الدايفيرجينس ببساطة ..... و استراتيجيات....

[samsam22]

جزاك الله خيرا على الموضوع القيم
و الشرح الأكثر من رائع

اخي الكريم

شكرا علي هذه المشاركة الجميلة

و شكرا علي الدعاء و لك مثله ان شاء الله

جزي الله الجميع كل خير ان شاء الله

و بالتوفيق ان شاء الله

[kamelfo]

مشاركو من ذهب يا صديقي و شرح اكثر من رائع
و اعتقد اني لا ابالغ لو قلت انك اول شخص عربي يشرح هذه النقطة بهذه الطريقة لان هذه النقطة الكثيرين نعدهم لبس فيها
شكرا لك

مشكور الاخ احمد وان شاء الله نصل الى بر الامان من تمنيت متابعة شرح الديفرجنس بهذه الطريقة ندعو الله ان يجعله في ميزان حسناته

[samsam22]

تابع انواع الدايفيرجينس


الاختلاف في القيعان

زي ما قلنا ان عندنا شكلين بيحصلوا لو حدث اختلاف في القيعان

1-دايفيرجينس عادي Regular divergence

و شرحناه و اخذنا امثلة عليه

2- دايفيرجينس خفي Hidden divergence

و نبدأ شرحه الان ان شاء الله

--------------------------------------

الدايفيرجينس الخفي Hidden divergence


بيحدث في حالة الترند الصاعد

و عندها بنلاقي السعر عند نقطة معينة بيعمل هاير لو (قاع اعلي من القاع اللي قبله )

و عند نفس النقطة ا بنلاقي اللمؤشر بيعمل لوور لو ( قاع اقل من القاع اللي قبله)

و زي ما تعلمنا ..لما نرسم الخط بين القاعين علي السعر .. و القاعين المتقابلتين علي المؤشر و لاقينا اختلاف في اتجاه الخطين

واحد متجه لاعلي اللي هو علي السعر ( الترند صاعد)... و الاخر متجه لاسفل علي المؤشر

يبقي زي ماتعلمنا ان ديه حالة دايفيرجينس

---------------------------------

طب احنا هنا نتوقع يحدث ايه ؟

من غير حفظ بالرجوع للقاعدة العامة

بالضبط .. نتوقع حدوث شراء ( طالما فيه اختلاف في القيعان ..نتوقع او نفكر في الشراء )

و الحالة ديه بنسميها دايفيرجينس خفي

-------------------------------------


حاجة تانية عرفناها و بقيت قاعدة علشان ما نحفظش ..احنا قلنا

لم تسمع كلمة ايجابي Positive ..... فكر في عملية شراء ...

و لما تسمع كلمة سلبي Negative ...فكر في عملية بيع

------------------------------------------------

بعد ما عرفنا القاعدة الثانية ... لو اطلقنا اسم تاني علي الدايفيرجينس ممكن نسميه ايه ؟

برافو عليك .. ممكن نسميها دايفيرجينس ايجابي

طب ليه ممكن نسميها دايفيرجينس ايجابي ؟

برافو تاني ... لان القاعدة بتاعة التسمية بتقول اننا لما نفكر في شراء.. نبقه نسميه ايجابي

---------------------

الخلاصة

طب تعالي نلخص الكلام الكثير ده و نقول

يبقي في حالة الترند الصاعد .. و حصل دايفيرجينس في القيعان .

... بنسمي هذا النوع دايفيرجينس خفي ...او دايفيرجينس ايجابي

و عندها نتوقع حدوث انعكاس من القاع التي حصل عندها الدايفيرجينس

... و نفكر في عملية شراء

-------------------

طب لو مش حاتقدر تفتكر الكلام ده كله حتعمل ايه

برافو عليك . . حتفتكر القاعدة العامة وهي

لو فيه اختلاف في القيعان .. يبقي بنتوقع حدوث شراء

-----------------------------

طب انت بتقول نتوقع حدوث شراء.. و السؤال هنا امتي نتوقع حدوث شراء ؟

الجواب .. ده بعد حدوث الدايفيرجينس عند القاع الثاني للسعر ...

اللي عندها السعر عمل هاير لو ( قاع اعلي من اللي قبله )...

و كان مقابل لها القااع علي المؤشر اللي عمل عكسه ..

. و عملت لوور لوو ( قاع اقل من اللي قبله )

---------------------------

طيب .. لحد كده انا فاهم

انه لما يحدث اختلاف في القيعان بين المؤشر و السعر في الترند الصاعد ... بنسميه دايفيرجينس خفي او ايجابي

و فاهم اننا ساعتها بندور علي حالة شراء .. تمام كده..

. طيب السؤال بقي نشتري منين ؟

و الاجابة هنا ..

.ده حانتكلم عنه بالتفصيل الممل قدام شوية بعد ما نخلص ان شاء الله شرح انواع الدايفيرجينس

-----------------------

و مرة اخري احب اوضح ان الكلام الكتير ده كله مش لازم تحفظه

بس افتكر مرة اخري القاعدة العامة اللي هي

الاختلاف في االقيعان .. يبقي فيه احتمال لعملية شراء

----------------

مرفق شرح للحالة الاولي

شرح تفصيلي

و صور من الشارت توضح حالة دايفيرجينس خفي او ايجابي

---------------------

يتبع

[samsam22]

تابع انواع الدايفرجينس

ملخص للاشكال التي تم شرحها


الحمد لله احنا كده شرحنا 4 اشكال من الدايفيرجينس

وقسمنا الاشكال حسب اختلاف في القمم ...او اختلاف في القيعان

----------

و قلنا ان هناك نوعين عند حدوث اختلاف القمم

1- دايفيرجينس عادي 2- دايفيرجينس خفي

--

و بالمثل عند اختلاف القيعان فيه برضه نوعين

1- دايفيرجينس عادي 2- دايفيرجينس سلبي

------------------------------------------------------

- طب اللي حينسي الاسماء او النوع حيعمل ايه

- تمام برافو عليك حيتذكر القاعدة العامة

- طب انت لسة فاكر القاعدة العامة

- ايوة فاكرها

لما يحدث اختلاف في القمم نفكر في عمليات بيع .. و لما يحدث اختلاف في القيعان نفكر في عمليات شراء

- تمام الله ينور عليك

----------------------------------------

- طب لو حابب تفتكر الاسماء علشان لما تتكلم مع حد .. تعرفه انك فاهم و تعرف الاسماء و انك مش سهل في الفوركس عارف تعمل ايه؟

- اعمل ايه ؟

- اقولك علي حاجة سهلة لحفظ الاسماء .. بس صحصح كدة معايا
انت لما بتيجي تفكر في ترند صاعد .. الطبييعي او العادي او ال Regular بتفكر او تبص لايه الاول؟

- العادي او الطبيعي ببص الاول علي القمم

- الله ينور عليك .. بتفكر في القمم وده العادي او الطبيعي
يبقي خليها عندك قاعدة في حالة الترند الصاعد ...و اللي طبيعي او العادي انك تبص الاول للقمم .
لو حدث اختلاف في القمم بين المؤشر و السعر يبقي تسميه داييفيرجينس عادي
و لو حصل اختلاف في القيعان بين المؤشر و السعر يبقي ده النوع الثاني الخفي و تسميه دايفيرجينس خفي ..تمام كدة

- تمام يعني في الترند الصاعد علشان الطبيعي او العادي اننا نبص للقمم الاول
يبقي اختلاف في القمم يبقي دايفرجينس عادي...و لو فيه اختلاف في القيعان ييبقي النوع الثاني اللي هو دايفيرجينس خفي

- تمام الله ينور عليك

- يبقي علي كلامك ده .... كده في حالة الترند الهابط ..اللي الطبيعي او العادي اننا نبص للقيعان الاول
يبقي لو حدث اختلاف في القيعان بين المؤشر و السعر يبقي ده دايفيرجينس عادي
و لو حدث الاختلاف في القمم بين المؤشر و السعر يبقي النوع الثاني الخفي .. قصدي الدايفيرجينس الخفي

- ياعم خلاص انا ماشي و مش حاكمل شرح .. ايه الكلام الكبير ده ... ده انت حقك تكمل الشرح مش انا.. تمام كدة .. حقيقي الله ينور عليك

--------------------------------------------------

طب تعالي نلخص الكلام الكتير ده

لو عايز تفتكر الاسماء

قسم الدايفيرجينس لقسمين

الاول دايفيرجينس الذي يحدث في ترند صاعد

و الثاني دايفيرجينس الذي يحدث في ترند هلبط

و بعدين

في الترند الصاعد ( اللي احنا العادي بنبص فيه الاول علي القمم )

لو حصل اختلاف في القمم بين المؤشر والسعر.... يبقي ده دايفيرجينس عادي

و العكس لو حصل اختلاف في القيعان بين المؤشر و السعر.... يبقي ده دايفيرجينس خفي

---

و في الترندالهابط ( اللي احنا العادي بنبص فيه الاول علي القيعان )

لو حصل اختلاف في القيعان بين المؤشر والسعر... يبقي ده دايفيرجينس عادي

و العكس لو حصل اختلاف في القمم بين المؤشر و السعر... يبقي ده دايفيرجينس خفي

--------------------------------------

و لومش عايز تحفظ ده افتكر القاعدة العامة اللي هي

اختلاف في القمم نفكر في بيع ... اختلاف في القيعان نفكر في شراء

-----------------

و الان اترككم في رعاية الله

و اذا اراد الله .... لنا عودة ان شاء الله

بالتوفيق ان شاء الله

[samsam22]

تابع انواع الدايفيرجينس


مثال حديث اليوم علي ال NZD / USD


مثال جميل يوضح حالتين من الدايفيرجينس علي ال NZD / USD

من غير تعقيد و حفظ اسماء

1- دايفيرجينس علي قمم .. و منها حدث هبوط للسعر

2- دايفيرجينس علي قيعان ...و منها حدث صعود للسعر

-------------
مرفق الشرح علي الصور

و لو فيه اي حد مش عارف يطلع الدايفيرجينس من علي الشارت .

ممكن يسأل ..او ينزل امثلة.. و لو فيها شئ غلط

نحاول نصححه و نتناقش فيه مع بعض قبل ما نكمل الشرح

--------------------

اترككم الان مع المثال و الشرح

و اذا اراد الله ... لنا عودة ان شاء الله

بالتوفيق ان شاء الله

[ابو محمد 2008]

بارك الله فيك أخي وياليت تكمل الشرح على ماذا تعتمد على غير الديفريجنس للدخول

[samsam22]

بارك الله فيك أخي وياليت تكمل الشرح على ماذا تعتمد على غير الديفريجنس للدخول

الاخ الكريم
ابو محمد

شكرا علي دعائك و لك مثله ان شاء الله
و سنكمل الشرح قريبا بأذن الله

الدخول يعتمد علي موقع الدايفيرجينس واشارات اخري
سيتم شرحها قريبا ان شاء الله

بارك الله للجميع

شكرا اخي الكريم علي المشاركة
و بالتوفيق ان شاء الله

[samsam22]

تابع - انواع الدايفيرجينس


مثال حديث اليوم عن الاختلاف في القمم


مثال حديث لسة منتهي حالا علي GBP / USD بتاريخ 19 فبراير 2013


مرفق ايضا حالة دايفيرجنس حديثة علي GBP /USD



علي فريم 30دقيقة


و حدث انعكاس من القمة

و ارتد السعر اكثر من 60 نقطة

------------------------------

هذا مثال فقط للشرح

و الدخول يكون باشياء اخري بالاضافة للدايفيرجينس

و سنتحدث عنها لاحقا ان شاء الله

----------------------------

اترككم الان مع الصور و الشرح

اترككم في رعاية الله

و اذا شاء الله .... لنا عودة ان شاء الله

بالتوفيق ان شاء

[ابو محمد 2008]

الاخ الكريم
ابو محمد

شكرا علي دعائك و لك مثله ان شاء الله
و سنكمل الشرح قريبا بأذن الله

الدخول يعتمد علي موقع الدايفيرجينس واشارات اخري
سيتم شرحها قريبا ان شاء الله

بارك الله للجميع

شكرا اخي الكريم علي المشاركة
و بالتوفيق ان شاء الله

يا مرحبا بك

ماهو رأيك بالأسترالي

AUD / USD

فريم النصف ساعة
بيع

[dani]

السلام عليكم اخي الفاضل
ارجو التصحيح

[dani]

يرجى شرح الاختلاف بين الحالتين

[samsam22]

يا مرحبا بك

ماهو رأيك بالأسترالي

AUD / USD

فريم النصف ساعة
بيع

الاخ الكريم

ابو محمد

ما شاء الله عليك

فرصة صحيحة ...و الشارت جميل

ارفقت شارت 30 دقيقة .. و اخر 15 دقيقة

و ان شاء الله حانحاول نستخدم المثال ده لاحقا ...لشرح احدي طرق الدخول

----------------

ملاحظة هامة

جميع الامثلة هنا او الفرص للشرح و التوضيح فقط و ليست توصيات

و لا انصح اي متابع بدخول فرص او توصية سواء مني او من اي عضو اخر

-----------

بالتوفيق ان شاء الله

[samsam22]

السلام عليكم اخي الفاضل
ارجو التصحيح

اخي الكريم

ما شاء الله

الفرصة علي ال CCI صحيحة

بالتوفيق ان شاء الله

[samsam22]

يرجى شرح الاختلاف بين الحالتين

اخي الكريم

ما شاء الله ... مثال اخر جميل

الحالتين متشابهتين .. و هو اختلاف في القمم .. و دايفيرجينس سلبي لكل حالة منفردة

و الحالتين مع بعض بيطلق عليهم دبل دايفيرجينس Double divergence

و ان شاء الله حيتم شرحها لاحقا

و مثالك ده مبني عليه استراتيجية او طريقة دخول و اسمها 1..2..3 و ان شاء الله حنشرحها في ميعادها

شكرا مرة اخري اخي الكريم

علي هذا المثال الجميل .. و المشاركة الهادفة

بالتوفيق ان شاء الله

[samsam22]

تابع انواع الدايفيرجينس


مثال حديث لسه منتهي حالا 20 فبراير 2013

علي ال يورو / دولار EUR/USD


مثال لسه منتهي حالا يوضح نوع جديد من الدايفيرجينس

و هو ال Flat divergence

و حيتم شرحها باذن الله .. علي هذا المثال

--------------

الحمد لله .. حققت الصفقة 50 نقطة

و اقصي هبوط كان 75 نقطة

----------------

اترككم الان مع الصور و الشرح

و اذا اراد الله ... لنا عودة ان شاء الله

بالتوفيق ان شاء الله