خلاصة القول لإسترتيجية الدكتور / جمال ممدوح

[وليد 77]

انا عندى مشكلة
كل ما اجى احمل اى شئ من المرفقات من هذا المنتدى يعطنى رساله خطأ ولا استطيع ان اعملها دونلود

إن شاء الله يفيدونك الأعضاء ...

[وليد 77]

الكتاب الاخير الذي جمعه الاخ (الزيرو ) يجمع كل ماقيل من شرح وجميع الردود من الدكتور على اسئلة الاعضاء وسوف تجدونه على اخر 120 صفحة من موضوع الدكتور ..

الله يفتح عليك .... كدا أنت ريحتني كثير ...في تقليب الصفحات ,,

[TSX]

الله يفتح عليك .... كدا أنت ريحتني كثير ...في تقليب الصفحات ,,

اخي ابدا من اخر صفحة وقد تجده قبل ان تصل إلى الصفحة 50 ..

[amr eltabei]

وعليكم السلام ورحمة الله وبركاته

على ضمانتك يعني أخي عمرو نكتفي بقراءة الكتاب فقط ؟

الحقيقة فاتتني متابعة الطريقة والاستمرار فيها حيث اني تابعت الموضوع بالبداية ولكن انشغلت عنه فيما بعد ففاتني القطار ,

ولدى اهتمام شخصي كبير بالطريقة وبالتعرف عليها بشكل دقيق فمعلوماتي عنها حتى الان وان كانت بسيطة تؤيد انها طريقة اكثر من ممتازة وجديرة جدا بالاهتمام والدراسة ,

سأقوم بقراءة الكتاب وارجو اذا كان هناك اضافات أخرى تنصح بها ان تعطينا خبر ,


تحياتي وتقديري

اكيد اختى رانيا على ضمنتى طبعا اقرائى الملف كويس اوى ... الدكتور جمال شارح الطريقة بمنتهى البراعة بجد مشفتش زى كدة خالص من قبل بصراحة استاذ واستاذ كبير كمان وفى منتهى السهولة بجد زى ما حضرتك عارفة انا معظم شغلى سونج من ساعة معرفت الطريقة دة وانا ريحت دماغى خالص والحمد لله الشغل اللى كنت بعملة بفضل الله فى شهر بقيت اعملة فى اسبوع بأذن الله ثم بسبب هذة الطريقة والفضل لله ثم للدكتور جمال بارك الله فية ومفيش اسهل من كدة..
الطريقة اكثر من ممتازة .. والالتزام بيها هو سر نجاحها وانا تحت امرك طبعا فى اى طلب اختى رانيا واتمنى للجميع التوفيق باذن الله تحياتى وتقديرى للجميع .

[ae_dxb]

اخي ابدا من اخر صفحة وقد تجده قبل ان تصل إلى الصفحة 50 ..

الملخص هنا

وهذا رد مقتبس من نفس الموضوع مع الملخص

أحبتي وإخواني ..

بحمد الله إنتهيت من جمع وتلخيص محتويات هذا الموضوع الراااااااائع بمعنى الكلمة .. ويشهد الله أن هذا الأمر إستغرق مني أكثر من ثلاثة أيام عملت فيها ليلاً ونهاراً على قراءة الموضوع وإقتباس المفيد من نقاشات وشارتات وأمثلة وشروحات .. لم أترك أي شارت أو شرح هام أو تعليق مفيد إلا وأخذته .. كل توجيهات وتعليقات الدكتور الهامة ستجدونها .. وكذلك كل مشاركات الراااائعة إنصاف وشروحاتها المفيدة والواضحة للغاية .. وايضاً كل الفرص التي عرضت وكانت مثار نقاش أو إختلاف أو تحليل..

بإختصار هذا الملخص يحوي خلاااااصة هذا الموضوع الهام للغاية .. وأعذروني إن لم أتمكن من تنسيق الملخص وترتيبه لأن جمعه أرهقني بين القراءة والتلخيص والإقتباس ، ولعل أحد الإخوة يتكرم بإجراء وعمل التسيق اللازم لهذا الملخص الذي هو تحت تصرف الجميع ..

أتمنى أن يكون هذا الملخص مرجعاً مفيداً لكل من يدخل إلى هذا الموضوع .. لكل القدامى والجدد .. لعلنا نرد قليلاً من جمايل ابوياسر علينا ..

ختاماً أسألكم دعوة من القلب لي ولوالدي ولأهلي .. وأسألكم أن تدعو لي بالتوفيق ..

ملخص تجربتي.docx

[ae_dxb]

عدد صفحات الملخص كبييييييييييييير

216 صفحة

[وليد 77]

[/CENTER]

الملخص هنا

وهذا رد مقتبس من نفس الموضوع مع الملخص

[/CENTER]

بارك الله فيك ....

[وليد 77]

عدد صفحات الملخص كبييييييييييييير

216 صفحة

جاري التحميل ياعسل ....

صراحة ماقصرت ....

[Abu Yaser]

اهلا بيكم يا حلوين ههههه
هو الواحد بقى ما بيشوفش ولا ايه؟؟
الموضوع اللى كان بينزل كنت باقراه تقريبا وصاحبه لسه بيكتبه هههههه
فيبقى الموضوع عنى وانا ماعرفش الا الوقتى؟!!!
عموما ربنا ستر وشوفته بالصدفة

الناس مش عاوزة تقرا 520 صفحة عشان تتقن الموضوع
ولا عاوزة تقرا اول 270 صفحة بس اللى فيهم الشرح الاساسى
ولا حتى عاوزة تقرا الكتاب اللى عمله الاخوة المحترمين عشان 120 صفحة
ولا الملخص اللى هو تقريبا 80 صفحة
ههههههههه
طيب عموما
عشان احنا فى عصر السرعة
ومغرب الكسل
انا هاعمل لكم ملخص للملخص عشان نلخص
هل هايبقى صعب عليكم تقروا الاستراتيجية بتاعت الرينج (التانية) كاملة مع ادارة راس المال كاملة فى نص صفحة؟؟
لو ده صعب وعاوزين ملخص زيادة يبقى تعالوا اديهالكم حقن هههههه
المشاركة القادمة انا هاشرح استراتيجية الرينج كاملة وواضحة مع كيفية ادارة راس المال كاملة وربنا ييسر الحال

والف شكر للأخ عمرو التابعى على كلامه الجميل

واهلا بيكم

[Abu Yaser]

بسم الله الرحمن الرحيم
هاحاول اختصر على اد ماقدر، بس بدون اغفال اى نقطة مهمة
اولا
استراتيجية الرينج اللى هانقولها بالنظام ده تصلح للكيبل فقط (الباوند دولار)، اما باقى العملات فتنفع معاهم برضة، بس مش بالشكل ده، ممكن انت تعمل تعديلات حسب كل عملة ونظامها
ثانيا
انا هاشرح افضل الحالات (مع ان هناك حالات اخرى) بس عشان نبقى فى المضمون، وان قلّت الفرص، اما الاستفاضة وباقى الحالات فهم مشروحين فى الموضوع الاصلى (خبرتى...)، واللى لو الناس كانت قرته ماكناش بنكتب الملخص هنا الوقتى ههههه

العمل هايكون بنفس الترتيب ده
1- هانبص على الرينح المتوسط، لو كان اقل من 145 يبقى هانشتغل كانه 150، يعنى لو كان الرينج 130 مثلا، فهانشتغل كإن الخط عند 150، اما لو كان اكبر من 150 فخلاص هانشتغل على الخط المرسوم
يبقى النقطة الاولى، الاستراتيجية تعتمد لما يكون الرينج اكبر من 140
2- بمنتهى البساطة والسلاسة، تقفل شمعة فوق خط الرينج الاحمر (تقفل مش تلمس) نقوم ندخل بيع من الهاى بتاع الشمعة دى او افضل شوية
والعكس فى حالة الشرا، تقفل شمعة تحت الخط الاخضر للرينج فندخل شرا من اللو بتاعها
3- الهدف فى حدود تلت الرينج المتوسط (مش الرينج اللى حصل النهاردة) ممكن يزيد، وممكن يقل
يعنى مثلا كان الرينج 150 وانت دخلت بهدف 50، وجاب منهم 40، فمافيش اى مشكلة لما تحجز شوية ارباح... ولا تسيبه يا اما ال 50 يا اما يقلب بخسارة؟؟؟
وطبعا ده على حسب السلوك السعر (راجع الموضوع الاصلى)
بس هم ال 3 خطوات دول

فيبقى ملخص الملخص للملخص
هابص على الرينج لو اكتر من 145 هاعتمده، لما الشمعة تقفل بعد الخط بتاع الرينج ادخل فى الاتجاه المعاكس بهدف التلت بسسسسسسسسسسسسسس

نيجى بقى لادارة راس المال، ودى اللى عاملة مشاكل مع الناس عشان عدم الالتزام واللى اساسه الطمع والاستعجال للربح
احنا بندخل بعقد واحد لكل 2500 نقطة، وبنشتغل على التعزيز
هانقول مثل واقعى عشان نفهم

حسابك فيه 2500 دولار
فهاتدخل بعقد واحد مينى، يعنى النقطة بدولار
كان مثلا الرينج 150 والشمعة قفلت تحته فهاندخل من اللو بتاعها شرا، فلنفترض اننا دخلنا من سعر 1.6500 شرا بعقد واحد
هايكون الهدف تلت الرينج يعنى سعر 1.6550
طيب السعر عكس علينا نعمل ايه؟

التعزيز الاول بعد تلتين الرينج من نقطة الدخول، يعنى فى المثل بتاعنا ده الرينج 150، تلتينه 100 نقطة
فيبقى التعزيز شرا من 1.6400 بعقدين (يعنى ضعف العقد الاصلى)
وساعتها نغير الهدف لأقل من نقطة الدخول الاصلية بشوية
فعلى المثال بتاعنا نعمل الهدف للكل عند 1.6480
فتبقى المحصلة 80 هدف تعزيز اول ضرب عقدين، وناقص 20 للعقد الاصلى
160-20=140 نقطة صافى

السيناريو الاخير، لو السعر عكس كمان زيادة
التعزيز هايتم للمرة التانية والاخيرة بعد مقدار الرينج بالكامل من اخر تعزيز
فعلى المثال بتاعنا الرينج 150، وعززنا من 1.6400
فيبقى التعزيز التانى والاخير من 1.6250 ويكون ب 4 اضعاف العقد الاصلى

فيكون معانا مجمل العقود 7 (عقد اصلى، وعقدين تعزيز اول، و4 عقود تعزيز تانى واخير)
وفى الحالة دى يتم تعديل الهدف للكل على نقطة دخول التعزيز الاول (يعنى على مثالنا 1.6400)
فتكون المحصلة 150 ضرب 4 عقود تعزيز تانى، صفر التعزيز الاول ناقص 100 العقد الاصلى
600+0-100=500 نقطة صافى
يعنى اذا حصل ده بنكون طلعنا بربح 20% من راس المال فى صفقة
المهم الالتزام

بس كده، هو ده الشرح الملخص واكتر من كده ملخص بصراحة مش هاعرف اعمل هههههه
اشوفكم على خير
واى استفسار انا موجود فى الموضوع الاصلى (خبرتى...)

اخوكم
د/جمال ممدوح

[ابو فيصل2002]

لف شكر يا دكتور و في إنتظار ملخص إستراتيجية القنوات .... طبعا أنت شخص كريم و نحن طماعين و جزاك الله عنا كل خير و رحم الله والديك و رزقك من حيث لا تحتسب إنه على ذلك لقدير

[حمزة ،،]

وعليكم السلام ورحمة الله وبركاته

على ضمانتك يعني أخي عمرو نكتفي بقراءة الكتاب فقط ؟

الحقيقة فاتتني متابعة الطريقة والاستمرار فيها حيث اني تابعت الموضوع بالبداية ولكن انشغلت عنه فيما بعد ففاتني القطار ,

ولدى اهتمام شخصي كبير بالطريقة وبالتعرف عليها بشكل دقيق فمعلوماتي عنها حتى الان وان كانت بسيطة تؤيد انها طريقة اكثر من ممتازة وجديرة جدا بالاهتمام والدراسة ,

سأقوم بقراءة الكتاب وارجو اذا كان هناك اضافات أخرى تنصح بها ان تعطينا خبر ,


تحياتي وتقديري

طريقة ممتازة وتستحق القرائة والمتابة
خاصة إذا كانت تدعم تحليل القنوات والفايبو ،، لأنا تحدت نفسها ذاتيا

[حمزة ،،]

تحياتي وتقديري يا دكتور ابو ياسر

[Jmeel]

دكتور ممدوح شكرا على احلى وأوضح شرح حقيقي الحتة دي هي مدوخه معظم الناس كده وضحت جدا أما القنوات على فريم ساعة اعتقد معظمنا عارفينه ولي طلب عند حضرتك
ياريت ملخص زي ده بخصوص العلاقة بين فريم ساعة وأربع ساعات في استراتيجية القنوات بس . وشكرا مقدما وباقة ورد لقلبك الأبيض .

[نوره]

الشعب يريد ،، خلاصة الكتاب