النتائج 1 إلى 15 من 17
الموضوع: شركات فوركس لها حسابات فى بنوك مصرية
- 18-04-2013, 10:27 PM #1
شركات فوركس لها حسابات فى بنوك مصرية
السلام عليكم ورحمة الله وبركاته
لو سمحت يا شباب ما هى الشركات التى لها حسابات فى بنوك مصرية
استطيع من خلالها السحب والايداع فى حسابى بالشركة
اللى اعرفه هى شركة ويندسور هل من شركات اخرى ؟
تقبلوا خالص تحياتى
- 18-04-2013, 10:34 PM #2
اعتقد شركة Jfd Brokers
- 18-04-2013, 10:35 PM #3
كنت كتبت قبل كده من اسبوعين تقريبا عن الموضوع ده
شركة ايرون ليها حساب في بنك بيريوس مصر بالجنيه والدولار كمان , والايداع بيظهر في ساعة باكثير ، وتقدر تسحب فلوسك او الارباح من الشركة في نفس اليوم من نفس البنك
ياجماعة الخير ان مش بعمل اعلان مجرد رد على اخونا في المنتدى .
تقبل مروريآخر تعديل بواسطة مراقب المنتدى ، 19-04-2013 الساعة 10:16 AM
- 18-04-2013, 10:45 PM #4
- 18-04-2013, 10:56 PM #5
انا اعرف شركتين
شركة سمعتها زبالة وهى ورلد وايت ماركتس جربتهم وهم سيئين للغاية وماركت ميكر وهذه الشركة حسابها فى بنك cib
اما الشركة الثانية فهى شركة ironfx الشركة محترمة لكنها ماركت ميكر ايضا
وهذه الشركة حسابها فى بنك بيريوس بالاسكندرية بجوار البنك المركزى
- 19-04-2013, 04:46 AM #6
- 19-04-2013, 09:53 AM #7
- 19-04-2013, 10:32 PM #8
فالكون بروكرز falconbrokers انصح فيها بشدة الخيار الثاني ironn fx حسب ما اسمع جيدة
- 19-04-2013, 11:48 PM #9
رد:شركات فوركس لها حسابات فى بنوك مصرية
(www.icvector.com)>>> Good Broker recomended for newbieAccount number 957402
- 20-04-2013, 12:06 AM #10
وعليكم السلام ورحمه الله
اهلا وسهلا ياغالى
وندسور عندها بباركليز وبيريوس
- 20-04-2013, 12:17 AM #11
السلام عليكم ورحمة الله وبركاته
اعرف ان رأيي لن يعجب كثيرين و خصوصا الاشخاص التي لها اي بي خاص بالشركات في مصر ..........اي شركه فوركس لها حسابات في بنوك مصريه هي من الاخر كده اي كلام يعني من شركات الدرجه الثالثه ........ فكروا بمنطق شويه الشركات بتستغل جهل الناس وتاخد فلوسهم ...... وانا هاقولكم ازاي ........ اولا اي تحويل لنقد اجنبي او حتي محلي لخارج الدوله يمر بالمراحل الاتيه اولا مكتب السويفت في الفرع وبعد الموافقه علي التحويل يرسل الطلب للفرع الرئيسي للبنك ومنه الي البنك المركزي بعد الموافقه عليه ايضا البنك المركزي بعد اعتماد التحويل يقوم بتحويل المبلغ الي خارج مصر الي هنا نجد ان تحويل الحواله من السويفت الي الفرع الرئيسي يأخذ 24 ساعه والبنك المركزي يعتمد الحواله ويرسل بياناتها للخارج في خلال 24 ساعه ايضا وبذلك يستلمها البنك الاجنبي بعد48 ساعه من ارسالك انت للحواله ويفيد بأن اموالك وصلت له ......... وهذه اسرع حواله بنكيه تأخذ 48 ساعه من مصر وهذا مستحيل ان يحدث لانه الواقع كالاتي وهذا من لسان موظف السويفت في البنك الاهلي وبنك cib وبنك بيروس وبنك hsbc وهي بنوك تعاملت معها واعرف جيدا اجراءات الحواله ........ المهم قال ان التحويل يستغرق في السويفت عنده يوم تقريبا اي انه يرسل بيانات التحويل اليوم لكن مع اغلاق اليوميه اي بعد الساعه الرابعه عصرا علي ما اذكر .....وبذلك لن يتسلمها الفرع الرئيسي الا ثاني يوم اي يكون مضي عليها 24 ساعه وايضا يرسلها الفرع الرئيسي للبنك المركزي في نهاية يوم العمل ايضا وبذلك يكون مر 24 ساعه اخري والبنك المركز في مصر يتأخر في مراجعة بيانات الحواله لذلك تأخذ يومين عنده وبذلك يكون مر علي الحواله اربعه ايام ولم تخرج من مصر اساسا وبعدها اذا ارسلها للبنك الاجنبي مباشرة تصل مع فارق التوقيت بعد 24 ساعه وبذلك تكون مر عليها خمسة ايام عمل بالتمام والكمال ....... وهذه هي اسرع مده لنقل الاموال خارج مصر عن طريق الحوالات البنكيه قد تزيد ولكن لن تقل وهذا الكلام يمكن ان تسأل عنه بكل التفاصيل عند اي موظف خدمو عملاء وتطالبه بالتحدث مع موظف السويفت وهو سوف يقول لك كل ما قلته الان ,,,,,,
والان لنري ماذا تفعل هذه الشركات التي تدعي المصداقية والامانه ,,,,,,,,, بعد ما سبق من معلومات نجد انه بمنتهي البساطه ان اموالك التي اودعتها لدي الشركه لن تكون قد خرجت من مصر في الاساس وهي مازالت هنا في حسابات بنكيه في مصر اذن كيف تقوم الشركه بمنتهي السهوله بأعطائك حساب حقيقي لتتداول عليه ....هذا معناه اما ان الحساب هو وهمي من الشركه تماما ولا يمرر للسوق مطلقا اي ان الشركه هي السوق لك وهنا لا وجود للمصداقيه مطلقا لان في النهاية الحساب هو حساب ديمو وتصبغه الشركه بمسمي الحقيقي لان الاموال لم تذهب للشركه من الاساس او ان الاحتمل الاخر ان الشركه تتطوع وتعطيك فعلا حساب من اموالها الحقيقية وتتاجر به وتنتظر الشركه لحين وصول اموالك لها بعد خمسة ايام عمل ....... وهذا طبعا مبدأ مرفوض لان الشركات تأخذ ولا تعطي الا قسرا ولو لها الخيار لن تعطي احد اي مليم .
اذن في النهاية كل الشركات التي لها حسابات بنكيه في مصر هي شركات هشة واكاد اقول وهمية وهي كلها بلا استثناء تعتمد علي ان المشتركين يخسرون ولن يسحبوا ارباح
وفي النهاية انا جربت احدي هذه الشركات وببساطه قبلت الاموال بمجرد الايداع في حسابهم في البنك و حدثت مشكله في الحساب انه كان ظاهر امامي انه حساب ديمو بالايداع عادي فقلت لماذا هذا الخطأ فبالتليفون قامو بتصليح الخطأ بمعني انه سيرفرات الديمو لديهم هي الحقيقي والامور مختلطه علي بعضها وعند طلب السحب كنت اصر جدا علي ان التحويل يتم علي حسابي البنكي مباشرا الا ان الشركه لم تحول المبلغ علي حسابي البنكي و اجد شخصا يتصل بي من شركة ويسترن يونيون ويقول لي ان لي مبلغ يجب الحضور واستلامه ؟؟؟؟ بالرغم من اصراري الشديد علي ان التحويل يتم عن طريق البنك والاغرب ان الشركه تتدعي ان لها فرعين في تركيا وفي قبرص ..... ولكن الحوالة تأتيني من شخص في الاردن وحتي ليس مكتب للشركه وانما شخص لا اعلم من هو في الاساسا ولماذا يرسل لي هو المبلغ المطلوب تحويله ؟؟؟؟؟؟؟
لذلك من الاخر كده ....... كل الشركات اللي فاتحه حسابات في بنوك مصريه اي كلام و لا انصح بهم مطلقا تحت اي ظرف
اللهم ما بلغت اللهم فأشهدآخر تعديل بواسطة batttot ، 20-04-2013 الساعة 12:24 AM
- 20-04-2013, 01:57 AM #12
السلام عليكم ..
اتمنى من اخوي العزيز قبل ان يتحدث ويكتب ان يقول رأيه الشخصي وليس العام .. لماذا تقول انها شركات وهمية !!! ؟؟؟؟
كلامك من النحية النظرية سليم 100 % , ولكن تجربتك كانت مع شركة تعيسة وغير محترمة ! اذا لا تطبق الكلام على باقي الشركات .
ححاول اشرحلك بطريقة سليمة ومقنعة وأرد على كلامك فقط للنقاش :
اولا هو لازم نبعت حوالة لى برا مصر علشان قلبنا يطمن انك شغال مع شركة محترمة !! ؟؟ طيب ايه المشكلة ان الشركو المحترمة تفتح حساب في مصر ؟؟ هي فاتحة حساب في بنك التسليف الزراعي ولا في البريد المصري ؟؟ اخي العزيز الشركات فاتحة في بنوك عالمية واروبية سواء كان باركليز او بيريوس او سيتي بنك ! يعني لو شركة فاتحة في بنك الاهلى المصري اقولك ماشي اشك يعني مش قلة احترام لهذا البنك بالعكس البنك الاهلى من اكبر بنوك الشرق الاوسط من حيث الاصول والمبالغ المالية الى فيه ( ميزانية مصر فيه ) بس لانه مش عالمي وليس به فروع بي الخارج ! طبيعي ان شركة الفوركس تفتح حساب في بنوك زي بيريوس وباركليز مصر لانهم يوجد عندهم فروع في قبرص بي بساطة شديدة .
يعني ايرون في قبرص عاوزها تفتح حساب في بنك مصر والا القاهرة والا الاهلي !! فاتحة في بيريوس لان بيريوس بنك يوناني وقوي جدا في قيرص ! وباركليز بنك عالمي وله في اي بقعة في الكرة الارضية فرع ..
كلامك صح عن الحواة ومدتها ( خمس او 6 ايام ) ولكن ليس عناه ان الفلوس في مصر ومش بتخرج من مصر , تسمع عن حساب الافشور البنكي ؟؟ ياريت لو مش سامع فيه اسأل عنه .. كل الشركات ده فاتحة حساب افشور في مصر مع بيريوس وباركليز وسيتي بنك , يعني بقدروا يسحبوا الفلوس في اي وقت
بعدين هو الى فاتح الحساب في مصر اي بي ولا الشركة نفسها ؟؟ طبعا هتلاقيها الشركة نفسها ! طيب ايه المشكلة ؟؟ ما انت بتبعت لنفس الشركة بس في قبرص او سويسرا او لندن او اي مكان في الارض ولا علشان بره بقت مضمونة ! بس عندك في مصر لا يبقى نصابين وحرامية ؟؟!!!
هو عيب ان الشركة تسهل على المودعين انها تنزل الفلوس في الحساب في نفس اليوم ؟؟ طيب ما هي فلوسك اصلا بقت في حسابهم يعني مافيش فرق اصلا لما توصلهم بعد يومين ثلاثة ايه المشكلة ؟؟
هتقول يبقى كدى انا ديمو وبشتغل جيم مش حقيقى!!! طيب اصلا واصلا واتحدى اي شخص بمناظرة ان يقول عكس ذالك ( كلنا بنشتغل ديمو او برنامج ام تي 4 ) من الاخر علشان متوهمش نفسك بس .
من حق شركات الفوركس انها تغطيك او لأ وبنسبة 80 % لأ مش بتغطي غير لما تلائي الشخص او العميل بيكسب بصفة مستمرة او كثيرة بس . على فكرة وده قانوني لان الشركة بتخل الماركت بفلوسها وبي فلوسك ايضا يعني من حقها تغطي او لا ..
الخلاصة اخي العزيز ان الشركة المحترمة في الفوركس هي الى لما تكسب على الشاشة وتطلب فلوسك مهما كان الرقم تعطيك وترسلك من جيبها من الماركيت من السلف المهم بتعطي فلوس !
عاوز تشتغل ماركت بي جد وزي الكتاب ما بيقول اتعامل مع البنك مباشرة وسعتها هتجري على شركات الفوركس تاني وتقول سامحوني ان فهمتكم غلط .. لان اتخن بنك في العالم بيعطي رافعة من 1:5 او بالكتير 1:10 ده لما تكون حاطط ملاين اصلا , لو ش مصدق روح وأسأل , بس 1"100 و 1:200 ولغاية 1:500 انت هنا مش ماركت فعلى انت هنا على ماركت الشركة وسعتها انت تحت قوانين لعبة الشركة . يبقى الخلاصة الشركة تعاملتها محترمة تبقى خلاص اتعامل معاها يعني مش نصابة غير كده انسى
حبيت بس اوضح امور كتير وسوري طولت عليكم ..
- 20-04-2013, 02:22 AM #13
مساء الخير
الله ينور عليك اخى كنت لسه داخل اقول السطرين الى بالاحمر دول
خلينا نكون واقعيين ياجماعه وفكرو بالتنازلات الى البروكرات بتقدمها بونص كام بالميه واسبريد اقل من واحد
زى ماقال اخى الكريم اهم شى لما اكسب او اختاج فلوسى الاقيهم بحسابى
وقت الازمه العالميه كان 2008 موقفه ايه فى الازمه
التحويلات اتاخرت او لا سمعتها هنا الى يفرق وخلينى اقولكم بالمنطق كدا
اى بروكر من البروكرات الكبيره الى كلهم ماركت ميكر الى فلوسنا بتتحط بحسابتهم
نسبه العملاء الرابحين بالسوق اتوقع مش ازيد من 20 % من نسبه العملاء لكل بروكر
طيب ال 80% الى بيخسره ويتلكودو دول ففلوسهم فى جيب وحساب البروكر بالمنطق كدا ايه يعنى لما يسدده ارباح ال 20% الربحين من الفلوس الى عندهم من 80% الخاسرنين يسددو ارباح الرابحنين والباقى مكسب بالاضافه لمكسب الاسبريد
فالموضوع موضوع ان الشركه بتسدد وقت الطلب ولا لا
زى بالضبط موضوع السواب والحسابات الاسلاميه ياجماعه الى اعرفه السواب ده بيبقا من البنك على البروكر يعنى البنك لازم ياخد ومحدد سواب معين لما يجى البروكر يشيله ده يعنى ان البروكر بيتحمله وهو الى بيدفعه من جيبه عن العميل وهنا نفترض ان صفقه بقالها سنه هل البروكر هيدفع للبنك سواب الف دولار علشان صفقه ب5 سبيريد!
ياما اصلا الشركه مابتتعملش مع بنك وبالتالى مفيش سواب لان السواب مش على الديمو
*************
موضوع بقا تبقا الفلوس بحسابات فى مصر دى ميزه طبعا بالذات دلوقتى اقدر احط اى مبلغ ولا حد يقول فلوس بره مصر ولا بتاع وفلوسى جوه بلدى
تانى حاجه والذكاء بتاع البروكر انه بيستفاده من عموله التحويل
يعنى مثلا لما بطلب واسحب بياخده على كل عشر الف 10 دولار ده على اساس عموله بنك
والحقيقى ان البنك مابيخدش حاجخ لان الفلوس بمصر وتحويل داخلى من حسابهم الى ببيريوس لحسابى الى بيبريوس الى بمصر برضو وده يعنى انى لما ابعت طلب سحب الف دولار مثلا البروكر بيبعت للبنك تحويل 990 دولار وبيضرب ال10 بجيب البروكر
يبقا هنا البروكر بيستفيد بكل النواحى وفى نفس الوقت مستمر وبيتطور فمن الغباء يحصل النصب
الشركات الى عملت اسم صعب تخسره وتبص تحت رجليها لان مسبهم اكبر بكتير
تحياتى شباب وربنا يحفظ الجميعآخر تعديل بواسطة ابــ آدم ــو ، 20-04-2013 الساعة 02:25 AM
- 20-04-2013, 02:44 AM #14
مشاء الله عليك 100% انت كده فاهم الفولة والزبدة بتاعة اللعبة ..
ياريت بقى الناس ترحم نفسها لما يجي شخص يسأل عن شركة وتلاقى واحد اتنفض من المنتدى ويجاوب : لأ اوعى تروح الشركة ده اصل ماعندهمش حسابات اسلاميه ، والتاني يسأل وتلاقى المنتدى بقاله عشر سنوات بينطرح نفس السوأل كل اسبوع تقريبا : هو المتاجرة في الذهب حرام ولا حلال ! ياشباب يا عالم انت اصلا لما بتشتري لوت او 100 لوت ذهب انت اصلا معكش ربع جرام ذهب في السوق ولا حتى سوق الذهب سامع فيك اصلا ولا بوجودك .. ياريت ترحمونا من السوأل ده .
زي صحبنا العزيز اخ ابو ادم مقال برده الشركة ليها سمعة في الدفع المستمر وعمرها ماتأخرت انت كده تحط فلوسك وانت مطمن وتشتغل وتكسب وتسحب او تخسر , ونتوكل على الله ومدام نيه المتاجر سليمة ويتقبل المكسبوالخسارة يبقى خلاص اتوكل واشتغل وادرس السوق كلاسيكي ا وموجي او حتى فلكي وتنجيم
- 21-04-2013, 01:26 PM #15
فى شركة اسمها فاكون بروكرز لكن بصراحه انا احب الشركات الكبيرة مثل FXDD