صفحة 1 من 11 1234567 ... الأخيرةالأخيرة
النتائج 1 إلى 15 من 164
  1. #1
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي وجهة نظري بخصوص السوق وطرق المتاجرة المختلفة + دعوة للمليون

    السلام عليكم

    كان الاخ عماد طرح موضوع للتصويت لافضل طرق المتاجرة

    و قمت بوضع ردي عليه

    و فضلت ان يطلع عليه الاعضاء ففكرت ان اطرحه في موضوع منفصل


    وكان هذا نص الرد بتاعي

    ***************************************
    موضوع جميل و نقاشات اجمل يشوبها بعض الشوائب ولكن هذا طبيعي فنحن بشر

    هذه قناعتي الشخصية :

    كلامي سأقسمه لاقسام :

    1- الي الاخوة اصحاب الفلكي و جان و الزوايا و ( اي طريقة تعتمد في اساسها ان للسوق قانون ثابت يحدد حركته علمه من علمه و جهله من جهله )
    اقول لكم
    دعكم من التعصب لطرقكم وحاولوا ان تكسروا القيود التي تاسرعقولكم فما تبحثون عنه غير موجود

    لماذا ؟؟
    الفلكي مثلا : دلوقت بتقولو لكل حاجة قانون و ان الاجرام السماوية ماشية بنظام و ان الانسان كان جاهل بيها و لما اتعلم واكتشف قوانينها بقي بيحدد حركتها قبل ما تحصل
    ده كلام جميل بس هما عشان يحطوا قانون لتحديد حركتها حددوا الاول كل العوامل المؤثرة علي هذه الحركة ووضعوها في القانون و في اي وقت يعوزوا يحددوا مكان كوكب او اي حاجة في المستقبل بيجيبوا القانون ويعوضوا الرموز بالقيم الحسابية الموجودة عندهم تطلع لهم النتيجية بكل دقة

    والي اصحاب جان : انتوا بتقولوا ان جان عنده طريقة او قانون لتحديد وتوقع حركة السوق صح كدة ؟؟

    طيب هرد رد فرعي عليكم و بعد كدة الرد الاساسي لكم انتم والفلكيون

    دلوقتي انا قريت و سمعت كتير ان جان بيقول انه طريقته في اواخر حياته فقدت بعض من قوتها بسبب تدخل البشر في السوق

    و لما نعرف ان جان ده كان من زمان قوي (( اوائل القرن العشرين ))

    و لما نعرف انه من عشرين سنة بس كان يقال علي من يستعملون التحليل الفني مشعوذين ومجانين ( حسب كلام مارك دوجلاس)
    طب شوفوا دلوقتي العالم كله بيستعمل التحليل الفني و بيتطور يوم بعد يوم كل ده حصل في عشرين سنة بس

    فبفرض ان جان وصل للسر وهو بنفسه قال السر بدأ يفقد قوته و شوف عدي كام سنة من ساعة الكلام ده و شوف تركيبة السوق و نظامه و مفاهيمه و مبادئه تغيرت الي اي درجة و اسأل نفسك ... هل السر هيفضل فعال بعد كل ده ( طبعا ده بفرض ان السر اتعرف كاملا ) ؟؟؟؟

    نأتي للرد الشامل : و ردي هذا لمن يقول عندي طريقة لا تخسر ابدا او قانون السوق لا يحيد عنه ابدا سواء كان جان او زوايا او فلكي اورقمي اوكلاسيك ايا كان

    حتي نستطيع ان ننشئ قانون او قاعدة لتحديد شئ ما مستقبلا لابد اولا و ان نحدد كل العوامل المؤثرة في حركة هذا الشئ ( دي ابسط قواعد العقل و المنطق و الفيزياء )

    نأتي للفوركس لماذا تتحرك العملات و من يحرك العملات ؟؟
    تتحرك العملات بسبب الفرق بين العرض و الطلب
    و الذي يحرك العملات هم مجموعة من البشر

    اذن لتحديد حركة عملة ما لابد و ان نحدد كل العوامل المؤثرة في حركة العملة

    هنا هينط واحد متسرع و يقولي كلامك صح ياعم زيلينكو لازم نحدد الوضع الاقتصادي للعملة

    هاقوله لا غلط هيقولي خلاص نحدد العملة فنيا ... برضه غلط
    العوامل المؤئرة هنا ليست التحليل الاساسي و لا الاقتصاد و لا الفني و لا الكلاسيكي

    العوامل المؤثرة هي كل انسان ارسل اوردر الي احواض السيولة

    ايوة ما تستغربش من الاجابة

    هو السعر بيتحرك ليه ؟؟

    بسبب انه فيه ناس بعتت اوامر شراء و ناس بعتت اوامر بيع لاحواض السيولة و الاكتر هو اللي السوق بيمشي في اتجاهه

    يبقي عشان سيادتك تقدر تقولي كمان اسبوع السعر هيروح هنا و يجي من هنا و هايقف هنا و هيطلع من هنا بنسبة 100% او حتي 95%

    لازم سيادتك تكون عارف الاستراتيجية المتبعة عند كل انسان يرسل اوامر بيع و شراء لاحواض السيولة سواء كانت بنوك او مؤسسات او افراد

    لو لم تحقق هذا و قعدت تقوللي من هنا للصبح انا محدد حركة السعر من قبلها بشهر انا راسم حركة السعر من الاسبوع اللي فات هقولك ربنا يهديك


    طب ازاي الناس بتكسب و هي دي النقطة المهمة جدا اللي لو الواحد اقتنع بيها هتساعده جدااااااااااااااااااااااا

    دلوقتي احنا مين في السوق ده ؟؟
    retail traders
    هو ده اسمنا ( تجار التجزئة ) يعني الناس الصغيرة اللي اوردراتها ما تقدرش تواجه اوردرات الحيتان الكبار مثل البنوك
    طيب احنا بنستعمل ايه ؟؟

    بنستعمل كل الحاجات و الطرق اللي صاحب الموضوع طرحها للتصويت ( كلاسيك و اليوت و شموع ومؤشرات و رقمي وفلكي وجان و زوايا وماركت بروفايل و فوليوم و..... الخ ))

    و كلهم فيهم مكاسب و خساير وكلهم جواهم افرع فرعية كتير في العلم الواحد

    المهم

    كل الطرق دي عبارة عن نماذج و ليست قوانين
    و احنا كل شغلنا عبارة عن نماذج و كل الطرق و الاستراتيجيات عبارة عن نماذج تم ملاحظتها

    يعني ايه ؟؟ مش مفهمومة الحتة دي

    بص يا سيدي الكلاسيكي مثلا : دخلوا بيع لان الترند اتكسر لتحت ؟؟ طب ليه ياجدعان هو فيه قانون بيقول كدة ؟؟

    هيقولوك لأ بس احنا لاحظنا انه لما بيتكسر لتحت السعر بيكمل نزول و ده يعتبر نموذج مش قانون

    بتوع الهارمونيك : دخلوا شراء بعد تكون الفراشة طب ليه ياجدعان هو فيه قانون بيقول كدة ؟؟هيقولك لا بس احنا لاحظنا انه بعد الفراشة السعر بيطلع

    بتوع الماركت بروفايل : احنا داخلين بيع عشان البوينت اوف كونترول اتكسرت لتحت طب يا جدعان فيه قانون بيقول كدة هايقولك لأ لاحظنا .......

    بتوع المؤشرات : دخلنا شراء عشان الموفنجات تقاطعت لفوق طب فيه قانون يقولك لا لاحظنا ....

    و بتوع جان : لو قالوا : انه دخل شراء مثلا لانه لاحظ ان السعر بيحترم الاداة الفلانية و او مربع التسعة او ايا كان الاداة المستخدمة هنا انا احترم تحليله و اقدره بغض النظر عن مدي قوة او ضعف هذا النوع من التحليل
    اما لو قاللي ان السعر لازم ينزل من هنا لان مربع التسعة و مرواح جان بتقول كدة .. هنا بقي اقوله مع السلامة و القلب داعيلك
    و نفس القصة لو بتوع الفلكي و الزوايا او اي قسم يدعي انه قادر علي التنبا بحركة السعر مش هقول 100% لا 90% اللي هيقول كدة انا هاعتبره بيضحك علي نفسه



    وهكذا بالنسبة لكل الطرق اللي بنستعملها

    طب اذن الحل ان احنا نعرف الحيتان شغالين ازاي

    و هنا فيه نقطة تانية قبل ما اجاوب

    انتوا فاكرين البنوك و المؤسسات الكبيرة بتشتغل بالهبل بتاعنا ده ؟؟
    انتوا مفكرين انهم ماعملوش باك تست لكل الطرق بتاعتنا دي سواء كسر ترندات ودعوم و مقاومات وهارمونيك و مؤشرات وموجات ...الخ

    لا طبعا لازم نفهم كدة و لو حد مثلا فاكر انه عنده معادلة وصلها و كدة او لدنيا تمام يبقي بيحلم كانت عملتها البنوك
    اللي عندها فاينانشيال انجينيرز مرتب الواحد منهم ممكن يوصل لنصف مليون دولار شهريا و اجهزة كمبيوتر ممكن تعملك مليون باك تست في ثانية واحدة لمليون مؤشر او اكسبيرت او معادلة من اللي الميتاتريدر التعبان بتاعنا بيعمل الواحدة في ساعات

    المهم الناس الكبيرة ليهم طرقهم في الشغل و استراتيجيتهم الخاصة

    بس برضه الكبير هو اللي بيغلب و الكبير مش ثابت دايما

    ايه بقي الجملة اللي فاتت دي

    ركز معايا

    دلوقتي مثلا سيتي بنك استراتيجيته بتقول بيع من هنا ( سواء كانت رقمي او كلاسيك او اساسي او مزيج من كل ما سبق او جن ازرق مش هاتفرق )
    فدخل بيع بملياردولار
    و في نفس الوقت كان سوسيتيه جينيرال استراتيجيته بتقول شراء فدخل شراء بنص مليار دولار

    فطبعا السعر نزل شوية

    لما نزل شوية جه المركزي الاوروربي قالك انا بقي استراتيجيتي بتقول شراء من هنا و دخل شراء بخمسة مليار

    طلع السعر شوية حلوين قام ظهر بنك اوف اميريكا و قالك بس يا عم الحاج استراتيجيتي بيتقول بيع من هنا ودخل بيع بمليار دولار

    طبعا في المثال ده المشترين هما اللي كسبوا لان مجموع اوردراتهم اكبر

    و ممكن بنكين يتفقوا مع بعض علي نقطة محددة للدخول

    و انت يا معلم عمال تتفرج علي الشارت و هوطالع ونازل و انت مش عارف بيحصل كدة ليه

    المهم في وسط الهيصة دي انت بقي بتشوف نموذج بيتكون ( سواء نموذج كلاسيكي او رقمي او هارمونيك او شموع او اي نوع من انواع التحليل ) و بتخش علي اساسه لانك اكيد دارسه و عاملله باك تست و لقيت انه بيكسب حلو

    قمت انت داخل وحاطط تارجتك و ستوبك و مستني النتيجة يا تكسب يا تخسر لكن اتحداك انك تكون عارف النتيجة مسبقا

    اظن المثال ده يوضح حاجات كتير

    من الاخر الفرق بين اوردرك و اوردر الحوت

    اوردر الحوت بيحرك السوق

    اوردرك و لا ليه اي تاثير في حركة السوق

    لذلك حاول تخلي اوردرك في نفس اتجاه اوردرات الحيتان

    طب دي هنعرفها ازاي ؟؟

    من الاخر مستحيل تعرفها بدقة لان الحيتان نفسهم بينهم و بين بعضهم مش بيبقوا عارفين كل حوت هيخش بكام و منين و هيخش بيع و لا شراء

    من الاخر ابحث عن نموذج ( استراتيجية ) يكون نسبة نجاحه عالية

    انا مثلا لاحظت نموذج معين و عملتله باكتست من 2008 لقيته رائع فبشتغل بيه

    بس كدة خلص الكلام

    ارجو محدش يكون زعل من كلامي

    وكلامي هذا لا اقصد به جرح او الاستهزاء بشخص معين و لكن كما قلت هذه قناعتي الشخصية

    *********************
    بخصوص دعوة المليون ::
    *******************

    طلب جانبي من الاخ الدكتورحمادة سلام

    حضرتك في الصفحات السابقة (( الخاصة بموضوع الاخ عماد )) وضعت بعض الشارتات بها خطوط الزوايا
    العرضية وحضرتك بتورينا فيها ازاي السعر بيحترم الخطوط بالمللي

    و انا للاسف خبرتي في الزوايا صفر

    بس لو الزوايا جامدة قوي كدة زي ما حضرتك بيتقول

    و بما اننا داخلين الفوركس عشان عايزين فلوس

    فانا ليا طلب من حضرتك

    انا عايز من حضرتك مجموعة من الصفقات يكون فيها :

    1- التارجت ضعف الستوب
    2- عدد الصفقات الرابحة يكون اكثرمن الخاسرة يكون 25 صفقة فقط ولا يهم ترتيب حدوث الصفقات

    ( اعتذر عن هذا الخطأ الحسابي المفروض 19 صفقة بس مش 25 ))

    وانا اقسم بالله العظيم اقسم بالله العظيم اقسم بالله العظيم ان اجعلك مليونيرا بطريقة مبتكرة للموني منجمنت

    و و الله العظيم هذا ليس استهزاءا و ليس تحديا و لكنها دعوة لكسب الاموال الطائلة بأذن الله ان تحققت الشروط

    *******************
    و اوجه دعوتي لجميع الاعضاء كما دعوت الاخ حمادة سلام

    انا عايز مجموعة من الصفقات يكون فيها :

    1- التارجت ضعف الستوب
    2- عدد الصفقات الرابحة يكون اكثرمن الخاسرة يكون 19 صفقة فقط ولا يهم ترتيب حدوث الصفقات

    يعني مثلا لو اديتني 100 صفقة خاسرة يبقي لازم تجيب 119 صفقة رابحة لتحقيق الهدف

    وانا اقسم بالله العظيم اقسم بالله العظيم اقسم بالله العظيم ان اجعلك مليونيرا بطريقة مبتكرة للموني منجمنت

    ******************

    منتظر مشاركاتكم

  2. #2
    الصورة الرمزية wadzaman
    wadzaman متواجد حالياً عضو نشيط
    تاريخ التسجيل
    Mar 2009
    الإقامة
    قطر
    المشاركات
    1,432

    افتراضي

    موضوع يعد بنقاش ممتاز واسهام حقيقي في المعرفة ونتابع معك دكتور عصام ان شاء الله
    توقيع العضو
    اليقظة - الصبر - الإلتزام 100%
    Dont miss a Trade and Never miss a Trend

  3. #3
    الصورة الرمزية sarmad66
    sarmad66 غير متواجد حالياً عضو نشيط
    تاريخ التسجيل
    Nov 2007
    الإقامة
    الإمارات العربية المتحدة
    المشاركات
    2,243

    افتراضي

    ((قمت انت داخل وحاطط تارجتك و ستوبك و مستني النتيجة يا تكسب يا تخسر لكن اتحداك انك تكون عارف النتيجة مسبقا))
    السلام عليكم
    اعتقد هذه الجمله هي الزبده واي صفقه في الفوركس نسبه نجاحها هي 50% يعني اي صفقه اما تربح واما تخسر ولكن لا تزيد نسبه نجاحها عن 50%
    اعتقد من الافضل ان تبحث عن طريقه وتقوم بنفسك بتعديلها حسب متطلباتك يعني مثلا توجد طريقه يكون فيها الهدف 50 والوقف 50 ممكن ان تعدلها الى الهدف 60 والوقف 30 او الهدف 40 والوقف 20 وهكذا فقط تحتاج عمل باك تست لها وتشوف الانسب
    اعطيك طريقه ممكن تنفعك واعمل باك تست لها وشوف
    استخدم الزوج الباون دولار على فريم الساعه مع البولنجر باند عند اول ملامسه الخط العلوي لليوم التداول تبيع بهدف 50 ووقف 25 واذا لامس الخط السفلي تشتري وبنفس الطريقه

  4. #4
    الصورة الرمزية methaq
    methaq غير متواجد حالياً عضو المتداول العربي
    تاريخ التسجيل
    Mar 2010
    المشاركات
    356

    افتراضي

    انا اختلف معاك بانه يستحيل ان يوجد عدد صفقات رابحه ضعف عدد صفقات خاسره وهذا اللى جربناه باغلب طرق المتاجره اغلبها صحيح ومكاسبها ضعف خسائرها
    ولكن تريد التزام ومتابعه وعدم الطمع فأنا اعرف اشخاص دبلوا محافظهم عشرات المرات واصابهم الغرور ودخلوا بكامل سيولتهم وتصفرت حساباتهم وضاع سهر سنين وشهور طويلة بسبب الطمع
    واذكر واحد جديد على الفوركس هنا بالمنتدى وضع طريقته البسيطه اللتى دبل حسابه فيها باستخدام قنوات الشاى فقط ومعها كشف الحساب على الحقيقى واخذ الاعضاء هنا يسخرون منه ومن طريقته ورد عليه احد جهابذة التحليل هنا بالمنتدى وقال له انا جربت كل الطرق اللتى تخطر على بالك من الشاى والقهوة والسكر ولم تنفع وتأتى انت بكل بساطه وتكسب بمؤشر واحد بسيط
    آخر تعديل بواسطة methaq ، 27-08-2012 الساعة 02:58 PM

  5. #5
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي

    اقتباس المشاركة الأصلية كتبت بواسطة sarmad66 مشاهدة المشاركة
    ((قمت انت داخل وحاطط تارجتك و ستوبك و مستني النتيجة يا تكسب يا تخسر لكن اتحداك انك تكون عارف النتيجة مسبقا))
    السلام عليكم
    اعتقد هذه الجمله هي الزبده واي صفقه في الفوركس نسبه نجاحها هي 50% يعني اي صفقه اما تربح واما تخسر ولكن لا تزيد نسبه نجاحها عن 50%
    اعتقد من الافضل ان تبحث عن طريقه وتقوم بنفسك بتعديلها حسب متطلباتك يعني مثلا توجد طريقه يكون فيها الهدف 50 والوقف 50 ممكن ان تعدلها الى الهدف 60 والوقف 30 او الهدف 40 والوقف 20 وهكذا فقط تحتاج عمل باك تست لها وتشوف الانسب
    اعطيك طريقه ممكن تنفعك واعمل باك تست لها وشوف
    استخدم الزوج الباون دولار على فريم الساعه مع البولنجر باند عند اول ملامسه الخط العلوي لليوم التداول تبيع بهدف 50 ووقف 25 واذا لامس الخط السفلي تشتري وبنفس الطريقه
    مش شرط تكون نسبة النجاح تكون 50%

    زي ما انا قلت انت بتشوف نموذج او استراتيجية وتعملها باك تست و تشوف نسبة مكاسبها لخسايرها

    يعني انا مثلا فيه استراتيجية عملتها بالك تست من 2008 حتي الان

    لقيتها كسبت 1000 صفقة وخسرت 500 صفقة اذن نسبة نجاح الصفقات التي سيتم دخولها مستقبلا من المفترض ان تكون 1:2

    و سوف اجرب موضوع البولنجر ولكن بنظام ستوبمختلف لانه من الخطا في هذا السوق ان تضع عدد ثابت من النقاط سواء للتارجت او الستوب
    لانه في ايام بيمشي ال50 نقطة في 3 ثواني و ايام تانية ممكن يمشيهم في يومين

  6. #6
    الصورة الرمزية wadzaman
    wadzaman متواجد حالياً عضو نشيط
    تاريخ التسجيل
    Mar 2009
    الإقامة
    قطر
    المشاركات
    1,432

    افتراضي

    لدي اقتراح يا دكتور عصام كالتالي :-
    1- من حيث المبدا لا اعتقد ان هنالك رفض او حجر لاي شخص ان يعتقد ما يشاء فيما يخص ما هو السبب الذي يحرك ويتحكم بالسعر في الاسواق سواء كان هذا السبب في رايه هو الفلك او زوايا جان او الاخبار والبيانات الاقتصادية او النماذج والانماط الكلاسيكية او موجات اليون او غيرها .. اوكي
    المحك الحقيقي والعملي لكل كلام نظري او اعتقاد هو مدى تطبيقه على ارض الواقع واقصد بالواقع هنا السوق فاذا كان هنالك اي اخ او عضو لديه اعتقاد ان هنالك طريقة معينة تحقق الربح يمكنه ان يثبت لنا ذلك بصفقات محددة في هذا الموضوع تكون في الوقت الحقيقي ويمكن ان يورد امثلة سابقة ايضا تدعم نظرته
    2 - اذا اثبت لنا اي شخص او عضو ان عنده طريقة معينة تحقق الارباح المنشودة يمكن للاخ عصام ان يطرح طريقته في الادارة المالية التي يقترحها والتي يرى انها من الممكن ان تحقق المليون خلال 25 صفقة رابحة فقط او حسبما استدرك خلال 19 صفقة . وبذلك يكون الموضوع حقق ما نريده وما نصبو اليه جميعنا في هذا السوق وهو تحقيق الارباح .. فلا اعتقد ان هنالك من دخل مجال الفوركس هذا لكي ينال فيه شهادات علمية عليا او لكي يقال عنه محلل وخبير وعالم فوركس فاي علم او معرفة في مجال الفوركس هذا لا تحقق لك الارباح المطلوبة فهو علم لا ينفع وليس له اي داع
    طبعا هذا مجرد اقتراح اولي ونسمع منك ومن بقية المشاركين اقتراحاتهم ومشاركاتهم .
    توقيع العضو
    اليقظة - الصبر - الإلتزام 100%
    Dont miss a Trade and Never miss a Trend

  7. #7
    الصورة الرمزية abo reem
    abo reem غير متواجد حالياً عضو نشيط
    تاريخ التسجيل
    Jan 2012
    المشاركات
    2,680

    افتراضي رد:وجهة نظري بخصوص السوق وطرق المتاجرة المختلفة + دعوة للمليون

    السلام عليكم اخى الكريم
    مرفق صورة ستيتمنت 51 عملية رابحة بنسبة 100% بدون اغلاق اى صفقة خاسرة والحساب تم فتحة يوم 1 اغسطس 2012 ورابح حتى الان 42%
    رجاء من الاخوة الكرام ياريت اى حد يتكلم فلا يجزم بشيئ
    يوجد نظرية طبيعية اسمها Bill Shape ملخصها ان اى شيئ يشتمل على 80% عادى و 10% اقل من العادى و 10% فوق العادى
    باختصار التعميم على اى شيئ خطأ


    اضغط على الصورة لعرض أكبر

الاســـم:	Capture_4.png
المشاهدات:	252
الحجـــم:	5.5 كيلوبايت
الرقم:	335627
    آخر تعديل بواسطة abo reem ، 27-08-2012 الساعة 03:13 PM

  8. #8
    الصورة الرمزية ahmedphen0m
    ahmedphen0m غير متواجد حالياً أفضل ورشة عمل مضاعفات 2012
    تاريخ التسجيل
    Dec 2010
    الإقامة
    مصر
    المشاركات
    8,375

    افتراضي

    كلام كبير اوي يا زيلنيكو باشا
    متفق معاك في اكتر من 99% منه

  9. #9
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي

    اقتباس المشاركة الأصلية كتبت بواسطة methaq مشاهدة المشاركة
    انا اختلف معاك بانه يستحيل ان يوجد عدد صفقات رابحه ضعف عدد صفقات خاسره وهذا اللى جربناه باغلب طرق المتاجره اغلبها صحيح ومكاسبها ضعف خسائرها
    ولكن تريد التزام ومتابعه وعدم الطمع فأنا اعرف اشخاص دبلوا محافظهم عشرات المرات واصابهم الغرور ودخلوا بكامل سيولتهم ورجعوا الى نقطة الصفر وضاع سهر سنين وشهور طويلة بسبب الطمع
    انا ما قلتش مستحيل بالعكس انا بقول لوحد عنده طريقة يقول عليها
    و بعدين انا مش عايز صفقات ناجحة ضعف الخاسرة انا عايز صفقات ناجحة اكثر من الخاسرة بفرق 19 صفقة بس يعني لو اديتني 1000 صفقة خاسرة و 1019 صفقة ناجحة انا موافق

  10. #10
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي

    اقتباس المشاركة الأصلية كتبت بواسطة wadzaman مشاهدة المشاركة
    لدي اقتراح يا دكتور عصام كالتالي :-
    1- من حيث المبدا لا اعتقد ان هنالك رفض او حجر لاي شخص ان يعتقد ما يشاء فيما يخص ما هو السبب الذي يحرك ويتحكم بالسعر في الاسواق سواء كان هذا السبب في رايه هو الفلك او زوايا جان او الاخبار والبيانات الاقتصادية او النماذج والانماط الكلاسيكية او موجات اليون او غيرها .. اوكي

    اوكي يعتقد مع نفسه لكن لماهيجي يتكلم معانا لازم يحترم عقولنا اللي لما نعرض عليها الكلام بالطريقة دي هترفضه قطعا
    انت عارف لو حتي فعلا السوق ماشي بنظام جان و هو اللي بيحدد حركته هيكون ده من باب الصدفة و ليس من باب القانون
    لاني زي ما وضحت سابقا انك عشان تنشئ قانون يحدد الحركة مستقبلا لازم تحيط بكل العوامل المؤثرة
    اما لو هاتقوللي انا شغلي نماذج جان هنا انا بقي اقف معاك و فب صفك و اجرب معاك وادرس معاك و نعمل باك تست مع بعض مفيش مشاكل


    المحك الحقيقي والعملي لكل كلام نظري او اعتقاد هو مدى تطبيقه على ارض الواقع واقصد بالواقع هنا السوق فاذا كان هنالك اي اخ او عضو لديه اعتقاد ان هنالك طريقة معينة تحقق الربح يمكنه ان يثبت لنا ذلك بصفقات محددة في هذا الموضوع تكون في الوقت الحقيقي ويمكن ان يورد امثلة سابقة ايضا تدعم نظرته

    مفيش مشاكل ياريت يا عم كل الناس تحقق ربح بس لما يربح يبقي عارف انه بيربح لانه عرف نموذج رابح و ليس قانون

    اوكي
    2 - اذا اثبت لنا اي شخص او عضو ان عنده طريقة معينة تحقق الارباح المنشودة يمكن للاخ عصام ان يطرح طريقته في الادارة المالية التي يقترحها والتي يرى انها من الممكن ان تحقق المليون خلال 25 صفقة رابحة فقط او حسبما استدرك خلال 19 صفقة . وبذلك يكون الموضوع حقق ما نريده وما نصبو اليه جميعنا في هذا السوق وهو تحقيق الارباح .. فلا اعتقد ان هنالك من دخل مجال الفوركس هذا لكي ينال فيه شهادات علمية عليا او لكي يقال عنه محلل وخبير وعالم فوركس فاي علم او معرفة في مجال الفوركس هذا لا تحقق لك الارباح المطلوبة فهو علم لا ينفع وليس له اي داع
    طبعا هذا مجرد اقتراح اولي ونسمع منك ومن بقية المشاركين اقتراحاتهم ومشاركاتهم .
    كلام رائع و الردود داخل الاقتباس

    اقتباس المشاركة الأصلية كتبت بواسطة abo reem مشاهدة المشاركة
    السلام عليكم اخى الكريم
    مرفق صورة ستيتمنت 51 عملية رابحة بنسبة 100% بدون اغلاق اى صفقة خاسرة والحساب تم فتحة يوم 1 اغسطس 2012 ورابح حتى الان 42%

    ما شاء الله ربنا يزيد و يبارك
    هل الصفقات بستوب ؟؟ وهل التارجت ضعف الستوب ؟؟


    رجاء من الاخوة الكرام ياريت اى حد يتكلم فلا يجزم بشيئ

    مش فاهم قصدك ايه اخي الكريم بالجملة دي

    يوجد نظرية طبيعية اسمها Bill Shape ملخصها ان اى شيئ يشتمل على 80% عادى و 10% اقل من العادى و 10% فوق العادى
    باختصار التعميم على اى شيئ خطأ

    ياريت برضه لو تفهمني قصدك ايه بالحتة دي


    اضغط على الصورة لعرض أكبر

الاســـم:	Capture_4.png
المشاهدات:	252
الحجـــم:	5.5 كيلوبايت
الرقم:	335627
    اقتباس المشاركة الأصلية كتبت بواسطة ahmedphen0m مشاهدة المشاركة
    كلام كبير اوي يا زيلنيكو باشا
    متفق معاك في اكتر من 99% منه
    احمد باشا نعيم

    كنت عايز اكلمك علي حاجة بخصوص الشهباء هابقي اكتبهالك في موضوعك

  11. #11
    الصورة الرمزية Tohamy
    Tohamy غير متواجد حالياً عضو المتداول العربي
    تاريخ التسجيل
    Feb 2009
    الإقامة
    المملكة العربية السعودية
    المشاركات
    46

    افتراضي

    الأسواق عموما دالة في سعر + زمن + حجم تداول ...وعندما نحلل بأي طريقة يجب أن نضع بعد تحليلنا كلمتين أن هذا التحليل هو - احتمال - وأنه صالح للحظة وللفترة التي نتحدث عنها فقط
    لأننا باختصار حتي نحول كلمة الاحتمال الي جزم ولكي نحول تكهناتا الحالية الي اثبات مستقبلي
    يلزمنا ان نمتلك الحقائق الكاملة في اللحظة المستقبلية وهذا يتعذر علي المعظم والغالبية منا كصغار متداولين
    لاتوجد قوانين ثابته في هذا السوق للقياس والقياس يتم عبر رصد واحصاء الظاهرة فقط
    وهذا الرصد معرض لخطأ لأن علم الاحصاء لايقدم تفسير حدوث الظاهرة بقدر مايقدم رصدها.

  12. #12
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي

    اقتباس المشاركة الأصلية كتبت بواسطة Tohamy مشاهدة المشاركة
    الأسواق عموما دالة في سعر + زمن + حجم تداول ...وعندما نحلل بأي طريقة يجب أن نضع بعد تحليلنا كلمتين أن هذا التحليل هو - احتمال - وأنه صالح للحظة وللفترة التي نتحدث عنها فقط
    لأننا باختصار حتي نحول كلمة الاحتمال الي جزم ولكي نحول تكهناتا الحالية الي اثبات مستقبلي
    يلزمنا ان نمتلك الحقائق الكاملة في اللحظة المستقبلية وهذا يتعذر علي المعظم والغالبية منا كصغار متداولين
    لاتوجد قوانين ثابته في هذا السوق للقياس والقياس يتم عبر رصد واحصاء الظاهرة فقط

    وهذا الرصد معرض لخطأ لأن علم الاحصاء لايقدم تفسير حدوث الظاهرة بقدر مايقدم رصدها.
    برنس الليالي يا عم تهامي

  13. #13
    الصورة الرمزية abo reem
    abo reem غير متواجد حالياً عضو نشيط
    تاريخ التسجيل
    Jan 2012
    المشاركات
    2,680

    افتراضي رد:وجهة نظري بخصوص السوق وطرق المتاجرة المختلفة + دعوة للمليون

    هل الصفقات بستوب ؟؟ وهل التارجت ضعف الستوب ؟؟
    الصفقات بدون ستوب لكن باكون محددة قبل فتح العقد وحاطة فى راسى مش فى الاوردر

    رجاء من الاخوة الكرام ياريت اى حد يتكلم فلا يجزم بشيئ
    مش فاهم قصدك ايه اخي الكريم بالجملة دي
    اقصد لما تجزم بان الزوج الفلانى هابط لا محالة فسوف تبيع باستمرار وتتعرض لخسائر لو كان الترند اتغير لذلك يجب المرونة

    يوجد نظرية طبيعية اسمها Bill Shape ملخصها ان اى شيئ يشتمل على 80% عادى و 10% اقل من العادى و 10% فوق العادى
    باختصار التعميم على اى شيئ خطأ
    ياريت برضه لو تفهمني قصدك ايه بالحتة دي
    اقصد ان 80% من الناس او من طرق المتاجرة او من اى شيئ عادية يعنى نسبة 50 : 50
    و 10% بنسبة 10 : 90 و 10% بنسبة 90 : 10
    آخر تعديل بواسطة abo reem ، 27-08-2012 الساعة 04:10 PM

  14. #14
    الصورة الرمزية Tohamy
    Tohamy غير متواجد حالياً عضو المتداول العربي
    تاريخ التسجيل
    Feb 2009
    الإقامة
    المملكة العربية السعودية
    المشاركات
    46

    افتراضي

    اقتباس المشاركة الأصلية كتبت بواسطة zelenko مشاهدة المشاركة
    برنس الليالي يا عم تهامي
    بارك الله فيك اخونا العزيز موضوعك جيد واثار انتباهي

  15. #15
    الصورة الرمزية zelenko
    zelenko غير متواجد حالياً عضو نشيط
    تاريخ التسجيل
    Dec 2010
    الإقامة
    مصر
    المشاركات
    1,711

    افتراضي

    اقتباس المشاركة الأصلية كتبت بواسطة abo reem مشاهدة المشاركة
    هل الصفقات بستوب ؟؟ وهل التارجت ضعف الستوب ؟؟
    الصفقات بدون ستوب لكن باكون محددة قبل فتح العقد وحاطة فى راسى مش فى الاوردر

    رجاء من الاخوة الكرام ياريت اى حد يتكلم فلا يجزم بشيئ
    مش فاهم قصدك ايه اخي الكريم بالجملة دي
    اقصد لما تجزم بان الزوج الفلانى هابط لا محالة فسوف تبيع باستمرار وتتعرض لخسائر لو كان الترند اتغير لذلك يجب المرونة

    يوجد نظرية طبيعية اسمها Bill Shape ملخصها ان اى شيئ يشتمل على 80% عادى و 10% اقل من العادى و 10% فوق العادى
    باختصار التعميم على اى شيئ خطأ
    ياريت برضه لو تفهمني قصدك ايه بالحتة دي
    اقصد ان 80% من الناس او من طرق المتاجرة او من اى شيئ عادية يعنى نسبة 50 : 50
    و 10% بنسبة 10 : 90 و 10% بنسبة 90 : 10
    فهمتك يا غالي

    بالنسبة للستوب انا فهمت من كلامك انه محدد و ثابت و معروف وده شئ كويس

    و لكن ما نسبته للتارجت ؟؟؟

صفحة 1 من 11 1234567 ... الأخيرةالأخيرة

1 2 3 4 5 6 7 8 9 10 11 12 13 14 15 16 17