النتائج 61 إلى 66 من 66
الموضوع: EUR/AUD ترند مكسور على الساعة
- 22-05-2017, 06:36 PM #61أرجو من المراقب عدم التدخل والتعديل على الردود أنا أحب الانتقاد كثيرا
آخر تعديل بواسطة خدمة الأعضاء4 ، اليوم الساعة 07:30 PM
- 22-05-2017, 06:46 PM #62
معلش ماتقارنش الناس ببعضها و ماليش دعوة أنا بدوغلاس باشا
هو يقول اللي يقوله أنا ليا طريقة تداول و بكسب بيها فيبقى لية أوجع دماغي انا بكلامه !!
كدة كدة مافيش حد بيخسر و حتى لو خسرت صفقة أو أتنين براجعهم و بفضل زي ما أنا
و الحمد لله الدنيا ماشية كويس .
أنت بتقول كان ليك الأفضلية حسب طريقتك , أحب أقولك أن حسب طريقتي كان عندي نقطة دخول على الزوج
من القااااااااااااااااااااااااااااااااااااااااااااااا اااااع اللي كون عنده السلوك السعري اللي بيدل على الصعود مرة أخرى لمنطقة العرض
و أعتقد السلوك واضح زي الشمس على الأربع ساعات .
انا كلامي واااااااااااااااااااااااااضح أنا قلت أنا متفق معاك في الصعود لعدة أسباب و ذكرتها في الرد 42 أبقى شوفته تاني
بس أختلفت معاك في نقطة الدخول , أنا مش بدخل لما ألاقى إشارات ضعف بستنى إما يتم نفيها أو يتم تأكيدها
و بعدها أقرر غير كدة مش بدخل ... طالما المنطقة مش منطقة قوية جداً بستنى إشارات ضعف و إشارات تأكيد
اللي هي السلوك السعري يا كبير غير كدة مش بدخل و خلاص حتى لو عارف أن السعر هايصعد .
- 22-05-2017, 07:05 PM #63أنته قلت لي تسرعت في الدخول ويجب أن أنتظر هبوط
مكان وضع وقف الخسارة كان آمن جدا
إختبر منطقة طلب وصعد
لا مشكله لدي في ان يتحرك السعر بعكس توقعي ولا يضرب وقف الخسارة
الخوف من هبوط 50 أو 150 نقطه هو احتمال وارد الحدوث
وأنا كنت مستعد لكل الاحتمالات
لماذا عندما نشعر بأن هناك فرصة بعقلنا الباطن
نجعل العقل الواعي يتدخل ويضع أمامنا العراقيل !!!
- 22-05-2017, 07:15 PM #64
دي مالهاش علاقة بالعقل الواعي أو العقل الباطن , أنت قدامك كذا إشارة من إشارات الضعف و توم ويليمز حذر منهم
خاصة الشمعة اللي ذو فوليوم مرتفع جداً و وضح أنها بتدل على وجود عمليات في الخلف و كمان إشاراة الضعف
الطلب اللي هي إغلاق عند المنتصف مع فوليوم أضعف ... و الاتنين أتوا وراء بعضهم و كانت إشارتهم قوية
لان لو الفوليوم القوي دة بيدل على عمليات شراء قوية فيبقى لية الشمعة اللي وراها أتت ضعيفة و حجمها صغير
و الفوليوم ضعيف و إغلقت عند المنتصف ؟!!!!!!!
فدي بالطبع إشارة تحذيرية على وجود ضعف فطبيعي نستنى يتم تأكيدها أو نفيها بحيث يكون الطلب تغلب على العرض
و بعدها حصل الهبوط , أنا مش بحب أدخل من نقطة و بعدها يحصل إنعكاس لأني لو بتعامل مع زوج سريع
غلطة زي دي كانت هاتبقى رخمة أوي فعلشان كدة أنا قولتلك تسرعت , تسرعت في الدخول مع أني متفق معاك في الشراء
إلى أن يصعد الزوج لمنطقة العرض على اليومي و بعدها نبقى نشوف الزوج هايتعامل معاها أزاي , دة كان كلامي
و صدقني مش مستاهل الردود دي كلها ... و أنا أسف يا عم لو كنت في النهاية ضايقتك
في أمان الله
- 23-05-2017, 05:24 AM #65استاذ hema007 هل تستطيع أن
تحقق صفقات رابحه متتاليه؟
أنا تقريبا حققت هذا منذ شهور لم يضرب لي وقف خسارة سوى صفقه واحده دخلتها بالخطأ أغلقتها بخسارة بسيطة جدا
-0.14%
تحدث مارك دوغلاس في كتابه المتاجرة في المنطقة عن هذا الشيء
لقد عملت مع العديد من المتداولين المحترفين الذين حققوا سلاسل لا تصدق من الصفقات
الرابحة , و أحيانا كانت تمضي شهور دون أن يمروا بيوم خاسر واحد ,
و تحقيقهم لخمسة عشر صفقة أو حتى عشرين صفقة رابحة متتالية ليس أمر غريبا بالنسبة
لهم .
- 23-05-2017, 01:52 PM #66
ايوة يا باشا أقدر أحقق عدة صفقات متتالية
الشهر دة دخلت 4 صفقات إلى الأن و الحمد لله كلهم حققوا هدفهم أخرهم كان أمبارح أو أول أمبارح .
أنا بدخل الصفقات اللي باشوفها كويسة و مش بدخل عدة صفقات في وقت واحد
ليا أسلوب في أختيار الصفقات و الحمد لله كويس و حتى لو خسرت صفقة مش بتفرق معايا .
ماتنساش أن صناع السوق نفسهم بيخسروا صفقات أكثر من ربحهم للصفقات بس الربح نفسة
أكبر من نسبة الخسارة في عدد الصفقات ... موضوع أنك تقيس قدرتك في عدد الصفقات الرابحة
بصراحة من وجهة نظري مش مقياس .
أنا عامة مش من النوع اللي بيدخل صفقات كتير و خلاص أو كل ما ألاقي فرصة أدخلها و خلاص
في حاجات لازم أراعيها و لول لقيت أكتر من صفقة بيبقى في أولوية في الدخول لزوج عن الاخر و هكذا .
بالتوفيق يا غالي .