الهارمونيك طوق نجاة

[EgyptionPro]

بالنسبة لصفقة الكيبل هو لسة موصلش لنقطة الارتداد بس عمل بريس اكشن محترم من مقاومة قريبة من منطقة الارتداد ماذا نفعل في هذة الحالة هل ممكن ندخل بيع ولا نستني انه لازم يوصل لمنطقة الارتداد الاول

[QQahmedQQss]

bitcoin 1H bat

[QQahmedQQss]

audusd 4h ab=cd النموذج لسه مكتمل دلوقت

[QQahmedQQss]

audusd daily bat

[أحمد.سعيد]

الملف المرفق 455914
بص كده ع النموذج ده EURUSD DAILY AB=CD انا كنت متابعه من كام يوم مستنيه يكتمل مش عارف ليه بس كنت شايف انه هيطلع يكمل النموذج

النموذج كنسب صحيح بس يعيبه تصحيحاته كتيرة
اي نموذج لما تلاقي الضلع ماشي كده حتة واحدة او على بالكتير تصحيح واحد بيكون نموذج كويس لكن لما تلاقي تصحيحات كتيرة وكمان التصحيح نفسه كبير بيكون اكتر من 3 شمعات

[أحمد.سعيد]

audusd 4h ab=cd النموذج لسه مكتمل دلوقت

لا يا معلم المفروض ال d تكون عند ال 127 علشان ال c صححت عند 78.6
ارجعلها كده هلتاقي انك رسمت ال d عند 161.8

[أحمد.سعيد]

نموذج القرش SHARK

نموذج القرش يتميز بأنه من اكثر النماذج تكرارا علي الاطلاق ويتميز ايضا باهدافه الكبيرة اكثر لطول الضلع CD وهو ايضا من النماذج الخماسية
وتكون النقطة B مصححة عند 38.2 او 50 او 61.8
بينما تصحح النقطة C عند 113أو 127 او 161.8 وهو النموذج الوحيد ضمن جميع النماذج التى تتعدي النقطة C النقطة A
اما نقطة الدخول وهي D تصحح عند 88.6 او 113 من الضلع XA
وتصحح ايضا النقطة D عند 161.8 او 200 او 224 من الضلع الأخير BC
ملحوظة هامة جدا جدا
يجب الانتباه ان اهداف نموج القرش عادة تنتهي عند نسبة 50 % من الضلع CD لان عند هذه النسبة يتكون نموذج جديد اسمه 0-5 وهو يأتي بعد نموذج القرش مباشرة ويكون الدخول عكس النموذج
اي اذا اكتمل نموذج القرش ودخلنا بيع يتم الدخول شراء فى نموذج ال 0-5 من نسبة 50 % فيبو من الضلع CD
ومثله كمثل باقي النماذج يفضل وجود برايس اكشن فى منطقة الارتداد وايضا يفضل الاعتماد على المستوي الرئيسي مع المستوي الفرعي اذا كانت المنطقة ضيقة او على نفس الخط ويجب الاخذ فى الاعتبار ان ال d تصحح من المستوي الرئيسي عند نقطتين ويكون لدينا فى كل نموذج احتمالين وليس احتمال واحد للارتداد
أمثلة من على الشارت لنموذج القرش
1- مثال لليورو كندي فريم اليومي

ده اليورو كندي بمجرد لمس المنطقة المشتركة بين المستوي الرئيسي والفرعي هبط علي طول ولما وصل لل 50 % فيبو من الضلع الأخير CD كون نموذج 0-5 وصعد جاب اهدافه وهبط تاني استكمل اهداف النموذج الاساسي اللى هو القرش
2 - الاسترالي كندي- قرش

في هذا المثال هبط الزوج بمجرد لمس ال 113 ولم يستطيع عمل 0-5
وحقق جميع اهدافه وعكس اتجاه الزوج تماما
3 -الاسترالي نيوزلندي

بمجرد لمس ال 88.6 طااااار لفوق
4- الكندى ين اليومي حقق الهدف الاول والثاني فقط

5-مثال لليورو دولار على اليومي قرش 113 ونزل لل 50% عمل نموذج 0-5 طلع جاب اهداف ال 0-5 ثم استكمل هبوط النموذج الرئيسي

6 - كانت من احلي ايا م التداول فى الفوركس بالنسبة لي يوم تحقق هذه الفرصة وصعود مباشر 600 نقطة في يوم واحد على اليورو استرالي اليومي نموذج قرش


كده نكون شرحنا نموذج القرش ونموذج 0-5
ولازم ناخد بالنا كويس جدا واحنا بنتاجر على القرش ان مستوي 50 من الضلع CD ممكن يرد السعر تاني للنقطة D او كمان يعكس الحركة تماما
وكمان ممكن ندخل تاني من النقطة D لاستكمال النموذج الاصلي
انتظروني فى شرح النموذج الأخير
123 DRIVE

[أحمد.سعيد]

بالنسبة لصفقة الكيبل هو لسة موصلش لنقطة الارتداد بس عمل بريس اكشن محترم من مقاومة قريبة من منطقة الارتداد ماذا نفعل في هذة الحالة هل ممكن ندخل بيع ولا نستني انه لازم يوصل لمنطقة الارتداد الاول

الصح نستنى واتوقع هيصعد يلمس ودى حاجة كويسة علشان لما يطلع لمنطقة الارتداد هيكون السعر تعب وطالع منهك عكس الصعود المباشر بيهدد الفرص اكتر

استنى متستعجلش

[QQahmedQQss]

لا يا معلم المفروض ال d تكون عند ال 127 علشان ال c صححت عند 78.6
ارجعلها كده هلتاقي انك رسمت ال d عند 161.8

لا عندى الc مصححه عند 61.8 جسم الشمعه جه عند 61.8 ووقف مخترقهاش كمان ده قفل تحتها بس قريب منها بس الديل هو اللى وصل 78.6 فأنا اعتمدت ع 61.8 وبكده استنيت الD تصحح على 161.8 مستنى ردك

[QQahmedQQss]

مستنيين اخر نموذج النهارده عشان ننزل شارتات لل3نماذج مع بعض ويبقى الاستفسارات كلها مره واحده

[أحمد.سعيد]

لا عندى الc مصححه عند 61.8 جسم الشمعه جه عند 61.8 ووقف مخترقهاش كمان ده قفل تحتها بس قريب منها بس الديل هو اللى وصل 78.6 فأنا اعتمدت ع 61.8 وبكده استنيت الD تصحح على 161.8 مستنى ردك

ازيك يا ابو احميد
بص يا سيدي النسبة بنعتمدها بمجرد وصول السعر اليها سواء لمسها او اغلق عندها
وهنا هنعتمد ال 78.6 علشان لمسها حتي لو بديل ،،،،لازم نعتمدها وهتلاقي اوقات كتير في النقطة d بنعتمد الدخول بديل شوف كده فرصة الدولار فرنك بتاع egyption pro بتاع نموذج AB=CD لما انا صححتها قولت انه كده تكون كملت بديل الشمعة اليومي
لو لسه مش واضحة لك ثولي انزلي فرص بالصور

[أحمد.سعيد]

123 DRIVE

نموذج 123 DRIVE يختلف فى الشكل عن جميع النماذج حيث أن معظم النماذج خماسية وتبدأ بترقيم XABCD
وذلك باستثناء نموذج AB=CD
وكمان بنلاقي ان معظم النماذج بتستخدم ارقام كتير لنسب فيبوناتشي لكن فى هذا النموذج يتميز باستخدام نسبتين فقط هما 127 و 161.8 فيبوناتشي وببساطة كده فكرة النموذج ده ان السعر اذا كان في اتجاه صاعد فأنه بيكون قمة ودي بنرقمها برقم 1 ثم يصحح للأسفل ويكمل صعوده ويطلع يعمل قمة اعلى من الأولي ودي بنرقمها برقم 2 ثم يصحح ويطلع يعمل قمة اعلي من القمتين السابقتين ودي بتكون رقم 3 ودي اللي بندخل نبيع منها ودي اللى بنتوقعها قبل تكونها
طيب ازاى اتوقع اقمة الثالثة
ببساطة بنسحب فيبوناتشي من القمة الأولي للقاع الأول يطلع لنا تصحيح القمة الثانية ( إذا كان تصحيح القمة الثانية عند 127 ) تطلع القمة الثالثة عند نفس التصحيح عند 127 واذا كانت القمة الثانية عند 161.8 تطلع القمة الثالثة عند نفس التصحيح 161.8 ....تمام
بعد ما سحبنا الفيبو من القمة الأولي للقاع الأول وطلع نسبة تصحيح القمة الثالثة نعمل نفس الخطوة ونسحب فيبو من القمة الثانية للقاع الثاني ونستني القمة الثالثة عند نفس التصحيح
خطوات رسم نموذج 123 DRIVE
1 - نحدد اتجاه صاعد أو اتجاه هابط
2- نبحث عن تكون قمة صريحة نقول عليها رقم 1 ثم هبوط السعر لعمل قاع ثم يصعد السعر لعمل قمة اعلي من القمة الأولي وترقم برقم 2
3- بعد تكون قمتين نسحب فيبوناتشي من القمة الأولي رقم (1) الى القاع علشان نشوف القمة رقم 2 عند تصحيح كام

4 - بعد تأكد ان القمة رقم 2 ضمن نسب النموذج ( 127 أو 161.8 ) نترقب للقمة الثالثة وعند تكون القاع الثاني نسحب فيبو تاني من القمة 2 الى القاع 2 لقياس القمة 3

5- ومن الممكن تواجد نموذج AB=CD فى نفس الفرصة وكالعادة بتقوي الفرصة جدا
6 -عند اكتمال النموذج ندخل بالبيع عند تكون القمة الثالثة

يكون الاستوب لوز اغلاق شمعتين اعلي القمة
وتكون الاهداف كما فى المثال المرفق
بنعمل قناة سعرية حدها العلوي للقمم والحد السفلي للقيعان وناخد نسخة من نفس القناة بنفس المسافة ويكون الهدف الأول عند الحد السفلي للقناة الأصلية الأولي
والهدف الثاني عند الحد السفلي للقناة الثانية ويكون الهدف الثالث هو الارتكاز على خط الاتجاه الواصل بين القمة الاولي والقاع الثاني
بكده كون انتهيت من شرح جميع النماذج الاساسية
وان شاء الله نشوف تمارين عملية من الشارت على جميع النماذج لمدة اسبوع وهشرح المفاجأة اللي قولت عليها والأسبوع اللي بعده نبدأ دخول عملي
بالتوفيق للجميع وتحت امركم فى اي استفسار

[EgyptionPro]

مبدع اخي الفاضل شرح بسيط وشامل ربنا يبارك فيك اخي

[EgyptionPro]

اخي نموذج الكابوريا Crab مخدنهوش لسة

[EgyptionPro]

مثال علي نموذج دريف 123 فرنك ين يومي وحقق هدفه الأول