استخدام الدورات القمرية في المتاجرة

[doctortablet]

دي صورة للمربع الذي استخدمه الموقع لشرح الطريقة

[doctortablet]

ودي صورة تانية وهنستخدمها للشرح وهنلاحظ انه فيها رقم في المركز وحواليه كروس لونه بنفسجي وكروس لونه أخضر ومربع لونه أصفر هو سعر الافتتاح

[alysharf]

سيدي الفاضل

أنا هنا لست في أكاديمية أنا أتحدث بطبيعتي ، وهل تظن أن أحدا سيأخذ برأيي فيبيع أو يشتري بناءا عليه ؟؟؟؟؟

كل الحكاية انه لو واحد بايع او شاري بيبحث عمن يطمنه ويريح أعصابه ، لكن لا أحد يبيع أو يشتري بناءا على ما نقول ، وااللي يبيع ويشتري بناءا على ما نقول دون ان يفهم ماذا يعمل فلا يلومن الا نفسه .

حكاية الاحساس دي الواحد بيوصلها بعد فترة طويلة من التعايش والانسجام ، كثير من المتداولين بيحدث نوع من التناغم بينهم وبين عملة معينة بحيث بيتصرف بالفطرة كدة وتطلع صح ، و أعتقد ان ده موجود في حياتنا كلها ، وأبرز مثال في قيادة السيارة ، أول ما تتعلم بتكون مركز في كل نقطة والسيارة تنحرف وتعدلها وغيره ، لما بتوصل لمرحلة التناغم بنلاقي الواحد بيقود بيد واحدة ورجل واحدة واحيانا بيشيل رجله ويشغل مثبت السرعة واللي ناقص انه ينام كمان ، مش ده بيحصل ؟؟؟؟

عملية التناغم بين الشخص وبين اي عملة لها اساس فلكي للحساب وكذلك حساب الجمل ربما نعرض لها يوما بوجودكم واستمراركم معنا

تحياتي العطرة

طيب ممكن تقول لنا على الاساس الفلكى ازاى نحسبه

[doctortablet]

أول حاجة نعملها نرسم في ورقة خارجية مربعات ونقسمها زي ما شايفين 7 في الطول و7 في العرض ، ويبقى ممتاز كمان لو قمنا بتلوين المربعات كما بالشكل السابق ، سعر الافتتاح الذي استخدم في الشرح هو 5100 ومنه سنبدأ في الحساب .

أول حاجة هنعملها هنجيب الجذر التربيعي لسعر الافتتاح وهو 5100

الخطوة الأولى : نوجد الجذر التربيعي لسعر الافتتاح

5100 جذره التربيعي هو 71.41

الخطوة الثانية : هناخد اول رقمين صحيحين تحت الجذر التربيعي اللي حصلنا عليه و هما 71 و 70

الخطوة الثالثة : هناخد اول رقمين صحيحين فوق الجذر التربيعي لسعر الافتتاح وهما 72 و 73

الخطوة الرابعة : الآن لدينا أربعة ارقام وهي من الاصغر للأعلى 70 و 71 و 72 و 73

من هذه الارقام الاربعة هنبدأ نكتب الارقام في المربع

الخطوة الخامسة : هناخد الرقم الاصغر وهو 70 ونربعه يعني نضربه في نفسه ، 70 مضروبة في 70 = 4900

الرقم ده هنحطه في مركز المربع

الخطوة السادسة : هنزود على ال 70 قيمة 0.125 وهي معامل الزاوية 45 فيكون الناتج هو 70.125 وبعد كدة نضربه في نفسه فيكون الناتج هو 4917.15 والرقم ده هنكتبه في المربع اللي على شمال المربع اللي كتبنا فيه ال 4900 قبل كدة .

الخطوة السابعة : هنزود على ال 70.125 قيمة 0.125 يعني زودنا كدة على ال 70 قيمة ال 0.125 مرتين ، فيكون الناتج هو 70.25 والرقم ده نضربه في نفسه فيكون الناتج هو 4935.06

والرقم ده هنكتبه فوق المربع اللي كتبنا فيه القيمة 4917.51 قبل كدة .

الخطوة الثامنة : هنزود على ال 70 قيمة 0.125 ثلاث مرات فيكون الناتج هو 70.375 ونضربه في نفسه فيكون الناتج هو 4952.64 ونكتب الرقم ده في المربع اللي فوق المربع اللي كتبنا فيه الرقم 4900 قبل كدة .

بمعنى اننا بدأنا المركز برقم 4900 وهو ناتج تربيع ال 70 وبعدين نكتب الارقام في عكس عقارب الساعة بزيادة 0.125 في كل مرة عما قبلها ونربع الناتج ونكتبه ، هنفضل نكرر العملية دي 8 مرات لغاية ما هنكون ملينا الثمانية مربعات حوالين ال 4900

الرقم اللي بعد ال 70 هو 71 نضربه في نفسه هيكون الناتج 5041
هنفضل نكرر العملية ونكتب في المربعات ، وبعدين عندنا ال 72 ونعمل نفس الشيء وبعدها عندنا ال 73 ونعمل نفس الشيء لغاية ما نكون كتبنا وانتجنا الشكل الذي تم ارفاقه .

طبعا العملية شكلها صعب علشان كدة عاوزين نعملها في ملف اكسيل او نستعين بخبراء برمجة المؤشرات .

عموما هي دي طريقة انتاج المربع بناءا على سعر الافتتاح يبقى ان نتعلم كيف سنتاجر بها ونضع الربح والخسارة .

[doctortablet]

طيب ممكن تقول لنا على الاساس الفلكى ازاى نحسبه

باختصار شديد للغاية ودون تعقيد بآخد يوم مولد حضرتك واجمعه بطريقة حساب الجمل بيطلع لي رقم ، هذا الرقم يشير الى كوكب معين ، كل عملة لها كوكب يتناغم معها أو أكثر من كوكب ولا يشترط انه يكون من الكواكب المؤثرة على سلوك العملة ، بناءا على الكوكب اللي طلع من حساب يوم ميلادك بأحدد لك العملة اللي تناسبك .

[alysharf]

بسيطه 8-4-70 تاريخ الميلاد
يبقى ايه العملات التى يفضل العمل عليها

[doctortablet]

طيب ممكن تقول لنا على الاساس الفلكى ازاى نحسبه

فيه طريقة كمان وهي الأدق والتي كان يستخدمها جان ولكنها تتطلب موعد ومكان الميلاد بدقة وبعد ما نرسم الخريطة الفلكية بنركز على البيت رقم 2 في الخريطة الفلكية ومن خلال الكواكب الموجودة فيه ممكن نتوقع ان كان صاحب هذا التاريخ هينفع في التداول ام لا .

من الطرق الاخرى ايضا ان نجمع تاريخ الميلاد بطريقة حساب الجمل وعادة اللي بيكون مجموع ارقام تاريخ ميلاده 5 بيكون من انجح الناس في التداول ، وهناك ارقام اخرى أيضا ولكن رقم 5 بيكون متميز جدا في تداولاته السوقية .

[doctortablet]

بسيطه 8-4-70 تاريخ الميلاد
يبقى ايه العملات التى يفضل العمل عليها

أن شاء الله اي عملة بيكون فيها الدولار الامريكي

[ابوعمرو]

طيب ممكن يادكتور تحكيلنا كل عمله مع اي كوكب مربوطه انا بعتلك تاريخ ميلادي وحكتلي انه بناسبني EURJPY وانا مجموع ارقام تاريخ ميلادي 4 الي هو مربوط باورانس بفهم من هيك انه عملة اليورو والين مربوطات باورانس

[doctortablet]

طيب ممكن يادكتور تحكيلنا كل عمله مع اي كوكب مربوطه انا بعتلك تاريخ ميلادي وحكتلي انه بناسبني EURJPY وانا مجموع ارقام تاريخ ميلادي 4 الي هو مربوط باورانس بفهم من هيك انه عملة اليورو والين مربوطات باورانس

أورانوس فعلا رقمه اربعة ومجموع ارقام حضرتك اربعة ماشي ، لكن ليه اخترنا اليورو ين ؟؟؟

أنا ذكرت لحضراتكم ما يعرف بالتناغم ولا يشترط إنه يكون هو الكوكب المؤثر .

ايه هو وجه التناغم بين اورانوس وحضرتك واليورو ين ؟؟؟

أورانوس رقمه اربعة ومجموع تاريخ ميلاد حضرتك هو أربعة ، فبنشوف اورانوس في الفلك الاقتصادي بيمثل ايه ونشوف العملة اللي لها نفس الطابع .

أورانوس في اقتراناته وتأثيرها من ناحية التداول يعبر عن التغير المفاجيء ، واليورو ين بيحمل نفس الطبيعة ولذلك له اسم مشهور بين المتداولين العرب ويسمى بالمجنون لأن تغيراته قوية ومفاجئة ، وطبعا لا سمح الله ما تاخدش كلمة مجنون بصورة شخصية فهي تعبر فقط عن السلوك فقط ، و أكيد حضرتك بتحس بتقلبات مزاجية حادة ومفاجئة ، يبقى انتم الثلاثة بينكم نوع من التناغم ، فهتقدر حضرتك تتناغم وتتوقع التغيرات المفاجئة لليورو ين .

[doctortablet]

ما دامت هناك رغبة في معرفة العملات المناسبة ، فسأذكر لحضراتكم كل الكواكب وما يتناسب معها من عملات ، بس أود التذكير انه انا قلت حين نوهت لهذه الطريقة اني حاططها للتجريب والتسلية لأنها ليست دقيقة تماما ، لسبب بسيط وهو أنها ليست الطريقة التي كان يتبعها جان فعليا بل قريبة منها ، وقد ذكرت انه جان بيستخدم الخريطة الفلكية للشخص ودي تحتاج مكان وموعد الميلاد بدقة عالية علشان نعرف الكواكب اللي بتكون في البيت الثاني تحديدا ونشوف اقتراناتها كمان ، وهي عملية ليست بالسهلة وما أذكره هنا من طريقة هي بنوع من التقريب فقط فاللي تظبط معاه يبقى خير وبركة واللي ما تظبطش معاه فلا يعول عليها كثيرا

[doctortablet]

المريخ :

الارقام المفضلة : 9 و 11 و 4 و 7

اليوم المفضل للتداول : الثلاثاء
الأيام غير المفضلة للتداول : الجمعة
يناسبه عملة الدولار الامريكي

[doctortablet]

الزهرة : Venus

الارقام المفضلة : 6 و 16 و 2 و 4

الايام المفضلة : الاثنين والجمعة

غير المفضلة : الثلاثاء

العملة : الفرنك السويسري

[doctortablet]

عطارد : Mercury

الارقام المفضلة : 18 و 15 و 12 و 3 و 5

الايام المفضلة : الاربعاء

غير المفضلة : الخميس

العملات : الدولار الكندي والامريكي و الباوند

[doctortablet]

القمر :

الارقام المفضلة : مضاعفات الرقم 2

الايام المفضلة : الاثنين والخميس

غير المفضلة : الثلاثاء

العملات : الدولار الاسترالي والنيوزيلاندي