الزوايا السعرية والفواصل الزمنية

[medo93]

نبدا ع بركة الله

تحليل GBPJPY

اولا لما اجي افتح عقد ع اي زوج لازم احدد نوع الدخول اذا كان سوينج او انترداي او سكالبينج
بالحالة دي انا محدد تحليل سوينج يعني التحليل هيقعد معانا شهور ان شاء الله

وعلشان افتح صفقة بالشكل دا لازم اولا اعرف الفريم اليومي بيقول ايه
وبعدها انزل ع 4 ساعات علشان اشوف الشكل اللي ماشي عليه
وبعدها انزل ع فريم الساعه او 30 دقيقة علشان احدد نقطة الدخول
بالظبط وتكون قوية بحيث ان السعر ميعكسش عليا منها ولا نقطة

وهبحث عن منطقة الكلاستر والمفروض ف نهاية المشاركة نكون عرفنا يعني ايه منطقة كلاستر (سعري-زمني)

دي الطريقة باختصار ونبدا بقي ف شرح التفاصيل

اولا الفريم اليومي




بالنظر الي الصورة السابقة هنعرف

الاتجاه صااااااااااعد
الزوج يسير ع شكل خط مستقم
هدف الزوج هو الزاوية 360 عند171.61 اي تقريبا ع بعد 2480 بيب
الوقت المقدر لوصول السعر اللي الهدف هو13 يناير 2018(مع الاخذ ف الاعتبار ايام الاجازات)
لسه مجال الوقت طويل بالنسبه لعنصر الزمن يعني الزوج ممكن يوصل براحته
تم اختراق الزاوية 180 والزوج الان ف مرحلة اعادة الاختبار وهي ما نسميها ف هذه الطريقة (اخذ الاذن بالصعود)

المفروض ان دي اهم المعلومات اللي انا محتاجها وانا خلاص عرفتها من الصورة اللي فاتت دي

طب نركز شوية

1-الزاوية 180 نفسها فين ؟(ارجعو للصورة اللي فوق )

الزوايه 180هنلاقيها عند السعر 146.41
وخليكم فاكرين الرقم دا كويس جدا

2-السعر دلوقتي فين؟

عند 146.94

لغاية دلوقتي الدنيا حلوه والامور واضحه والحمدلله

السؤال التاني انا المفروض ف الوقت دا افكر ف البيع ولا الشراء
خلو بالكم انا قلت من شوية( الاتجاااااه صاااااااعد)

تمام الحمدلله انكم قلتو (شراء)

بما اني ناوي اشتري فطبقا للفريم اليومي افضل سعر للشراء هو عند الزاوية 180 نفسها (146.41)

طب يلا بينا ننزل ع فريم اقل ونشوف الدنيا عامله ايه

فريم 4 ساعات




طبعا الصورة دي كفيلة انها تغير الدنيا كلها وبعد ما كنا خلاص هنشتري وبنفكر ف الشراء هنعيد كل الحسابات ونفكر فالبيع ودا المنطق

الزوج هابط ع شكل خماسي واحترام للزوايا والزمن مظبوط وكله تمام يبقي انا

(هبيع)

مقدرش اقول ان البيع خطا بس لو السعر طار بيك بعد ما تدخل متزعلش
لانك عارف من البداية ان الاتجاه صاعد

مش عايزكم تتلخبطو

وتعالو نحسبها واحده واحده

وهنبدا من الاول خالص ونرجع تاني لفريم اليومي



شايفين الموجه اللي طالعه زي الصاروخ دي اللي انا عامل عليها سهم باللون الاحمر
ايه رئيكم نشوف الموجة دي طلعت ازاي

خلينا نتفق ع حاجة بداية من دلوقتي ان مفيش اي سعر بيتحرك غير لما يكون بيمشي ع شكل هندسي
احنا دلوقتي بتوع زوايا هندسية

يعني لازم اعرف الموجه دي طلعت ع اي شكل هندسي علشان اعرف الموجه دي انتهت ولا لسه وكمان اعرف الموجه اللي ف الصورة اللي جاية دي اللي انا عامل عليها سهم اصفر قصتها ايه

يلا نمشي واحده واحده



اولا الصورة دي




يلا بينا ننزل ع فريم 4 ساعات ونشوف الموجه دي كانت بتمشي ازاي



طبعا زي م شفنا ف الصورة الزوج بيمشي ع شكل رباعي
(انا عارف ان لسه لم يتم شرحه )
بس دا شكله مؤقتا الي ان نصل اليه

صعود الي الزاوية 90 ثم الهبوط الي منتصف المسافه (45) ثم الصعود مرة اخر الي الزاوية 180 ثم الهبوط ثم الصود الي ان نصل الي الزاوية 360 لانه شكل مكتمل زي ما احنا عارفين



لغاية دلوقتي كله تمام بس بعدها الزوج طلع مرة واحده للزاوية 270 ودا كان قبل معاده بكتييييييييير (بنسميها حالة الوصول المبكر وهنشرحها باستفاضة لما نوصل التحليل الزمني )

وف الحالة دي بنقوله انت طالع قبل معادك بكتير وقدامك حل من 2

اولا تنزل تاني وتبقي تطلع ف معادك
تقعد مكانك(تذبذب) لغاية ما يجي وقتك

طبعا هو قرر يقعد مكانه وفعلا فضل اكتر من 80 ساعه ف نفس المكان.

وبعدها في الصورة اللي تحت صعد للزاوية 315 وقلنا قبل كدا انها ف احيانا كثيرة يتم نهاية الشكل عندها
وبرضه كان عامل حالة وصول مبكروبرضه هنديله نفس الخيارين اللي فاتو



بس المرة دي الزوج قرر ينزل وميقعدش ف مكانه

ونخلي بالنا جدا من النقطة اللي جاية

ف الصورة دي بنقول للزوج المفروض انك الوقت دا(السهم الاصفر) تكون عند السعر دا (السهم الاحمر )
بس موصلتش مكانك ف معادك

اتفضل بقي انزل بس((( لازم ))) تكسر القناه الصاعده دي (السهم الازرق )



وبالفعل الزوج زي الشاطر كسر القناة ووهبط بعدها مباشرة
ودي كانت قصة الموجه الصعده ع الفريم اليومي واللي اتمني انكم لسه فاكرينها

ونروح بقي للموجه الهابطة

بس هتكون ف مشاركة تانيه لان المشاركة دي اخدت 10 صورومش هينفع تاخد اكتر من 10 هنعمل جزء تاني للتحليل دلوقتي ونكمل المشوار

هو طبعا احنا لغاية دلوقتي بنقرر هناخد شراء ولا بيع والجزء اللي فات دي ملوش علاقة كبيرة بالتحليل بس انا حبيت اشرح ايه اللي بيحصل ف الموجات وازاي نربط الفريم الصغير بالكبير

باقي جزء صغير ف المشاركة اللي بعد دي ان شاء الله

[medo93]

ايه بقي قصة الموجه دي



طبعا عرفنا من الجزء اللي فات ان الزوج هيهبط وعرفنا السبب (لم يصل الي السعر المحدد ف الوقت المحدد وتم كسر القناه الصاعده )
وبالتالي هبط الزوج مكونا هذه الموجه



طب احنا اتفقنا ان اي زوج بيمشي ع شكل هندسي ايه رئيكم نشوف الشكل الهندسي اللي بينزل عليه

وننزل ع ال 4 ساعات



ايوا صح تمام يا ابو علي دا الشكل الخماسي اللي كنا بنتكلم عليه الصبح شفت بقي الشكل الخماسي جه من فين

ودلوقتي حان وقت السؤال المهم
احنا هنشتري ولا هنببع

الاجابة هي هنشتري




لكن السؤال الاهم من السؤال المهم

هو هنشتري من فين؟


نركز علشان دا اهم جزء ف الموضوع

دا الفريم اليومي
هنلاقي الزاوية 180 عند السعر 146.41



دا فريم 4 ساعات
هنلاقي الزاوية 144 عند السعر 146.55



وعلشان اتاكد اكتر واكتر
دا فريم 15 دقيقة
وطبعا هلاقي ان الزوج بيسير ع شكل رباعي والدورة السعريه بتاعه بتنتهي عند 146.63




يعني احنا ممكن نحدد المنطقه من 146.41 الي 146.63
ونقول ع المنطقة دي كلاستر سعري

علشان فيها اكتر من زاوية رئيسية صالحة للارتداد السعري
والسعر ممكن من عندها يكمل طريقة لفوق زي ما احنا عارفين

يعني تخيل انا حصرت منطقة كلها 20 نقطة والسعر ممكن يصعد منها 2500 نقطة
وممكن نشتري من السعر الحالي بجزء من العقد واي هبوط هو فرصه للشراء
ونكمل العقد ف المنطقة اللي حددناها


يعني لما الاقي توصيه جايه بالشكل دا



المفروض اني عارف السبب فيها ايه

طب ممكن الكلام دا يفشل

هو صعب بس احتمال وراد وكمان مش كل السيناريو هيفشل هي نقطة الدخول فقط
اللي ممكن تختلف

وعموما احنا معانا الخريطة ع ال 4 ساعات وال 30 دقيقة
خلي الزوج ينزل عليها واول فشل زمني ع 30 دقيقة
نعرف ان السيناريو ف طريقة للتحقيق

دا كان تحليل البوند ين
اتمني انكم استمتعتم بالمشاركة وايضا ان يحترم الزوج هذ التحليل

وان شاء الله هنرجع نكمل الورشه بتاعتنا ونتعرف ع باقي الاشكال
ان شاء الله ستم شرح باقي اجزاء المؤشر
فهو من اساسيات الطريقة

انا جايب لتحليل دا فقط علشان اعرف الناس الطريقة دي بتخليك شايف الدنيا ازاي
وان شاء الله كلنا هنوصل مع بعض للمرحلة دي

[medo93]

بسم الله الرحمن الرحيم
بالتوفيق ياغالي
كنت حابب اساعدك في بعض امور ان شاء الله خير
هلا بالنسبة للاشكال اللي قسمتهم من النص حضرتك

اضافة ليهم
الاختراق او الكسر يكتفى بشمعه في الاشكال السريعة
وشمعتين بالمتوسطة والبطيئة

و بكلا الحالات مايكون بينهم شمعة عاكسة

شكرا جزيلا استاذ اياد وطبعا عرض المساعدة شيئ عظيم منك
وانا لن اسطيع رده ولكن لي تعليق بسيط وهو اني اقوم حاليا بتكوين
الاساسيات لدي المتابعين حتي تتكون لديهم الصورة الكامله عن الاشكال
الهندسية كلها ف صورتها المثالية وكيفية اختيار الزمن الخاص
بكل شكل ثم بعد ذلك ناتي بالاشكال الغير مثالية والاكثر تعقيدا
حيث اني وجدت شرح كل الاشكال ف توقيت واحد هيجيب لخبطة
كتير وهتبقي الورشة عباره عن اساله فقط
لكن بهذ الطريقة وهذا التدرج ان شاء الله سنصل
الي غايتنا وبكل سهولة

[medo93]

بالنسبة لموضوع اختيار القمة والقاع

كل نقطة على الشارت ليها دورتها وبالتالي ليها شكل خاص

تمام جدا وانا اتفق معك واتمني ان تشارك بهذا الكلام ف الدرس الخاص باختيار القمة والقاع
بالنسبة لاعتماد الارتداد ممكن يكون زمني وممكن سعري
ويستحسن ان يكون الارتداد لمنتصف المسافة اي للزاوية الفرعية

انا بعتمد الارتداد السعري علشان اختار الشكل الهندسي
وبختار الارتداد الزمني علشان اتاكد من ان الزمن اللي اخترته مظبوط
لان زي ما حضرتك عارف كل شكل هندسي ليه اكتر من زمن يسير عليه

ناهيك عن الحالات الخاصة للشكل
قوة الشكل تكمن في احترام السعر خطوطه الوهمية وزواياه القادمة
اكيد طبعا
لاحظ ان من الممكن نقطة واحدة على الشارت تحمل شكل معقد يحترم جميع الزوايا

ذكرت سبب عدم التطرق لهذه المواضيع ف المشاركة السابقة

[mesalh1962]

بارك فيك استاذ محمد شرح فوق الممتاز بارك الله فيك

[medo93]

شكرا جزيلا اخي الحبيب واتمني ان تشارك بوجه نظرك ف التحليل
فباب النقاش مفتوح حتي بداية السوق واستكمال الشرح

[medo93]

نتابع معا هذه التحليلات للاسبوع القادم ان شاء الله

GBPUSD


AUDUSD


EURUSD


USDCHF


USDCAD


USDJPY

[mohammedgaber]

بسم الله ما شاء الله
بصراحة اول مرة استوعب حركة الزوج بالنسبة للتحليل الزمني والزوايا

احييك بجد على شغلك الرائع وان شاء الله تستمر دايما على نفس المستوى واكثر ويستفيد الجميع

بالتوفيق ان شاء الله في نظرتك للمجنون وانا عن نفسي بدعم الشراء

[mohammedgaber]

نتابع معا هذه التحليلات للاسبوع القادم ان شاء الله

GBPUSD


AUDUSD


EURUSD


USDCHF


USDCAD


USDJPY

متفق كمان معاك في جميع الاتجاهات في الشارتات دي

وان شاء الله ربنا يوفقنا

[abuali1979]

شرح روووعة الروعة وموفق ان شالله
استمر وربنا يباركلك

[medo93]

بسم الله ما شاء الله
بصراحة اول مرة استوعب حركة الزوج بالنسبة للتحليل الزمني والزوايا

احييك بجد على شغلك الرائع وان شاء الله تستمر دايما على نفس المستوى واكثر ويستفيد الجميع

بالتوفيق ان شاء الله في نظرتك للمجنون وانا عن نفسي بدعم الشراء

اتمني إنك تكون غيرتك نظرتك للتحليل الزمني وانت شفت بنفسك انا كنت شايف الشارت ازاي وعارف السعر رايح فين وجاي منين وواقف ف المكان دا ليه والمحطات اللي جايه وأعتقد مش محتاج حاجة تانيه
يعني باختصار التحليل دا كنز بمعنى الكلمه واحترافه أمر بسيط بإذن الله

[medo93]

شرح روووعة الروعة وموفق ان شالله
استمر وربنا يباركلك

شكرا جزيلا ابوعلي واتمني ان تكون قد تكونت لديك الصورة الكاملة عن كيفية التحليل باستخدام هذه الطريقة
وايضا الوجه القادمه لهذا الزوج
فلو هبط هنكون عارفين السبب ولو صعد برضه عارفين السبب
وعارفين فين منطقة الكلاستر
ويعني ايه كلاستر
وف النهاية اتمني ان حضرتك استفدت من التحليل

وبرضه ما زلت اكرر لسه اللي جاي افضل واقوي ان شاء الله

[rany]

لا تشوقنا كتير هههههه اكمل الشرح يا غالي وبالتوفيق.

[medo93]

لا تشوقنا كتير هههههه اكمل الشرح يا غالي وبالتوفيق.

اكيد طبعا استاذ rany باقي اجزاء الشرح ف الطريق بس انا حبيت اعمل تحليل كدا علشان الناس تعرف الطريقة بتشتغل ازاي
لاني لقيت فعلا مجموعه كبيرة غير متقبله لهذا التحليل
فحبيت اغير الصورة اولا قبل استكمال الشرح
لان لو حد مش متقبل الفكرة مهما شرحت مش هيقتنع بالطريقة فان شاء اللتحليل يكون عجب المتابعين ونستكمل باقي الاجزاء ع خير باذن الله
ولكن

[qwerasdf]

استاذي الكريم medo
شرحك جدا جيد وبسيط وفهمت كل شيء
اذا تقدر اخي تشرحلنا كيف نحلل بالنجمه السداسيه