الخروج الآمن و الدخول الآمن للدكتور نصار

[dr.nassar86]

لو عايز مني نصيحه إتعلم إنجليزي أحسن

[ahmed hanafy]

لو إنت بتكلم عن اللغه إيه الي دخلك الفوركس أساساً وهو كل حاجه فيه بالإنجليزي مكنت تخش البورصه المصريه

عفوا يا دكتور
انت كدة تزعل الناس منك !
احنا مجموعة من الناس ما نعرفش انجليزى كويس . بس داخلين الفوركس . و فى اخوان لينا فى المنتدى بيعلمونا باخلاص و بالعربى ......
اخويا الدكتور نصار
انا واثق انك هتكون واحد منهم
"من كان لديه فضل علم ..........الحديث الشريف "
اشكرك على سعة صدرك لردى
تحياتى و امتنانى

[dr.nassar86]

ملخص العمليات على اليورو دولار
العمليه الأولى : الدخول 1.2840 و الهدف 1.2870 و الستوب متحرك 30 نقطه
العمليه الثانيه : الدخول 1.2840 و الهدف 1.2910 و الستوب عند تحقيق الهدف الأول عند 1.2870
العمليه الثالثه : الدخول 1.2840 و الهدف 1.2930 و الستوب عند تحقيق الهدف الثاني عند 1.2910

[ahmed hanafy]

اشكرك اخى و جارى التنفيذ

[dr.nassar86]

أنا مش قصدي أزعل حد بس الواحد علشان ينجح لازم يقرأ كثير و إنت إزاي هتقرأ لو كل حاجه بالإنجليزي

[aboali]

ملخص العمليات على اليورو دولار
العمليه الأولى : الدخول 1.2840 و الهدف 1.2870 و الستوب متحرك 30 نقطه
العمليه الثانيه : الدخول 1.2840 و الهدف 1.2910 و الستوب عند تحقيق الهدف الأول عند 1.2870
العمليه الثالثه : الدخول 1.2840 و الهدف 1.2930 و الستوب عند تحقيق الهدف الثاني عند 1.2910

شكرا اخى على هذا المجهود
وجعله الله فى ميزان حسناتك
ابو على

[ahmed hanafy]

أنا مش قصدي أزعل حد بس الواحد علشان ينجح لازم يقرأ كثير و إنت إزاي هتقرأ لو كل حاجه بالإنجليزي

اشكرك للاهتمام و الرد
و طبعا انا متأكد انك مش عايز تزعل حد
و بالنسبة لموضوع اللغة دى رسالتك يا دكتور تعلمنا
و يسعدنى جدا ان اكون تلميذك
تحياتى

[عبده المصرى]

لو إنت بتكلم عن اللغه إيه الي دخلك الفوركس أساساً وهو كل حاجه فيه بالإنجليزي مكنت تخش البورصه المصريه

اخى العزيز الدكتور نصار
اسمح لى اخى الكريم ان اعترض بشدة على طريقة ردك الجارحة اود ان أسألك فى بداية كلامى اذا كان الله سبحانه وتعالى قد من عليك من العلم الفوركسى كما تشاهد اخى الحبيب المهندس حسام العزبى والاخ الفاضل الكريم سمير صيام والعالمة المبجل الدكتور حسن السيد والخبير الفاضل متيم اليورو وعلى فكرة هؤلاء من بعض من المصريين ولا ذكرت من اخوانى العرب الذين لهم صولات وجولات واعتبرهم دكاترة فى الفوركس فاذا من الله عليك بجزء من هذا العلم فكيف سيكون ردك ساعتها علينا.
سأضرب لك مثلا صغير فأنا ساقط ابتدائية قديمة وعلى الرغم من ذلك ابنتى سوف تتخرج دكتورة ان شاء الله تعالى السنة القادمة وابنى ان شاء الله تعالى بهندسة الكترونيات وانا والحمد لله اعتبر نفسى ناجح بالفوركس بنظريتى انا على الرغم من اننى ضعيف جدا جدا فى اللغة الانجليزية.
ثالثا اخرى الكريم هل تعلم اذا كنت مسلم انه يوجد بالاسلام زكاة عن العلم.
رابعا هل تعلم اخى الكريم ابوعبدالله قائد فريق المليون كنت ارسل له عن طريق الايميل او الماسنجر والله ساعات 3 صفحات او اكثر بالانجليزى وفى ظرف ساعة على الاكثر اجد منه الترجمة ورد كمان من خبرته.
خامسا لو تصفحت صفحات المنتدى ستجد الاخوة يتسارعون لمساعدة اخوانهم المبتدئين والله وساعات كثيرة على حساب مصلحتهم الشخصية.
سادسا وده اهم ما بالموضوع انك طلبت منه التوجه للاستثمار بالحرامية المصرية وان كنت تعلم او لا تعلم بأحوال البورصة فأنا يا عزيزى وحدث ولا حرج خرجت بخسارة 186الف جنيه كل رأس مالى الذى تغربت وشقيت به سنين من جراء عدم الشفافية واللعب من تحت الترابيزة فإذا خسر هذا الشخص بسببك فماذا يقول لك ضميرك ساعتها فبدلا من ان تمد له يد العون قدمت له باب الخراب.

ارجو ان تسامحنى اذا قلت بكلمة اخطأت بها فى حقك بدون قصد

[dr.nassar86]

طيب يا أخ عبده المصري إنت مشكلتك زي مأنا فهمتها من البدايه إنك مش بتعرف خطوط الدعم والمقاومه صح ؟ لو كلامي غلط أرجو التصحيح .

لو على خطوط الدعم والمقاومه العمليه سهله أنا ممكن أكتبها ليك كل فتره هنا إن شاء الله

[dr.nassar86]

أنا هرمز لخط المقاومه بالرمز R
وهرمز لخط الدعم بالرمز S
معى العلم أن كل خط مقاومه يتم إختراقه يصبح خط دعم و العكس صحيح
R3:1.2930
R2:1.2910
R1:1.2870
S1:1.2810
S2:1.2790
S3:1.2750
دي كانت خطوط الدعم و المقاومه للفتره الأمريكيه ليوم 8/8/2006

[عبده المصرى]

طيب يا أخ عبده المصري إنت مشكلتك زي مأنا فهمتها من البدايه إنك مش بتعرف خطوط الدعم والمقاومه صح ؟ لو كلامي غلط أرجو التصحيح .

لو على خطوط الدعم والمقاومه العمليه سهله أنا ممكن أكتبها ليك كل فتره هنا إن شاء الله

اخى الدكتور الفاضل نصار الاخ الذى سأل عن خطوط الدعم والمقاومة ابن مصر ولكن ردك عليه هو اللى زعلنى قوى.

[dr.nassar86]

طيب أنا آسف ليك و للأخ ابن مصر

[عبده المصرى]

طيب أنا آسف ليك و للأخ ابن مصر

ياخى سامحك الله الموضوع مش مستاهل حصل خير

[ahmed hanafy]

اسناذ عبده
انت نسيت العزومة

[بسطويسي]

اسناذ عبده
انت نسيت العزومة

((بس لو مكنتش تحلف))

وبعدين انت فين يا ابو حنفي قعدت تقولي اوعى تتوه في السكة ورحت الاستراحة وقعد اصوت لما اتنبح صوتي