TOP SECRET ... needs to be tested in 99 percent

**dawns_mist** · 29-10-2012, 07:06 AM

السلام عليكم يا شباب ..
و كل عام و انتم بخير ..
عندي إكسبيرت كنت شغال بيه مع صديق غالي عليا و كان أصله روسي .. عملنا بيه أحسن شغل بصراحه في 2009 و يمكن أنا لحد النهارده ماشوفتش أرباح زي أرباح الفترة دي .. لكن حصلي مشاكل مع أكتر من بروكر بسبب إنه إكسبيرت اسكالبينج .. بالرغم من إنه قانوني جدا ، ولا بيعتمد على الهيدج ولا المضاعفات ولا بيعتمد على فرق التسعير ولا بيفتح الصفقة و يقفلها في أقل من دقيقتين .. كله قانوني جدا و كمان مطابق لشروط الفايفو .. بس هو ده الحال زي ما اغلب المضاربين القدام عارفين مع البروكرات لما بيشوفوا الحسابات بيتضاعف مرات و مرات أمام عيونهم ....

خلاصة الكلام .. الإكسبيرت ده و معاه أكتر من 6 إكسبيرتات تانية أنا كنت وقفت الشغل بيهم من بداية 2010 لحد دلوقتي .. لكن رجعت حنيت لهم .. و دورت على بروكر سبريده قليل و تنفيذ سريع ، و حظي وقعني في إكسنس البروكر الروسي .. سألت عنه قالولي سمعته حلوه .. بحثت عن الريتينج بتاعه و الريفيوهات لاقيتها تمام .. جربته باكتست على الإكسبيرتات .. لاقيته رائع مع السبريد القليل ده .. جربته ديمو لاقيته شغال برضه كويس مش وحش .. لكن أنا محتاج أعمل باكتست 99 لليورو فرانك على إكسنس ضروري علشان أطمن أكتر لإني هشغل عليه حسابات كبيرة .. و محتاج باكتست من 2008 لحد دلوقتي ..

الإكسبيرت ده المفترض إنه على سبريد 2 نقطة على اليورو فرانك يطلع معايا أرباح مهولة ... على الباكتست العادي مستحيل يطلع خسران ولا شهر ... محتاج باكتست 99 ضروري للاطمئنان لإني متأكد إن النتايج على باكتست 99 هتكون مختلفة نسبيا .. لكن أملي إنها تكون متقاربة

الباكتست مش هقدر أقولكم بيطلع معايا أرباح كام علشان ماكونش بغرر بيكم .. لكن أنا أرفقت ليكم صورة من باكتست سريع بدون الوصول لأفضل الإعدادات ... و أوعدكم لما نخلص الباكتست و الاختبارات كلها هنزلكم أفضل الإعدادات و الأزواج و كل الملاحظات لإن الإكسبيرت ده أكتر إكسبيرت أنا اشتغلت عليه .. هو صحيح مش برمجتي .. لكني فاهمه كويس أوي و كمان عدلت على الكود بتاعه أكتر من مرة لحد ما وصلته للمستوى ده ..

صورة من الباكتست في المرفقات .. و بس مستني حد من الحبايب يقولي إنه نزل الداتا 99 % جاهزة للتست على إكسنس و هنزل الإكسبيرت و الإعدادات و كل شيء و هنجربه مع بعض على أكتر من بروكر كمان ...

لو حد فيكم عنده بروكر متوسط السبريد لليورو فرانك عليه أقل من 2 نقطة و مايكونش بياخد كوميشنات و كون بروكر محترم يقولنا يا شباب ..

و ياريت كمان اللي ينزل الداتا يعرفها على منصة إكسنس و منصة آي آم إف إكس
exness - imfx

منتظر الاهتمام ... و أنا مش ببخل على حد و مش هبخل على أي حد بإذن الله لكني نزلت الإكسبيرت ده قبل كده في 2009 و ماحدش اهتم .. و أيام ماكنت أنا بعمل ارباح منه كان كل اللي بيشوف المواضيع بتاعتي بيتريق عليا و على الإكسبيرت !!!

**dawns_mist** · 29-10-2012, 07:19 AM

ده باكتست مرفق كامل لآخر شهر تقريبا
و عموما أنا ممكن أنزلكم باكتست على أكتر من زوج و أكتر من منصة و أكتر من إعدادات و كلهم أرباحهم عالية جدا ماشاء الله .. بس لازم الأول نطمن لتنفيذ البروكر

منتظر حبايبنا محترفي لعبة الداتا علشان ماعنديش وقت أبدا أنتظر بالساعات جنب اللاب توب للتست .. إيديكم في إيدي يا شباب

**forex angel** · 29-10-2012, 07:56 AM

انا بشتغل مع بروكر بياخد 2 نقطه عاليورو واحيانا اقل ... وانا جاهز للاكسبرت ... نزلو نشوف حيعمل ايه .. وايه النتايج على ارض الواقع ...

وهو ليه بتقول انه حنتريق عليك ... بالعكس حتى لو كان اكسبرت مش قد كده انتا كل واحد واللي عندو
مع انه النتايج هايله عندك ....

يعطيك العافيه ... بانتظار الاكسبريت

**Focus** · 29-10-2012, 02:34 PM

أكسنس شركة روسية ممتازة ..لكن أنا شايف أن فوركس جين كابيتال أفضل منها بكتير والأسبريد تريبا متشابة .وكمان فوركس لها وكيل عربى فدة بيديك أطمئنان برضو أن لو لقد الله حصل أى حاجة ..الوكيل العربى هيبقى معاك وكلامى طبعا عن تجربة

بالتوفيق

**kira-h** · 29-10-2012, 10:16 PM

أنا جاهز لعمل الباكتيست العالي الجودة بمنصة أمانة كابيتال سبريد تابث 3 نقاط لليورو فرنك والرافعة 100
إذا جاءت النتائج جيدة فأكيد ستكون النتائج أفضل وممتازة بـ سبريد أقل ، لكن الأهم ما في موضوع السكالبينغ سرعة تنفيذ الأوامر
بالتوفيق

**Kamelll28** · 30-10-2012, 12:49 AM

أقدر أعملك باك تست 99 على منصة ألباري

**Kamelll28** · 30-10-2012, 12:50 AM

لكن أين هو الإكسبيرت ؟؟

**adel600** · 30-10-2012, 01:24 AM

وانا مستعد لتيست 99% على منصة atc brokers السبريد لايتجاوز 1 pip

**dawns_mist** · 30-10-2012, 06:34 AM

يا جماعة الله يكرمكم أنا عارف انا بقول إيه ... مدام عندكم داتا اليورو فرانك مش هيكون صعب عليكم نعرفوها على منصة إكسنس
أنا محتاج باكتست 99 على منصة إكسنس على زوج اليورو فرانك فقط
فريم الربع ساعة و الخمس دقايق
و كده كده الإكسبيرت فيه فلتر للسبريد .. لكن المشكلة إنه بيفرق معاه كل صغيرة و كبيرة في تنفيذ المنصة .. و حساس جدا لكل شيء
علشان كده عايزين باكتست مايخرش المياه يا شباب

**dawns_mist** · 30-10-2012, 06:54 AM

ده الإكسبيرت يا شباب .. على اليورو فرانك بس .. هنخلي التوقيت من 21 - 20 علشان يشتغل طول اليوم .. هنخلي الستوب لووز 15 و التوب بروفيت 15 .. هنخلي الريسك 50 .. هنخلي أقصى سبريد 2 ... يلا عايز أشوف باكتست 99 ولو على شهر واحد الله يكرمك بس على إكسنس ... مش عايز أي منصة تانية .. و اعذروني لإن وقتي صعب جدا الفترة دي .. يادوب ساعة بعد الفجر اللي بعرف أدخل نت فيها ... أشوفكم على خير

**dawns_mist** · 30-10-2012, 07:03 AM

ده ملف الإعدادات علشان ماحدش يقول إني سيبته تايه
و عموما يه إعدادات كتير ناجحة
و الإكسبيرت مفتوح يا جماعة يعني شغال مدى الحياة

**gashaweb** · 30-10-2012, 02:26 PM

قمت بتركيب الاكسبريت على منصة Forex . com
سأوافيك بالنتيجة

**Kamelll28** · 30-10-2012, 02:37 PM

المشاركة الأصلية كتبت بواسطة dawns_mist

ده الإكسبيرت يا شباب .. على اليورو فرانك بس .. هنخلي التوقيت من 21 - 20 علشان يشتغل طول اليوم .. هنخلي الستوب لووز 15 و التوب بروفيت 15 .. هنخلي الريسك 50 .. هنخلي أقصى سبريد 2 ... يلا عايز أشوف باكتست 99 ولو على شهر واحد الله يكرمك بس على إكسنس ... مش عايز أي منصة تانية .. و اعذروني لإن وقتي صعب جدا الفترة دي .. يادوب ساعة بعد الفجر اللي بعرف أدخل نت فيها ... أشوفكم على خير

ممكن أخي الكريم ترفق الإكسبيرت بصيغة

mq4

**dawns_mist** · 31-10-2012, 12:11 AM

يا جماعة الخير بالله عليكم أنا بقول كلام واضح ... بروكر إكسنس فقط .. مش عايز أي حد يقولي هجربه على بروكر تاني .. من فضلكم
اللي عنده بروكر تاني كويس يقولي عليه و أنا هقولكم هل ممكن نجربه على البروكر ده ولا لأ ..

**dawns_mist** · 31-10-2012, 12:14 AM

الإكسبيرت مفتوح الكود علشان الناس اللي طلبته

الموضوع: TOP SECRET ... needs to be tested in 99 percent

أدوات الموضوع

TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

رد:TOP SECRET ... needs to be tested in 99 percent

الاوسمة لهذا الموضوع

عروض شركات الفوركس