علم الخرائط الذهنية Mind Maps

[Ahmed Aly10]

أخوانى و أخواتى فى الله

عاوز أكلمكم النهارده عن علم اسمه

علم الخرائط الذهنية
"Mind Maps"

معظمنا دلوقتى بيشتكى من الذاكرة
و بنقول دايما " أنا عندى زهايمر"

العلم ده بيساعد الأنسان إنه يتذكر
بيقوى الذاكرة
و كمان إنه يستخرج أفكار كتير من فكرة واحدة

العلم ده بدأه عالم اسمه :
Tony Buzan

و لأن عمنا تونى ده كان عنده مشكلة فى الذاكرة
معملش زينا و قعد يقول أنا ذاكرتى ضعيفة
لأ
هو فكر ازاى يحل المشكلة دى

تخيل إننا بنستخدم 1% بس من قدراتنا الذهنية
سبحان الخالق!!!
شوف ربنا إداك قدرات ذهنية كبيرة إزاى
شوف أنت بتخزن فيها معلومات قد ايه
من يوم ما أتولدت ؟؟؟
و شوف أكبر ذاكرة الكترونية بتخزن قد إيه ؟؟؟
الحمد لله
شوفت إن عقلك دى نعمة غالية قوى من ربنا عليك و عظيمة قوى
سبحان الله !
حمدت ربنا على نعمته ؟؟؟
الحمد لله
تعالى بقى نشوف إزاى ممكن نستغل النعمة دى و بدل ما نستخدم 1 % بس
نحاول نزودهم

العلم ده بيعتمد على ربط الأشياء بالصور و الأوان
و بكده تستخدم حواس أكتر تساعدك على التذكر
و الأعتماد على كلمات أساسية ترتبط بالصور دى
و نحاول نوجد علاقة غير منطقية بين الكلمات و الصور و الألوان
اتفرجوا معاى على الرسمة دى :

الفيزياء

اللغة

العربية

اللغة
الفرنسية

المواد الدراسية

يعنى مثلا العلاقة بين الفيزياء و اللون الأخضر ممكن تكون أن التفاحة اللى وقعت على نيوتن كانت خضرا علشان كده مأكلهاش و قعد يفكر هى ليه وقعت لتحت ما كانت وقعت لفوق بعيد عنى طالما مش هينفع أكلها مثلا !!! جايز

و ممكن تكون العلاقة بين اللغة العربية و اللون السماوى انه لون البحر واللغة العربية عاملة زى البحر اللى ما لوش قرار !!!!!!!1

و ممكن تكون العلاقة بين اللغة الفرنسية و اللون الأحمر أن الشعب الفرنسى كله قرر يصبغ شعره أحمر و يلبس أحمر فى نفس اليوم تخيل شكلهم يكون عامل إزاى!!!!

و لو حولت مذاكرتك لحاجات بالشكل ده هيكون سهل عليك تفتكرها و هكذا...........

و لو عاوز تعرف أكتر عن العلم ده فى موقعين ممكن يساعدوك:

http://www.mindmap.co.nr


http://mindmap.atspace.org

و كمان فى برنامج كمبيوتر بيساعد على رسم الخرائط الذهنية و البرنامج اسمه:

mind manager pro6

و ممكن تنزلوه من على النت
أتمنى انه يفيدكم و يساعدكم
اللهم أصلح حال المسلمين

منقول،،،

مع خالص تحياتي

و السلام عليكم و رحمة الله و بركاته

[ahmed hanafy]

الله يبارك فيك يا احمد

انا فعلا مهتم جدا بعلوم التنمية البشرية

و مش كفاية كده يا باشا عايزين حاجات تانيه تفيدنا ان شاء الله

[rosebox]

بارك الله فيك يا أحمد فعلا مشاركه مفيده و رائعه

[الجنيه الفلسطيني]

بعد التحية ...

موضوعك رائع وهو يذكرني بعلم الـ NLP البرمجة اللغوية العصبية

أحد المدرسين كان يقول لنا ( في دورة لتقوية الذاكرة )

حاول أن تربط بين مفاتيح السيارة وحبة الطماطم , فهذا يساعدك على عدم النسيان , لكن أحد الإخوة كان يربط بين ( حماته ) وبين ( شويش النكبات ) فلا ينسى الهم أبداً

تحياتي عزيزي أحمد ... ونأسف على الإزعاج ..

[خيرالدين مهدي]

بارك الله فيك اخي الكريم
فعلا موضوع روعة
وهذا ايضا داخل في العلم الجديد
البرمجة الغوية العصبية
تحياتي لك والسلام عليكم

[alhaidary]

ما ذكرته يا أخي أحمد علي

يطلق عليه علم تداعي المعاني

وهو أساس نظرية جهاز كشف الكذب

تحياتي

[dahoomi]

ماشاء الله موضوع مفيد جدا

[Ahmed Aly10]

ماشاء الله عليكم

جزاكم الله خيراً

علي المرور والردود الكثيرة والجميلة

وهو فعلاً علم يشبه البرمجة اللغوية العصبية

وبإذن الله قريباً سأضع لكم المزيد

كلما يقع تحت يدي شئ جديد

[ahmed hanafy]

ايه الجمال ده يا استاذ احمد
بس انا عندي سؤال؟؟؟؟؟؟؟
ايه العلاقة بين
التفكير الابداعي و الخرائط الذهنيه

[مشاري بن محمد]

موضوع راااائع شكرااا

[Ahmed Aly10]

مشكورين أخواني

للمرور والرد