدخول يكون صحيح

مثلا النهاردة فى خبر الفائدة على الباوند و اليورو و اخبار الفائدة من

الاخبار الهامة جدا و محركة لسعر العملة على مدى طويل يمكنك من معرفة

الوجهة التى سيمشى فيها السعر تحدد

الباوند متوقع الخفض بمقدار نصف نقطة.,

لازم تعرف لو اتخفض نصف نقطة

ايه اللى هيحصل

.و لو ربع ممكن يمشى ازاى,و لو اكتر من المتوقع كمان

الخبر لو وصل زى المتوقع يبقى الفائدة حتقل على الباوند على المدى

البعيد يعطى دفعة للاقتصاد عشان مفيش حد بيحط فلوسه فى المتوسط

نكمل ان شاء الله بعد الصلاة

لان موضوع التحليل الاساسى مهم جدا

[Ahmedeltaher]

متابع مع حضرتك ان شاء الله
طالما الموضوع للمبتدئين هستاذنك فى بعض الاسئله

ازاى اعرف قيمة النقطه بدولار او بعشره او بسنت وكيفية حسابها لكل زوج؟؟؟؟
وبالنسبه للمارجن ياريت لو فى مثال على حساب بالف دولار ورافعه 1:200 او 1:400 يعنى ايه بتحجز المارجن المستعمل؟؟؟

شكراا لك

[alskndry]

متابع مع حضرتك ان شاء الله
طالما الموضوع للمبتدئين هستاذنك فى بعض الاسئله

ازاى اعرف قيمة النقطه بدولار او بعشره او بسنت وكيفية حسابها لكل زوج؟؟؟؟
وبالنسبه للمارجن ياريت لو فى مثال على حساب بالف دولار ورافعه 1:200 او 1:400 يعنى ايه بتحجز المارجن المستعمل؟؟؟

شكراا لك

اهلا بك اخى العزيز

ويشرفنى متابعتك ياغالى

اولا حساب قيمة النقطة

حسب نوع الحساب يعنى حساب ميكرو اللوت 10 سنت

وحساب مينى قيمة اللوت 1 دولار

وحساب ستاندر قيمة اللوت 10 دولار

وطبعا 0.01 = 10 سنت

0.10 = 1 دولار وهكذا

وبالنسبة للمارجن طبعا يختلف حسب قيمة الرافعة

وفى شركات بتدخل الهامش المحجوز فى المارجن يعنى مسموح تخسره زى fxopen وغيرها

وفى شركات ما بتدخلش الهامش المحجوز فى المارجن وبمجرد ما الفرى مارجن بيوصل للصفر يتم غلق الصفقات

ويفضل المارجن موجود

ان شاء هيتم شرح مثال وكل شئ بالتفصيل كما طلبت حضرتك

[alskndry]

فى نقطة هامة ان احيانا كثيرة الخبر يتشرب من السوق يعنى مثلا يكون

سلبى و المضاربين تقراه قبلها بيومين فالكل يدخل بيع للزوج طوال

اليومين او الثلاثة السابقين و عندما يأتى الخبر سلبيا تجد العملة تصعد

لان السيولة استنفذت بفعل الخبر من قبل الخبر

عشان كدة لازم تحاول تشوف الخبر اتشرب من السوق ولا لا

مثلا خبر متوقع سلبى هام جدا على الباوند لقيت اليومين السابقين الباوند

بيهبط بقوة لغاية الخبر و الخبر طلع سلبى فعلا انتظر كسر مستويات قوية

لتتأكد من الهبوط لا تجعل السوق يخدعك و كن حريصا

عيب الاخبار اللى واجب تجنبه انك لا تضارب وقت الاخبار

حاول الخروج قبل الخبر لان ساعة الخبر و بالذات لو عكس المتوقع

ستجد حالة هرج فى السوق لفترة

ممكن فى هذه الفترة يؤكل ربحك بالكامل و يضرب ستوبات بسبب الذيول

لان هناك مضاربين تخرج بكثرة و اخرين يدخلون بكثرة بفعل الخبر

عامة علاقتك بالاخبار لازم تكون جيدة و تتعلم على الديمو الاخبار باللون الاحمر بتأثر ازاى فى حركة الشارت

طبعا التحليل الاساسى محتاج شرح كتير وان شاء الله هيتم شرحها بالتفصيل لاهميته

[alskndry]

التحليل الفني
هو العمود الفقرى للفوركس

من غير تحليل فنى ستخسر رأس مالك حتما لان السوق سيبتلعه

من غير تحليل فنى لن تحافظ على نفسك من الخسارة

من غير تحليل فنى مش حتكسب ابدا

اى طريقة عمل للفوركس لابد ان يكون معها التحليل الفنى

التحليل الفنى يتضمن اكثر من شيئ و اهمهم

النماذج السعرية

الشموع و انواعها

القنوات السعرية

القمم و القيعان

الترندات المتكونة


اولا القمم و القيعان و الترندات المتكونة

طبعا لا يخفى على اى واحد اهمية القمم و القيعان للعمل الفوركسى

اولا القاع هو اى هبوط للزوج يصحبه صعود فاقل شموع قبل الارتداد تكون القاع

اما القمة فهى شموع فى نهاية الصعود و يتبعها هبوط ليتكون قمة



و مهمتنا هى اكتشاف متى يكون السعر عند القمة فنبيع و متى يكون عند القاع فنشترى



و من هنا جاءت فكرة توصيل القمم ببعضها البعض و القيعان ببعضها

البعض كذلك

لنكون ما يسمى بالترند

مثال

الشارت السعر كون قمم ومع توصيل القمم كون ترند عندما وصلناها ببعض

[alskndry]

الترند

هو عبارة عن توصيل القمم ببعضها و القيعان ببعضها حتى

نتوقع متى يرتد السعر و متى يهبط

فالترندات هى اساس التحليل الفنى و الكلاسيكى و اساس المضاربات وحركة الزوج

الترند اهم شيئ تعتمد عليه فى دخولك يعنى ببساطة لا تدخل عكس الترند

و كل ما يكون الترند على فريم كبير كلما كان ارتداد السعر منه اقوى وكلما كان كسره اصعب

اهم مقولة تقول ترند ايز يور فرند يعنى الترند صاحبك فلا تمشى عكسه

عشان ببساطة صاحبك حيقلب عليك لو مشيت عكسه و حيكمل هو طريقه

و يسيبك انت تجر اذيال الخسارة

طريقة رسم الترند

هى الاهم لانك ستعرف متى ستتكون القمة و متى سيتكون القاع,.


تحاول ان ترسم القمم ببعضها و القيعان ببعضها و تحاول ان تضم الذيول

بتاعة الشموع للترند و كلما زاد عدد الارتكازات زادت قوة الترند بالتأكيد

و زادت صعوبة كسره ايضا.

لاحظ عندما تم كسر الترند صعد بقوة ازاى

الخلاصة ارسم الترند كويس حتعرف تشتغل كويس اياك تدخل عكس الترند العام للزوج

[alskndry]

الفيبوناشى

الفيبوناشى نسبة لعالم رياضى ايطالى يحمل نفس الاسم

والنظرية تقول ان اى سعر لكى يرتفع يجب ان يهبط اولا و من ثم يبدأ

الصعود مجددا او العكس

و من هنا جاءت نظرية الفيبوناشى و التى اخذت شهرة كبيرة بين

المضاربين و نحن نستخدمها لان المضاربين يدفعون السعر دفعا الى

مستويات الفيبوناشى على التوالى و بهذا نعرف متى نخرج من العقود ومتى نعزز العقود و الاهداف ايضا

تعتمد نظرية فيبوناتشى على عدة ارقام هى

23.6 / 38.2 / 61.8 .......... الخ

ولكن ما يهمنا هنا كيف نرسم الفيبوناشى و كيف نستعمله فى مضارباتنا و كيف

نحدد به اهدافنا و ستوباتنا و خروجنا و تعزيزنا

اقوى المستويات هى الى 38*و ال 61*لانهم يعرفون بالمستويات

التصحيحية يعنى منهم ننتظر الارتدادات للسعر

عن طريقة رسم الفيبوناشى التى تعتمد على الموجة الحالية التى يمشى فيها الزوج

نأخد مثال عشان الموضوع يكون عملى

مثال حى من السعر الحالى الدولار كندى فريم الساعة



نلاقى ان اخد موجة صاعدة و عمل هاى بشمعة و لم يكسر الهاى ده

نقوم بسحب الفيبوناشى من اول الموجة من تحت حتى نهايتها لفوق عشان

نلاقى اول مستوى يقابله الزوج فى الهبوط هو 23*فيبوناشى

حط دى حلقة فى ودنك اى صعود عشان يبدأ الهبوط اول مستوى يقابله

هو ال 23 الاول يعنى الصغير و بعد كده 38*ثم 50....

مثلا فى المثال الحالى امامنا اول مستوى نقابله هو 23*فيبو ممكن نخرج

من عنده و ممكن ننتظر كسره الى المستوى التالى 38*فيبو المعروف

بالتصحيحى نخرج من هناك لان الزوج سيصحح قليلا منه ثم نتعامل معه

بعد الهبوط مجددا

طبعا عندما تكون الموجة هابطة يبقى نرسم من فوق لتحت من اول الموجة لغاية اخرها

طبعا كسر اى مستوى من مستويات الفيبوناشى بيذهب بنا للمستوى لتالى,

بس طبعا اهم حاجة عندنا هى الاغلاقات يعنى لازم الشموع تقفل

فوق او تحت المستويات الفيبوناشية عشان نستمر فى الطريق.

من يتقن رسم الفيبوناشى يساعده جدا فى المضاربات و تحديد الاهداف,.

الفيبوناشى يعتبر من الادوات الهامة التى يستخدمها اغلب المضاربين و من يتقن رسم الفيبوناشى يساعده جدا فى المضاربات و تحديد الاهداف